Amateka ya Rugamba Sipiriyani, wishwe muri Jenoside

Imyidagaduro   Yanditswe na: Muhire Jason 7 April 2018 Yasuwe: 1173

Rugamba Sipiriyani ni umwe mu bahanzi b’abahanga bishwe mu gihe cya Jenoside yakorewe Abatutsi mu wa 1994.

Rugamba yari umusizi, umwanditsi w’ibitabo, umushakashatsi ndetse n’umuririmbyi. Rugamba yamenyekanye cyane ku Itorero rye ryitwa “Amasimbi n’Amakombe” ryamufashaga mu ndirimbo zabaga zikubiyemo ubutumwa bw’ingenzi ku Banyarwanda.

Rugamba wari ufite impamyabumenyi y’Ikirenga mu by’amateka, yavukiye ahahoze ari Komini Karama mu 1935, ubu ni mu karere ka Nyamagabe, aba ari na ho yigira amashuri abanza.

Ayisumbuye yayakomereje muri Seminari Ntoya ya Kabgayi, ajya no muri Seminari nkuru ya Nyakibanda, akomereza muri Kaminuza i Bujumbura, hanyuma impamyabumenyi ye y’ ikirenga ayikura i Louvain mu Bubirigi.

Mu mwaka wa 1965, Rugamba yashakanye na Daforoza Mukansanga babyarana abana 10, nyuma yo gutakaza umukunzi we wa mbere wishwe azira ko ari Umututsi mu mwaka wa 1963.

Rugamba azwiho kandi imivugo n’ibisigo birata ubwiza ahanini yahimbiraga uyu mukunzi we wa mbere witwaga Mukangiro Saverina, nka Basaninyange, n’izindi ndirimbo z’ibihozo n’utubyiniriro.

Rugamba kandi abinyujije mu Itorero Amasimbi n’Amakombe yasohoraga indirimbo zirimo ubutumwa bwo gushishikariza Abanyarwanda kuba inyangamugayo, gushishoza no kugira Ubumwe.

Zimwe muri izo ndirimbo harimo nka Ntumpeho, inda nini, Jya umenya gusasa utanduranyije cyane, Agaca n’izindi.

Kubera kutihanganira akarengane, aho yakarwanyaga ahanini yifashishije ubunararibonye mu guhanga, ubwo Jenoside yegerezaga yakuwe mu kazi ka Leta yari amazemo igihe.

Rugamba n’umugore we Daforoza Mukansanga n’abana babo 6, bishwe muri Jenoside.

Rugamba yasize indirimbo zirenga 400 zirimo ubutumwa butandukanye, imivugo, ibisigo, anibukwa nk’umuntu wateje imbere ubuvanganzo nyarwanda kuko yanakoze igihe kinini mu cyahoze ari ikigo cy’Ubushakashatsi cya IRST cyari giherereye i Huye.

Rugamba Sipiriyani yahimbye indirimbo nyinshi zisingiza Imana muri Kiliziya Gatulika, anashinga umuryango yise “Communauté de l’Emmanuel”, umuryango waje gukwira mu gihugu cyose n’ubu ukaba ugihari.

Mu mwaka wa 2014, Rugamba yasabiwe n’uyu muryango kugirwa intwari, ndetse na Kiliziya isabwa kumugira umutagatifu, ubusabe n’ubu bukiri kwigwaho.

Rugamba Sipiriyani n’umuryango we bishwe ku wa 7 Mata 1994, ariko by’umwihariko yibukwa ku wa 15 Kanama ku munsi w’ijyanwa mu ijuru rya Bikiramariya, nk’uko yabisabye umuryango we mbere yo gupfa.

Inkomoko: Imbuga zitandukanye za Interineti

Author : Muhire Jason

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ibyo Federasiyo ivuga ni ubujiji ngo bahagarike agasobanuye’Rocky...

Mu minsi ishize nibwo Federation ya Sinema mu Rwanda yashyize hanze...
17 August 2018 Yasuwe: 1994 4

Ifoto ya Rihanna ari kumwe n’umuhanzi w’umuraperi atambaye yavugshije imbaga...

Umuhanzikazi Rihanna ukunzwe n’abatari bake hirya no hino ku Isi bitewe...
17 August 2018 Yasuwe: 4612 0

Umugore wa Riderman yamubwiye amagambo adasanzwe yuzuyemo amarangamutima

Agasaro Farid Nadia na Gatsinzi Emery bamaze imyaka 3 basezeranye kubana...
17 August 2018 Yasuwe: 1881 0

Umuhanzikazi w’ ikirangirire bahimbaga ‘umwamikazi wa Roho’ yitabye...

Umuhanzikazi w’ icyamamare mu njyana zo guhimbaza Imana wamenyekanye cyane...
16 August 2018 Yasuwe: 2553 0

Uburanga bwa Shaddy Boo bwavugishije Amag The Black amutera Imitoma...

Amag The Black yumvikanye mu ndirimbo avuga uburyo Shaddy Boo ari umuti...
16 August 2018 Yasuwe: 4363 0

’Sesiliya yari umukecuru ugira isuku’ Sibomana ukina URUNANA yitwa Patrick [...

Sibomana Emmanuel umunyamakuru akaba n’ umukinnyi mu ikinamico urunana...
16 August 2018 Yasuwe: 2938 1