Diamond Platnumz uri mu bahanzi bubashywe muri Afurika y’Iburasirazuba arashinjwa gutera inda umukobwa witwa Hawa banakoranye indirimbo, ngo uyu muhanzi ntiyigeze agaragaza uruhare rwe mukurera uyu mwana. Diamond avuzweho kwirengagiza umwana yabyaye nyuma y’uko no minsi ishize nabwo yavuzweho gutera inda umukobwa yakoresheje mu mashusho y’indirimbo akamwihana bidateye kabiri.
Umukobwa witwa Hawa usanzwe ari umuhanzikazi banaririmbanye mu ndirimbo yitwa “Nitarejea”, aramushinja ko babyaranye (...)

Sponsored Ad

Diamond Platnumz uri mu bahanzi bubashywe muri Afurika y’Iburasirazuba arashinjwa gutera inda umukobwa witwa Hawa banakoranye indirimbo, ngo uyu muhanzi ntiyigeze agaragaza uruhare rwe mukurera uyu mwana.

Diamond avuzweho kwirengagiza umwana yabyaye nyuma y’uko no minsi ishize nabwo yavuzweho gutera inda umukobwa yakoresheje mu mashusho y’indirimbo akamwihana bidateye kabiri.

Umukobwa witwa Hawa usanzwe ari umuhanzikazi banaririmbanye mu ndirimbo yitwa “Nitarejea”, aramushinja ko babyaranye ariko akumutererana.

Ikinyamakuru Bongo Stars cyashyize hanze amashusho ya Hawa asobanura uko nyina wa Diamond yamusuye mu bitaro agiye kubyara. Ngo uyu mukecuru yari azi neza ko uyu mwana ari uw’umuhungu we.

Uyu mukobwa avuga ko nyuma yo kwibaruka yakoze uko ashoboye kose kugirango ahure na Diamond cyangwa ngo baganire uburyo uyu mwana bamurera ariko ngo byaranze kugeza ubu.

Yagize ati “Nagerageje kumugeraho ariko ibyo nakoze byose ntibyampiriye, arabizi ko mfite uruhinja rwe gusa ntiyigeze agera hano n’umunsi n’umwe ngo arebe umwana.”

Hawa wabyaranye na Diamond amaze iminsi yarahagaritse ibikorwa bya muzika nyuma yo kwibasirwa n’ibiyobyabwenge, umuryango we watangiye kumukurikirana no kumugira inama.

Mu kiganiro n’itangazamakuru Nyina w’uyu mukobwa yananiwe kwihanga ararira nyuma yo kwibuka imvune yagize arera umwana bivugwa ko umukobwa yamubyaranye na Diamond ariko akaza kumwihakana.

Kugeza ubu Diamond Platnumz uheruka mu Rwanda, ntacyo aratangaza kuri aya makuru y’umwana bivugwa ko yabyaranye n’umukobwa baririmbanye.