Umuririmbyi Beyoncé Knowles n’umugabo we Jay-Z batumiwe mu gitaramo cyo gusezera Perezida wa Amerika, Barack Hussein Obama kuri uyu 06 Mutarama 2017.
Ibiro bya Perezida wa Amerika, ducyesha aya makuru byanditse ko uyu muhango uzabera mu mbago z’ ibyo biro, ukazitabirwa na Perezida Obama n’umugore we Michelle Obama. Uretse Jay z n’umugore we, hanatumiwe Ibindi byamamare birimo:Stevie Wonder, Usher, Oprah Winfrey, Samuel L. Jackson, Bradley Cooper na George Lucas.
Kuwa 20 Mutarama 2017, nibwo (...)

Sponsored Ad

Umuririmbyi Beyoncé Knowles n’umugabo we Jay-Z batumiwe mu gitaramo cyo gusezera Perezida wa Amerika, Barack Hussein Obama kuri uyu 06 Mutarama 2017.

Ibiro bya Perezida wa Amerika, ducyesha aya makuru byanditse ko uyu muhango uzabera mu mbago z’ ibyo biro, ukazitabirwa na Perezida Obama n’umugore we Michelle Obama.

Uretse Jay z n’umugore we, hanatumiwe Ibindi byamamare birimo:Stevie Wonder, Usher, Oprah Winfrey, Samuel L. Jackson, Bradley Cooper na George Lucas.

Kuwa 20 Mutarama 2017, nibwo hateganyiwe irahira rya Donald Trump uherutse gutorerwa kuyobora Leta zunze ubumwe za Amerika ahigitse Hillary Clinton.

Beyonce Knowles, Jay Z na Kendrick Lamar bari batumiwe mu birori by’ibanga hizihizwa isabukuru ya Perezida Obama

Ni nabwo hazaba ihererekanya bubasha hagati ya Obama na Trump. Perezida Obama amaze imyaka 8 ayoboye iki gihugu kigihangange bivuze ko ayoboye manda ebyiri.

Si ubwa mbere Perezida Barack Obama atumira Jay z na Beyonce kuko ubwo yuzuzaga imyaka 55 y’amavuko kuwa 4 Kanama 2016, umugore we Michelle Obama bamaranye imyaka 24 yamuteguriye ibirori bidasanzwe.

Ikinyamakuru Page Six cyanditse ko, muri White House hateguwe ibirori bikomeye [ariko biheza bamwe] by’isabukuru ya Perezida Barack Obama. Michelle ngo yatumiye Beyonce n’umugabo we Jay Z nk’urugo basanzwe bafitanye umubano wihariye.

Beyoncé na Jay Z binjije miliyoni 107.5 z’amadolari mu 2015, umugore yasaruye miliyoni 54 mu gihe umugabo ubwe yabitse kuri konti miliyoni 53.5 z’amadolari.

Ibi byatumye urugo rwabo ruza imbere mu zinjije akayabo kurusha izindi muri 2016 nk’uko byatangajwe na Forbes isanzwe izobereye mu kubarura imitungo y’ibyamamare ku Isi.