Diamond na N’golo Kante mu bahawe ibihembo bihabwa abantu bakoreye abababaye ibikorwa by’urukundo

Imyidagaduro   Yanditswe na: Martin Munezero 8 October 2019 Yasuwe: 3151

Umuhanzi Diamond Platnumz ukomoka mu gihugu cya Tanzania, ari mu begukanye ibihembo bya Best Of Africa Awards byatangiwe i Londres mu Bwongereza ku cyumweru.



Diamond wamamaye mu ndirimbo zakunzwe na benshi mu karere ka Afurika y’iburasirazuba, yahawe igihembo kizwi nka “Philanthropic Endeavour” gihabwa umuntu wakoreye abababaye ibikorwa by’urukundo.”

Uyu muhanzi yabwiye abari bitabiriye uriya muhango ko igihembo yahawe kigomba kutera imbaraga urundi rubyiruko rw’Abanyafurika, ndetse n’abandi bahanzi bagenzi be.

Ati” Mbere na mbere nejejwe kandi ntewe ishema no guhabwa iki gihembo, kandi ndizera ko kizatera imbaraga urubyiruko rwinshi rw’iwacu ndetse kikanahindura intekerezo z’abahanzi bagenzi banjye.”

Diamond yanabonye umwanya wo gufatana amafoto y’urwibutso n’ibyamamare nka N’Golo Kante cyo kimwe na Rio Ferdinand wamenyekanye cyane muri Manchester United.

Ibihembo bya Best of Africa Awards bitangwa buri mwaka uhereye muri 2011. Uyu mwaka byatangwaga ku ncuro ya munani.

Bihabwa Abanyafurika biganjemo Abanyamuziki n’abakinnyi b’umupira w’amaguru bakoze ibikorwa bigira uruhare mu guhindura imibereho ya muntu.

Abakinnyi nka Wilfried Zaha ukinira Crystal Palace na Alex Iwobi wa Everton bari mu bagiye begukana ibi bihembo.

Uyu mwaka kandi hanatowe ikipe y’abakinnyi beza bafite inkomoko ku mugabane wa Afurika ariko bakina i Burayi, ikaba igaragaramo N’golo Kante, Umufaransa ufite inkomoko mu gihugu cya Mali kuri ubu ukinira Chelsea yo mu Bwongereza.


Diamond ari kumwe na Rio Ferdinand wahoze akinira Manchester United

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Miss Shimwa Guelda yakorewe ibirori bya Bridal Shower aho yitegura...

Miss Shimwa Guelda witabiriye irushanwa rya nyampinga w’u Rwanda muri 2017,...
10 December 2019 Yasuwe: 60 0

Zozibini Tunzi wakuze abwirwa ko ari mubi yatorewe kuba Miss Universe...

Zozibini Tunzi wo muri Afurika y’Epfo niwe watorewe kuba Miss Universe 2019...
9 December 2019 Yasuwe: 2376 0

Nyuma yo gusinyana amasezerano na Spoton Vacations,Tanasha yavuze uburyo...

Tanasha Donna Oketch umukunzi w’Umuhanzi Diamond Platnumz ukunzwe na benshi...
8 December 2019 Yasuwe: 2392 0

Wema Sepetu yahishuye abantu 2 b’ingenzi mu buzima bwe barimo n’umuhanzi bari...

Umukinnyi wa filimi, umunyamideli ndetse akaba n’umushabitsi mu bikorwa...
8 December 2019 Yasuwe: 2040 0

Miss Mwiseneza Josiane Yanyomoje amakuru avuga ko atigeze agura imodoka,no...

Bimwe mu bitangazamakuru byo mu rwanda byanditse ko amafaranga Mwiseneza...
8 December 2019 Yasuwe: 4420 1

Umusore wari guhagararira u Rwanda mu irushanwa ry’ubwiza rya Mister Africa...

Twagira Prince Henry wagombaga kwitabira irushanwa ry’ubwiza rya ‘Mister...
8 December 2019 Yasuwe: 1280 0