skol
fortebet

CAF yasubitse irushanwa rya CHAN 2020 kubera Coronavirus

Yanditswe: Tuesday 17, Mar 2020

Sponsored Ad

Impuzamashyirahamwe y’umupira w’amaguru muri Afurika,CAF,yamaze gutangaza ko yigije imbere irushanwa ry’amakipe y’ibihugu y’abakinnyi bakina imbere mu bihugu byabo “CHAN 2020”,kubera icyorezo cya Coronavirus.

Sponsored Ad

CAF yatangaje ko iri rushanwa ryigijwe imbere kugeza taliki itazwi bitewe n’icyorezo cya Coronavirus cyayogoje isi yose.

Iri rushanwa ryari gutangira Tariki ya 04 rigazasozwa 25 Mata uyu mwaka muri Cameroon ariko CAF yavuze ko kubera raporo yahawe n’abaganga ku cyorezo cya COVID-19 yahisemo guhagarika iyi CHAN.

CAF yavuze ko nubwo Cameroon yavuze ko yabasha guhangana n’iki Cyorezo cya Coronavirus ariko ishami ry’umuryango w’abibumbye ryita ku buzima [WHO] ryababwiye ko ibintu bitaramera neza ndetse nta cyizere cy’uko iki cyorezo kizahagarara vuba.

CAF yavuze ko kwinjira mu bihugu bimwe na bimwe bya Afurika bitoroshye ndetse hari aho bitanashoboka kubera ko byakumiriye bamwe mu bagenzi babyinjiramo.

Mu rwego rwo kwirinda ibibazo byose byavuka,CAF yahisemo guhagarika iri rushanwa mu gihe kitazwi kugira ngo hagire ibibanza gutungana.

CAF kandi yasubitse inama zayo zari ziteganyijwe kubera iki cyorezo cya COVID-19.

Ikipe y’igihugu Amavubi iri mu makipe 16 yabonye itike yo gukina iyi CHAN 2020 yari igiye kuba ku nshuro ya 6 aho yashyizwe mu itsinda C hamwe na Uganda,Maroc na Togo.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa