Butera Knowless yatangaje umuhanzikazi yigana kuko bahuje amateka akomoza no ku nzozi yari afite kera[AMAFOTO]

Imyidagaduro   Yanditswe na: Martin Munezero 11 June 2018 Yasuwe: 4195

Knowless Butera washakanye na Ishimwe Clement avuga ko yibonamo cyane Beyonce Knowless umugore wa Jay.z, uyu muhanzikazi ngo yakuranye inzozi zo kubyina nka we ndetse no gutera intambwe mu kirenge cye.

Ni mu kiganiro Knowless w’umwana umwe yigeze kugirana na Televiziyo mpuzamahanga ya CNN mu kiganiro cyayo African Voices.Yakomoje kuri muzika ye anahishura inzozi ze muri rusange kuva atangiye ku muzika kugera n’ubu.

Yabajijwe impamvu nyamukuru yatumye ahitamo izina ‘Knowless’ ko ari ryo agomba gukoresha muri muzika nyarwanda, yasubije adaciye ku ruhande maze ashimangira ko yarikuye kuri Beyonce Knowless akunda cyane,

Yagize ati "Nahisemo iri zina kubera ko nkunda cyane Beyonce. Icyo mukundira ni uko ari umuhanga mu bintu byose. Ibyo nkora byose ngerageza gukora nk’uko nawe akora, haba mu kubyina, kuririmba ndetse no kwandika indirimbo."

Knowless utuye i Kanombe mu karere ka Kicukiro yavuze ko asangiye amateka na Beyonce wibonyemo impano yo kuririmba akiri muto. Mu magambo ye yagize ati “Nari mfite imyaka 6 cyangwa 7 y’amavuko, ubwo naririmbaga muri korari aho nasengeraga …Mu 2010 nibwo natangiye kuririmba nk’umwuga. Na mama yari umuririmbyikazi, yaririmbaga muri korari.”

Umunyamakuru yamubajije uko yavuga umuziki we mu magambo avunaguye, anasabwa gutanga ubutumwa, ati "Umuziki wanjye navuga ko ari RNB na POP ndetse rimwe na rimwe ukaba uw’umuco. Indirimbo zanjye nyinshi zibanda ku rukundo, gukunda no gukundwa, zimwe zivuga ku buzima busanzwe, hari izivuga ku muco w’u Rwanda ndetse no ku bagore b’abanyafurika"

Knowless ari mu bahanzi bubashywe bafite byinshi bamaze kugeraho, avuga ko kugera kuri ibyo byose aho buri wese amubona nk’uwakoze ibidasanzwe ngo n’inzira ikomereye buri wese kugirango ayicemo.

Ati "Bitwara imbaraga nyinshi kugira ngo uhige abandi cyane cyane iyo uri umuhanzikazi. Bisaba kuba ufite umwete cyane kuko biba bigoye cyane, uba ugomba guca bugufi, ukagira umutima mwiza, , biragoye cyane. Bisaba kwitanga gukomeye kugira ngo ube uhiga abandi mu muziki waba uwa Afurika cyangwa ku isi yose."

Yavuze ko agifite inzozi zo kugera ku rwego rwa Beyonce, ati "Mfite inzozi ko umunsi umwe nzaba nka Beyonce, kubera iki se bitashoboka? Mfite inzozi kandi ko umuziki w’u Rwanda hari igihe uzahiga indi yose ku isi."

Ngo nta byinshi bihambaye amaze kugeraho ariko ko yifuza kugera kuri byinshi kandi ngo imihigo irakomeje, yagize ati "Nishimira aho ngeze ubu, ariko haracyari byinshi nifuza kugeraho, nkakora ibintu birenze urugero, rero nkeneye gukora cyane kugira ngo ngume aho ndi ubu kandi nkomeze no gutera imbere."

Yanasubije uko abona Afurika y’ubu, ati "Afurika yanjye ni nziza, iratangaje dufite byinshi twaratira abandi."

Knowless yegukanye ibihembo bikomeye mu irushanwa rya Salax Awards, kandi akavugwa cyane nk’umukobwa wa mbere wegukanye irushanwa ngaruka mwaka rya Primus Guma Guma Super Star ku nshuro ya gatanu.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Masamba,Makanyaga,Mariya Yohana na Sophia ucuranga inanga bagiye guhurira...

Umuhanzi Mudandi Frank yateguye igitaramo yise “Inganzo yanjye” akaba avuga...
24 September 2018 Yasuwe: 403 0

Rihanna yagizwe umuyobozi ukomeye mu gihugu cya Barbados

Rihanna yagizwe ambasaderi n’igihugu cy’ivuko cya Barbados.
24 September 2018 Yasuwe: 1065 0

Stromae n’umugore we Coralie Barbier bibarutse imfura y’umuhungu

Stromae mu mpera z’icyumweru gishize yibarutse imfura ye y’umuhungu.
24 September 2018 Yasuwe: 797 0

Irebere umukobwa ufite imyambarire n’imiterere bidasanzwe biri kuvugisha...

Irebere amwe mu mafoto y’umukobwa akomeje gucicikana ku mbuga nkoranyambaga...
24 September 2018 Yasuwe: 3105 0

Kubera ubwiza bw’abanyarwandakazi Abdul Mulaasi yavuze ko yifuza abagore 6...

Abdul Mulaasi uzwiho gukunda abagore cyane mu gihugu cya Uganda yatangaje...
24 September 2018 Yasuwe: 1678 0

Martin Promoter yakoze indirimbo ’This Is Rwanda’ yumvikanamo ibidasanzwe...

Martin Munezero wihaye izina rya Martin Promoter yashyize hanze indirimbo...
24 September 2018 Yasuwe: 502 0