Byarangiye Bobi Wine acitse Polisi ya Uganda yari yagose agace kose yaraherereyemo

Imyidagaduro   Yanditswe na: Martin Munezero 17 December 2018 Yasuwe: 3301

Umudepite Robert Kyagulanyi Ssentamu uzwi nka Bobi Wine yatangaje ko yihishe amasaha atari make nyuma yo kugaragara ko ari guhigwa bukware na polisi yo muri Uganda mu Mujyi wa Jinja aho yagombaga gukorera igitaramo yari afatanyije n’abandi bahanzi batandukanye bakizamuka.

Uyu mudepita wamenyekanye cyane mu muziki wa Uganda, abinyujije ku mbuga nkoranyambaga yatangaje ko Polisi yariri kumuhiga bikomeye nyuma y’aho yari yateguye igitaramo muri Jinja we n’abandi bahanzi bakizamuka bo muri ako gace.

Ati “ Umujyi wose bawutereye hejuru banshakisha.”

Uyu mugabo avuga ko imihanda minini muri Jinja kuri ku cyumweru itari nyabagendwa bitewe n’iki gikorwa kandi ko ibi bizura akaboze k’ibyabereye mu Karere ka Arua.

Yavuze ko ibyamukorewe ari akarengane kiyongera ku bindi byinshi yagiye akorerwa. Yahishuye ko igipolisi cyafashe abantu be barakubitwa abandi bajyanwa muri za kasho ahatazwi ndetse ngo na we yahavuye atorotse asubira i Kampala.

Yagize ati “Igisebo, igisebo, igisebo kuri mwebwe mwateye itsinda ryanjye murisanze muri hoteli muri Jinja. Nagerageje kuza ku manywa y’ihangu, nari ntegereje kuririmba kandi mwari mwabirebye neza ko nta kibazo biteye.”

Yongeraho ati “Mumaze kuza, abaturage bo muri Jinja bagerageje kudufasha gucika no guhunga imitego y’umwanzi. Imisumari mwari mwashyize mu mihanda munshakisha kugira ngo mumbuze gusubira mu rugo narayirenze. Nageze Kampala muri iki gitondo".

Bobi Wine avuga ko hari abakunzi be bafungiwe ahantu hatazwi

Umunyamategeko wa Bobi Wine, Robert Amsterdam nawe avuga ko bamwe mu bashyigikiye Bobi Wine batawe muri yombi abandi bagakubitwa bikomeye ariko nta kimenyetso na kimwe atanga cy’ibyo avuga.

Kugeza ubu Polisi ya Uganda ntacyo iravuga ku byatangajwe na Bobi Wine.

Mu minsi ishize, Perezida Museveni aherutse gutangaza ko adashobora kwemerera abantu bahura bagamije kureba uko bahirika Leta ayoboye.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Pallaso yasuye imva ya murumuna we nyakwigendera Ak47 agaragaza...

Pallaso numwe mu bahanzi bakomeye mu gihugu cya Uganda akaba murumuna wa...
18 March 2019 Yasuwe: 1345 0

Reba igihembo gihambaye Meddy yahawe n’urubuga rwa Youtube[AMAFOTO]

Umuhanzi w’Umunyarwanda Ngabo Medard Jobert [Meddy] yabaye umuhanzi wa...
17 March 2019 Yasuwe: 4517 0

Umukobwa wa Micheal Jackson yatabawe arimo kwiyahura

Umukobwa wa Micheal Jackson, witwa Paris-Michael Katherine Jackson w’imyaka...
17 March 2019 Yasuwe: 3216 0

Young Grace yahishuye igitsina cy’umwana atwite n’izina azamwita

Nyuma y’amakuru amaze iminsi acicikana avuga ko umuraperikazi w’Umunyarwanda...
17 March 2019 Yasuwe: 5959 0

Mu mafoto reba uburanga bw’inkumi yatwaye umutima w’umuhanzi nyarwanda...

Umuhanzi Rugamba Yves wamenyekanye ku mazina y’ubuhanzi nka Yverry kuwa...
16 March 2019 Yasuwe: 8349 0

Umugore wa Michael Jackson yatunguranye ahishura uburyo atigeze aryamana...

Debbie Rowe, umugore wa kabiri wa nyakwigendera Michael Jackson yatangaje...
16 March 2019 Yasuwe: 6187 1