Biravugwa ko Miss Aurore yatandukanye n’umukunzi we umaze amezi macye amwambitse impeta

Imyidagaduro   Yanditswe na: Muhire Jason 8 December 2018 Yasuwe: 4350

Biravugwa ko Miss Aurore yatandukanye n’umukunzi we Egide Fox uherutse kumwambaika impeta akamwemerera ko bazibanira akaramata.

Kuri uyu wa Gatandatu nibwo inkuru yacicikanye ku mbuga nkoranyambaga ivuga ko urukundo rwa Kayibanda Aurore n’umukunzi we Egide Fox rwajemo agatotsi bigatuma batandukana.

Egide yamaze gusiba buri mashusho yose Aurore agaragaramo kuri konte ye ya instagram

Ibi byemejwe na bimwe mu bimenyetso bifatika byagaragaye kuri konte zaba bombi aho kuri ubu Egide yasibye amwe mu mafoto y’uyu mukobwa yashyizeho ndetse n’amashusho yagiye ashyiraho bagiye bifata arimo imwe muyo yashyizeho amwambika impeta mu mezi yashize.

Konte ya Aurore yo ubu magingo aya nabwo iri kugaragara kuri Instagram aho bivugwa ko yamaze kuyisiba cyangwa akaba yayikuyeho mu gihe runaka kitazwi akazayisubizaho nkuko bamwe mu byamamare bakunze kubigenza.

Miss Mutesi Kayibanda Aurore wabaye Nyampinga w’u Rwanda mu mwaka wa 2012, akanambikwa ikamba rya Miss FESPAM ryatangiwe mu Mujyi wa Brazza Ville mu iserukiramuco rya Festval Panafricain de la Musique muri 2013. Mu mwaka wa 2014 nibwo byatangiye guhwihwiswa ko Miss Mutesi Aurore ari mu rukundo na Mbabazi Egide, ntibigeze babihakana cyangwa ngo bihishire dore ko kenshi wasangaga amafoto yabo ku mbuga nkoranyambaga ndetse banabwirana amagambo meza y’urukundo.

Muri 2015 byaje gushimangirwa n’urugendo Egide yagiriye mu Rwanda nyuma y’imyaka myinshi yari amaze aba muri Amerika, akaboneraho gusangira ubuzima bwiza na Aurore bagatembera ahantu hari ubwiza nyaburanga ndetse n’ahandi hatandukanye.

Mutesi Aurore na Egide Mbabazi bahanye isezerano ryo kuzabana nk’indahemuka imbere y’amategeko k tariki 29 Nyakanga 2018. Mu mashusho n’amafoto basakaje ku mbuga nkoranyambaga, bagaragaje ko basezeraniye ku nkombe z’inyanja muri Leta ya Maine mu Mujyi wa Portland.

Tariki 28 Gashyantare 2018 nibwo Egide yateye ivi, asaba Kayibanda ko yazamubera umugore. Hari mu muhango wabereye i Las Vegas muri Leta Zunze Ubumwe za Amerika. Kayibanda Aurore ntiyazuyaje kuvuga ‘Yego’ mu marira menshi yamuzengaga mu maso ndetse agera nubwo ashoka ku matama. Ni nyuma y’imyaka isaga 4 bamaze bakundana mu munyenga w’urukundo badasiba kugaragaza.

Byavugwaako ubukwe bwabo bombi bwari kuzabera mu Rwanda mu mpera z’uyu mwaka wa 2018 kuko ngo imiryango yaba bombi iherereye mu Rwanda.

Kuri ubu biravugwa ko aba bombi bamaze gutandukana ku mpamvu zitazwi nubwo kugera magingo ntamakuru yizewe yari yagera hanze tukaba turaza gukomeza kubakurikiranira ibyi nkuru neza mu nkuru zacu ziri imbere.

Author : Muhire Jason

Ibitecyerezo

  • Log in

    Amategeko n'amabwiriza birkurikizwa


  • chat_bubble rukebesha

    Erega nta rukundo rukibaho.Abantu baba bashaka kwishimisha akanya gato gusa,bakibeshya ko "bari mu rukundo".Ikindi kandi,abahungu bahararuka vuba.Iyo baryamanye n’umukobwa,niyo byaba rimwe gusa,baraguta.Bakobwa,byaba byiza mwirinze guha abahungu mbere y’ubukwe,kubera ko ari icyaha.
    Igihe cyose abantu bazanga kuba abakristu nyakuri,nta mahoro bazagira.Soma Yesaya 48:17,18 wumve uko Imana itubwira.Ikibazo nuko iyo nama ntacyo ibwiye abantu.Nubwo bitwa ngo ni Abakristu.

    5 months ago
  • chat_bubble Kamaliza

    Ikibazo cy’inkundo z’ubu batangira gusambana bakimenyana ku munsi wa mbere!Iryo rari iyo rimaze gushira umwe yahaze undi nizo ngaruka zo gutandukana bitamaze kabiri!!Gusa baba bishimishije bihagije

    5 months ago

Inzindi nkuru

Umusore ukundana na Mwiseneza Josiane yamenyekanye[AMAFOTO]

Urukundo rugeze hagati y’umusore wiga muri Ines Ruhengeli na Miss...
24 May 2019 Yasuwe: 9170 0

Junior Multisystem yarahiye ko atazareka gukora indirimbo nubwo yaciwe...

Umuhanga mu gutunganya indirimbo z’abahanzi mu buryo bw’amajwi Junior...
24 May 2019 Yasuwe: 4540 0

RIB yataye muri yombi umusore uherutse gusebya umunyamakuru Phil Peter ko...

Mu minsi ishize umusore yibasiye umunyamakuru Phil Peter amushinja kutagira...
24 May 2019 Yasuwe: 4221 0

Utuntu dutangaje twabaye kuri Knowless agitangira umuziki tumusetsa iyo...

Mu tuntu twajyaga tumubaho, Knowless yavuze ko agitangira umuziki yagiraga...
24 May 2019 Yasuwe: 2180 0

Mutoni Assia yahishuye impamvu yatumye ahagarika ikirego cya Njuga wamwise...

Umukinnyi wa filime Mutoni Assia wari uherutse kujyana umukinnyi wa filime...
24 May 2019 Yasuwe: 3153 2

Mubyara wa Masamba Intore akaba n’umuvandimwe wa Jules Sentore afungiwe muri...

Umuhanzi w’umurundi Yvan Muziki ufite amaraso yo mu Rwanda ndetse akaba ari...
23 May 2019 Yasuwe: 4395 1