Bobi Wine yamaramaje guhangana na Perezida Museveni mu matora

Imyidagaduro   Yanditswe na: Martin Munezero 25 July 2019 Yasuwe: 948

Robert Kyagulanyi wamamaye cyane muri muzika nka Bobi Wine akaba n’umwe mu bagize Inteko Ishinga Amategeko ya Uganda yiyemeje ko azahatana na Perezida Museveni mu matora ateganyijwe kuba mu 2021.

Ibi yabivugiye muri Leta Zunze Ubumwe za Amerika mu kiganiro yagiranye na Televiziyo ya CNN. Bobi Wine yagiye muri Amerika nyuma y’uruzinduko yari yagiriye muri Jamaica aho yahuye n’abayobozi batandukanye akanaririmba mu gitaramo.

Uyu mudepite uhagarariye agace ka Kyadondo y’Uburasirazuba yavuze ko umugambi we n’abambari be ari ugukura Perezida Museveni ku butegetsi binyuze mu matora azaba mu 2021.

Ati “Turashaka ko Abagande benshi bazatora biyandikisha niyo nzira yonyine yo gutsinda Museveni. Abantu benshi bansabye kubahagararira njye n’ikipe yanjye twabiganiriyeho navuga ko njye n’ikipe yanjye dukomeje umugambi wo guhangana na Perezida Museveni mu matora ataha.”

Kuva Bobi Wine yatorwa tariki 30 Kamena 2017 yagaragaje ko adashyigikiye na gato ubutegetsi bwa Perezida Museveni n’ishyaka rye rya NRM.

Mu mvururu zatewe n’amatora yo gushaka umudepite wagombaga guhagararira agace ka Arua zanahitanye umushoferi we, Bobi Wine yarafashwe arafungwa anakorerwa iyicarubozo ku buryo yagiye kwivuriza muri Amerika.

Bobi Wine yakunze kuvuga ko Museveni akwiye kurekura ubutegetsi kuko ashaje, ndetse ari mu barwanyije cyane ihindurwa ry’ingingo iri mu Itegeko Nshinga igena imyaka ushaka kuyobora Uganda agomba kuba atarengeje, yahinduwe bigatuma Museveni yemererwa kongera kwiyamamaza.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Vera Sidika yitabiriye ibirori bya Tanasha yambaye ikariso n’isutiye gusa...

Umukobwa witwa Vera Sidika waje mu birori bya Tanasha Donna ubwo yari...
25 August 2019 Yasuwe: 3418 1

Umukobwa wa Lil Wayne yaciye ibintu kubera amashusho yashyize hanze akimara...

Umukobwa w’umuraperi Lil Wayne witwa Reginae Carter yamaze kugura inzu ye...
25 August 2019 Yasuwe: 3573 0

Umuhanzi Nyarwanda Christopher araburira abantu bakoresha Facebook

Umuhanzi Nyarwanda Muneza Christopher wamenyekanye nka Christopher mu...
24 August 2019 Yasuwe: 1716 0

Niswe imbwa nishakaho umurizo ndawubura-Bishop Gafaranga

Bishop Gafaranga ni umwe mu banyarwenya bibanda cyane ku bakozi b’Imana...
24 August 2019 Yasuwe: 2221 0

Abongereza banyoye agasembuye kenshi karabandagaza kugeza ubwo bamwe...

Nk’ibisanzwe mu bihugu bigize ubwami bw’Ubwongereza,UK,mu mpera z’icyumweru...
24 August 2019 Yasuwe: 2821 0

Umuraperikazi Young Grace yibarutse imfura ye

Umuraperikazi Abayizera Grace wamenyekanye nka Young Grace yibarutse imfura...
24 August 2019 Yasuwe: 2586 1