Umwanditsi akaba n’umuririmbyi ukomeye muri Afurika y’Iburasirazuba Dr Jose Chameleon aherekejwe n’umuvandimwe we Pallaso ndetse n’umunyarwanda Dj Pius bakoranye indirimbo; bakoze igitaramo gikomeye mu mujyi wa Goma muri Weekend mu cyiswe ‘Amani Festival’ kizakurikirwa n’ ikizabera i Kigali.
Aba bahanzi bafite izina rikomeye bahuriye mu cyiswe ‘Amani Festival’, Chameleon niwe watumiwe yitabaza umuvandimwe we Pallaso anatumira Dj Pius bakoranye indirimbo bise ‘Agatako’.
Aba bombi baruhiza ku kuba (...)

Sponsored Ad

Umwanditsi akaba n’umuririmbyi ukomeye muri Afurika y’Iburasirazuba Dr Jose Chameleon aherekejwe n’umuvandimwe we Pallaso ndetse n’umunyarwanda Dj Pius bakoranye indirimbo; bakoze igitaramo gikomeye mu mujyi wa Goma muri Weekend mu cyiswe ‘Amani Festival’ kizakurikirwa n’ ikizabera i Kigali.

Aba bahanzi bafite izina rikomeye bahuriye mu cyiswe ‘Amani Festival’, Chameleon niwe watumiwe yitabaza umuvandimwe we Pallaso anatumira Dj Pius bakoranye indirimbo bise ‘Agatako’.

Aba bombi baruhiza ku kuba bagiye gutaramira I Kigali nyuma yo gukora igitaramo mbaturamugabo mu mujyi wa Goma.Ku mbuga nkoranyambaga aba bahanzi bakoresha baragira bati ‘Kigali niwowe utahiwe’.

Dr Jose Chameleon, Pallaso na Dj Pius mbere y’uko bava mu Rwanda

Igitaramo bavuga giteganyijwe kuzaba ku wa 17 Gashyantare,2018 n’ubwo birinda gutangaza neza aho kizabera.Basobanura ko ari mu rwego rwo kwibuka Mowzey Radio witabye Imana mu munsi ishize.

Hari amakuru avuga ko na Weasel wahoranye na Radio mu itsinda rimwe rya Goodlife nawe azaba ari I Kigali mu gitaramo cyo kwibuka mugenzi we banyuranye mu bihe bitandukanye.

Uncle Austin, Safi Madiba, Bruce Melody na Kid Gaju bari ku rutonde rw’abahanzi bashobora kuririmba muri iki gitaramo.

I Goma bahagurukije abafana

Dj Pius yafatanyije na Chameleon kuririmba indirimbo ‘Agatako’ banaririmbanye kandi iyitwa Play It Again Dj Pius yakoranye na Good Life ariho banavugiye ijambo ryo kwibuka ibikorwa bya Radio uherutse kwitaba Imana.

Hari amakuru ataremezwa neza na banyiribwite avuga ko Pallaso,Chameleon na Dj Pius batangiye gukora ku ndirimbo bise ‘Ntakibazo’.


Chameleon,Pallaso na Dj Pius bakomeje kwamamaza igitaramo bagiye gukorera i Kigali

Dj Pius yaririmbye ’Agatako’ na ’Play it again’