addresiya
startimes

Bimwe mu bihe by’ingenzi byavuzwe cyane mu Rwanda mu kwezi kwa Mata harimo ifatwa rya Sankara,gushyira hanze ubwambure bw’abakinnyi, impano zitangaje,ubwishongozi bwa Gahongayire nibindi[AMAFOTO]

Imyidagaduro   Yanditswe na: Martin Munezero 1 May 2019 Yasuwe: 4984

Nkuko bisanzwe bisanzwe buri kwezi ntihajya habura ibidasanzwe bikuberamo haba ku mbuga nkoranyambaga no mu binyamakuru byo mu Rwanda bigacika,Aha tukaba twakusanyirije abasomyi b’UMURYANGO bimwe mu bihe by’ingenzi byavuzwe cyane mu binyamakuru ndetse no ku mbuga nkoranyambaga byo mu Rwanda mu kwezi gushize kwa Mata.



Mugitondo cyo ku itariki 15 Mata hari kuwa mbere nibwo abantu benshi batangiye kubona amwe mu mashusho y’abakinnyi bambaye ubusa yatangiye gushyirwa hanze n’abantu bataramenyekana neza gusa bikavugwa ko ari umukobwa uba muri Mali.

Iyi nkubiri yo gushyira hanze ubwambure bw’abakinnyi yahereye ku munyezamu wa APR FC Kimenyi Yves washyizwe ku karubanda tariki 15 Mata,nyuma iza gukomereza ku mukinnyi Muhire Kevin nawe washyizwe hanze ubwambure bwe nyuma y’iminsi ibiri ho ya Kimenyi.

Amashusho agaragaza ubwambure bw’aba bakinnyi akaba yarakomeje kugenda akwirakwizwa hirya no hino dore ko benshi mu bakurikiranira hafi imyidagaduro nabo bagiye bayavugaho cyane ndetse banayahererekanya.

Ikindi kintu gikomeye cyagarutsweho cyane mu kwezi gushize hano mu Rwanda ni amashusho y’umwana w’imyaka 10 waganiriye n’igitangazamakuru cya ISIMBI,aho abantu benshi batangariye ubuhanga bwe bitewe n’ibisubizo yasubizaga abamubazaga.

Uyu mwana wamenyekanye nk’umusizi ukiri muto hano mu Rwanda akomeje kugenda atangarirwa na benshi bitewe n’ubuhanga budasanzwe afite.

Ibindi bihe by’ingenzi byaranze ukwezi tuvuyemo,ni mu cyumweru gishize ubwo habaga umukino wa Rayon Sport na APR FC wabaye ku wa gatandatu tariki 20 Mata 2019 aho uyu mukino warangiye Rayon Sport itsinze APR FC igitego 1 ku busa. Uyu mukino ukimara kurangirana n’intsinzi ya Rayon Sport hahise hakurikiraho kwishimira intsinzi ku ruhande rw’abafana ba Rayon Sport aho babyinnye ndetse bakanacelebra bikomeye mu mujyi wa Kigali ndetse no mu nkengero zawo.

Ikindi kintu cyavuzweho cyane ni inkuru ya Aline Gahongayire ubwo tariki ya 26 Mata ku mbuga nkoranyambaga zitandukanye hakwirakwizwaga amashusho agaragaza Aline Gahongayire arimo gutanga ubuhamya bw’ubuzima bwe ndetse nuko yatandukanye n’umugabo we akabazwa niba azongera kurongorwa aho yanavuze ko atigeze abivugira kuri Radiyo zo mu Rwanda kuko atari ku rwego rwazo.

Muri ubu buhamya burebure ni naho yavugiye ko atakiri ku rwego rw’itangazamakuru ryo mu Rwanda ibintu byatumye anengwa n’abantu batari bake bagiye bakwirakwiza ku mbuga nkoranyambaga amashusho y’agace yabivugiyemo avuga ko ibibazo byose bijyanye n’urugo rwe yabibajijwe na Radio ya Voice Of Amerika[ VOA],ndetse avuga ko atari kwigera abivugira kuri Radio zo mu Rwanda ahubwo ko yari yigereyeyo i Washington DC ahita anavuga ko atari kuri Radio ya Isango Star.

Iyi ni inkuru itarashimishije na gato bamwe mu bakora itangazamakuru ryo mu Rwanda cyane cyane mu gisata cy’Imyidagaduro bavuga ko amagambo yavuze yuzuyemo ubwishongozi bukabije.

Indi nkuru yavuzwe cyane mu bitangazamakuru byo mu Rwanda ni Umuvugizi w’umutwe wa FLN,ushamikiye kuri MRCD ya Rusesabagina,Nsabimana Callixte wiyitaga Majoro Sankara wakunze kumvikana ku maradiyo mpuzamahanga no kuri youtube yigamba gufata ishyamba rya Nyungwe,aho yafashwe ndetse akagezwa no mu Rwanda mu mpera z’ukwezi kwa Mata tuvuyemo itariki 30.

Iyi ikaba ari inkuru yaje ishimisha abanyarwanda bose muri rusange bitewe n’amagambo akarishye uyu Sankara yakunze kugenda akoresha avuga ko azahungabanya umutekano w’u Rwanda n’abanyarwanda.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Amahari yatumye Kim Kardashian na Kanye West buri umwe yitarura...

Amakuru arimo gutangazwa n’ikinyamakuru The Sun avuga ko mu rugo...
7 June 2020 Yasuwe: 25 0

Abafana baguye mu kanu nyuma yo gushwana kwa Wizkid na Davido byari bizwi...

Abahanzi bakomeye cyane muri Nigeria Ayodeji Ibrahim Balogun uzwi nka...
6 June 2020 Yasuwe: 917 0

Umwana wa George Floyd yavuze uburyo urupfu rwa Papa we rwahinduye...

Umuhanzi w’injyana ya hip-hop, Kanye West, yemeye kwishyura amafaranga...
6 June 2020 Yasuwe: 3880 0

Mushiki wa Diamond yavuze ku gusubira kwa Musaza we na Zari

Esma Platnumz akaba na mushiki w’umuhanzi w’igikomerezwa mu muziki wa...
5 June 2020 Yasuwe: 3569 0

Ringtone umuhanzi w’indirimbo zo kuramya no guhimbaza Imana yasobanuye...

Umuririmbyi w’indirimbo zo kuramya utavugwaho rumwe wo muri Kenya, Ringtone...
5 June 2020 Yasuwe: 2015 0

Hamisa Mobetto yasingije Ali Kiba maze atesha agaciro Diamond...

Umukobwa usanzwe agaragara kenshi mu mashusho y’indirimbo z’umuhanzi Diamond...
5 June 2020 Yasuwe: 2342 0