Abahanzikazi Charly na Nina, bamaze kwikura mu irushanwa rya Primus Guma Guma Super Star riba buri mwaka rigiye kuba ku nshuro ya karindwi muri uyu mwaka.
Mu minsi ishize nibwo, Ubuyobozi butegura Guma Guma bwahurije hamwe itangazamakuru bemeza abahanzi 10 bagomba guhatanira iri rushanwa muri uyu mwaka.
Ku rutonde rwari rwatanzwe hasohotseho n’itsinda rya Charly na Nina kuri ubu bari kubarizwa ku mugabane w’Uburayi mu bitaramo bitandukanye.
Aba bombi ndetse n’umujyanama wabo bamaze kwemeza (...)

Sponsored Ad

Abahanzikazi Charly na Nina, bamaze kwikura mu irushanwa rya Primus Guma Guma Super Star riba buri mwaka rigiye kuba ku nshuro ya karindwi muri uyu mwaka.

Mu minsi ishize nibwo, Ubuyobozi butegura Guma Guma bwahurije hamwe itangazamakuru bemeza abahanzi 10 bagomba guhatanira iri rushanwa muri uyu mwaka.

Ku rutonde rwari rwatanzwe hasohotseho n’itsinda rya Charly na Nina kuri ubu bari kubarizwa ku mugabane w’Uburayi mu bitaramo bitandukanye.

Aba bombi ndetse n’umujyanama wabo bamaze kwemeza ko batazitabira iri rushanwa.

Nkuko biri mu nyandiko yasinyweho na Muyoboke Alexis umujyanama w’aba bahanzikazi yatangaje ko ari iby’agaciro gakomeye kuba barahawe uwo mwanya muri Guma Guma ariko nanone kubera impamvu zitandukanye ndetse n’akazi bafite bakaba batazabasha kuboneka.

Queen Cha niwe ugomba guhita asimbura aba bahanzikazi. Yabwiye umunyamakuru wa Umuryango.rw, ko ntakibazo afite yiteguye kwinjira muri Guma Guma agatangira guhatana n’abandi.

Aya marushanwa biteganyijwe ko azatangira mu kwezi kwa Gicurasi 2017.

Mushyoma Joseph uzwi nka BUBU ari nawe uhagarariye Kompani ya EAP [East African Promoters] ifatanya na Bralirwa gutegura Guma Guma binyuze mu kinyobwa cya ’Primus’ yabwiye umunyamakuru wa Umuryango.rw, ko atarabona ibaruwa y’umujyanama wa Charly na Nina ariko avuga ko bagiye kubikurikirana.

Uyu muyobozi yanavuze ko ibyerekeye Queen Cha ushobora gusimbura Charly na Nina babiterezaho bamaze kubona ibaruwa ya Charl na Nina.

Uwo ni Charly na Nina ndetse n’umujyanama wabo Muyoboke Alexis