Knowless warokotse Jenoside afite imyaka 4 yagize icyo asaba abanyarwanda

Imyidagaduro   Yanditswe na: Muhire Jason 7 April 2018 Yasuwe: 5365

Butera Jeanne d’Arc uzwi nka Knowless ni umuhanzi ukomeye cyane mu Rwanda, ndetse no mu karere amaze kumenyekana. Mu myaka 24 ishize biragoranye cyane kugira icyo avuga ku byamubayeho muri Jenoside yakorewe abatutsi,aho yari umwana muto cyane ataruzuza imyaka ine, ubutumwa atanga uyu munsi ni ubw’ubumwe bw’abanyarwanda no gukomera ku barokotse.

Knowless yavutse tariki 01 Ukwakira 1990 avukira mu Ntara y’Amajyepfo,kimwe n’abandi bahanzi mu gihe nk’iki cya Jenoside ibikorwa byabo bya muzika ntabwo biba ari byinshi, afata umwanya uhagije wo kuba ari mu rugo akajya no mu bindi bikorwa bijyanye no kwibuka.

Kuri we Jenoside ni ikintu kibi cyane cyabaye mu Rwanda kidakwiye kuzongera kuhaba ukundi.

Butera Knowless yagize icyo avuga ku munsi w’icyunamo avugako ari umwanya bafata w’umwihariko bakunamira ababo bazize Jenoside yakorewe Abatutsi mu 1994, babibuka ndetse bakanabaha icyubahiro bakwiye.

Yagize ati "Icyunamo kivuze byinshi. Ni umwanya dufata w’umwihariko tukunamira abacu bazize Jenoside yakorewe Abatutsi muri 1994, tukabibuka ndetse tukabaha icyubahiro kibakwiye. Jenoside yabaye mu gihugu cyacu yasize isenye byinshi ndetse hafi ya byose, benshi babuze imiryango yabo abana babuze ababyeyi babo ndetse n’ababyeyi babuze abana. Kuba rero abo yasize tukiri abana ubu twarakuze ndetse natwe tumazw kugira abadukomokaho, ni ikimenyetso cyiza cyerekana ko abanyarwanda banze guheranwa n’agahinda, ahubwo bagaharanira kubaho, bakiyubaka, bakanaziba icyo cyuho cyatewe na Jenoside yakorewe abatutsi.

Knowless kuri we abahanzi abafata nk’ijisho rya rubanda, avuga ko byoroshye kuba umuturage yumva indirimbo agahita afata amagambo yayo, bityo ko bo nk’abahanzi bakwiye kugira uruhare rushya mu kubaka igihugu bakoresheje impano zabo.

Ati “Nk’abahanzi dukwiye gukora icyo aricyo cyose cyakumira Jenoside, n’aho tubibonye n’abafite imyumvire nk’iyo tugashyira hamwe tukayamagana duharanira ko bitazongera.”

Ubutumwa aha abanyarwanda

Mu magambo ye ati “Abarokotse bakomere, ibyabaye byarabaye ariko ntibizongera. Baharanire kubaho kandi kubaho neza kubera ko guhera mu bwigunge nta kintu byakubaka, ariko kureba imbere nibyo bikwiriye.

Ibi bihe iyo tubigezemo biba bikomeye kuri buri wese. Kuko kwibuka bituma umuntu yongera kumva nk’aho ibyo bintu byabayeho ejo.

Niba uziko ufite umuturanyi cyane cyane ukunda kugira ibikomere muri iki gihe cyo kwibuka ntumutererane, umusange, umuhumurize, umukomeze kuko nicyo abanyarwanda tubereyeho guhana icyizere no guharanira bitazongera.

Author : Muhire Jason

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mu mafoto reba urutonde rw’abahanzikazi nyarwanda 5 bari gukurura cyane...

Abakobwa beza cyane Abahanzikazi nyarwanda bahiga abandi mu buranga...
25 April 2018 Yasuwe: 4035 1

Rubyogo uzwi muri filime nyarwanda amabere ye atuma bamwitiranya...

Umukinnyi wa filime nyarwanda uzwi nka Rubyogo yatangaje abantu kubera...
25 April 2018 Yasuwe: 2459 0

Ntibisanzwe: Umukobwa yambariye impanga ye y’umuhungu mu bukwe...

Umusore witwa Ayotunde Ilesanmi yambariwe n’impanga ye y’umukobwa witwa...
25 April 2018 Yasuwe: 4669 0

Inkweto Michael Jackson yabyinanye mu w’1983 atarapfa zashyizwe ku isoko ku...

Irebere Inkweto Michael Jackson yambaye mu myaka irenga 35 ishize, zikaba...
25 April 2018 Yasuwe: 686 0

Bwa mbere mu mateka y’u Rwanda umuhanzi yakoze amashusho arimo abakobwa...

Lion Gaga yakoze amashusho arimo abakobwa bambaye ubusa amabere ari hanze...
25 April 2018 Yasuwe: 8990 1

Falcon ufite igitsina kirekire ku isi yavuze ko uyu mwaka kiyongereyeho...

Umunyamerika Jonah Falcon w’imyaka 41 wemejwe ko afite igitsina kinini...
25 April 2018 Yasuwe: 3899 0