Ariana Grande yatandukanye n’ umukunzi we

Imyidagaduro   Yanditswe na: Muhire Jason 16 October 2018 Yasuwe: 696

Ariana Grande uri mu bahanzi bakomeye ku Isi, yatandukanye na Pete Davidson bari bamaze amezi atanu bambikanye impeta ihamya urukundo rwabo rwaganishaga ku kubana nk’umugore n’umugabo.

Uyu mukobwa yamenyekanye mu ndirimbo zirimo ‘Love me harder’, ‘Focus’, ‘Everyday’, ‘Problem’, ‘Dangerous woman’, ‘Breathing’, ‘Side to side’ ft Nicki Minaj, Bang bang’ na God is a woman aheruka gushyira hanze n’izindi.

Inkuru zo guca ukubiri hagati ye n’umukunzi we zatangiye gucaracara mu kwezi gushize.

Byongeye kugira ubukana kuri iki Cyumweru tariki 14 Ukwakira ubwo bimwe mu binyamakuru bikomeye ku Isi birimo CNN, TMZ n’ibindi, byatangazaga ko hari amakuru yizewe byakuye mu nshuti za hafi z’aba bombi yemeza ko batandukanye.

TMZ yatangaje ko Ariana Grande na Pete Davidson bahisemo guhagarika iby’urukundo rwabo mu mpera z’icyumweru gishize.

Aba bombi batandukanye ku bwumvikane bwabo gusa ngo baracyafitanye ubucuti ariko butari ugukundana nk’uko byari bisanzwe.

Pete Davidson yambitse impeta y’urukundo Ariana Grande muri Gicurasi uyu mwaka, nyuma y’igihe kinini bihwihwiswa ko bakundana mu buryo bw’ibanga.

Icyo gihe Ariana Grande yambitswe impeta ihenze cyane dore ko yari ifite agaciro k’amadorali agera ku bihumbi ijana [arenga miliyoni 80 Frw].

Muri iki gihe Ariana Grande amaze iminsi yandika ku mbuga nkoranyambaga ubutumwa bugaragaza ko ari mu bihe birushya ndetse akanerura ku karubanda ko akeneye agahenge akabanza akiterezaho.

Yaherukaga kugaragara ari kumwe n’umukunzi mu cyumweru gishize.

Ku wa Gatandatu Ariana Grande yari afite igitaramo ntiyacyitabira, umujyanama we avuga ko uyu mukobwa muri iki gihe atameze neza.

Muri Nzeri umuraperi witwa Mac Miller wakundanye na Ariana Grande imyaka ibiri mbere ya Pete Davidson yapfuye urupfu rutunguranye.

Author : Muhire Jason

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Imyitwarire idahwitse no kuburira ijwi imbere y’abafana byatumye...

Umuririmbyikazi Madonna yibasiwe n’abakunzi b’umuziki nyuma yo kuririmba nabi...
19 May 2019 Yasuwe: 1725 0

King Fiston uba muri Malawi uririmba nka Meddy afite intego yo...

Dusingizimana Fisto uzwi ku mazina y’ubuhanzi ya King Fiston umuhanzi...
19 May 2019 Yasuwe: 929 0

Kidum yavuze uburyo ashobora gukubita umuntu bakagira ngo yagonzwe...

Kidum yahishuye ko nubwo akora umuziki afite undi mwihariko mu mukino wo...
18 May 2019 Yasuwe: 2236 0

Umuraperi Drake yerekanye indege ihambaye yaguze yo mu bwoko bwa Boeng...

Nyuma yo gutangira umwuga we wo kurapa mu buryo busa nk’ubugoranye, Drake...
18 May 2019 Yasuwe: 3329 0

Umuhanzi nyarwanda wakoraga umuziki Gakondo yapfiriye muri Zambia...

Iyakaremye Justin, Umuhanzi nyarwanda wakoraga umuziki Gakondo, aherutse...
18 May 2019 Yasuwe: 4480 0

Hamisa Mobetto yagaragaje ko yihuje na Ali Kiba bituma benshi mu bakunzi ba...

Hamisa Mobetto wahoze ari inshuti ikomeye ya Diamond Platnumz banabyaranye...
18 May 2019 Yasuwe: 2413 0