skol
startimes

Diamond Platnumz bwa mbere yashyize hanze ifoto yambaye ingofero aherutse guhabwa na Perezida Magufuli yari yambaye

Imyidagaduro   Yanditswe na: Martin Munezero 11 September 2020 Yasuwe: 3088

Umuhanzi Diamond Platnumz wamamaye mu muziki wo muri Africa y’iburasirazuba no hanze yayo by’umwihariko mu gihugu cye cy’amavuko cya Tanzania yibutse ibihe byiza ubwo yahabwaga ingofero na Perezida Magufuli.



Ni ingofero y’ishyaka rya CCM umuyobozi wa Tanzania John Pombe Magufuli yamuhaye ubwo yari mu bihe byo kwiyamamaza ahitwa Mwanza, kuri stade ya Kirumba, gusa Diamond Platnumz yakomeje kwibazwaho ubwo yongera kwiyerekana ayambaye abanya Tanzania n’abakunzi be bibaza icyo yashakaga gusobanura.

Icyo gihe Diamond Platnumz yasusurukije abari muri stade yambaye imyenda iri mu mabara y’umuhondo ari kumwe n’ababyinnyi be, biza kurangira umukandida yamamazaga amukuriye ingofero yongeye kwiyerekana ayambaye.

Ifoto Diamond Platnumz yashyize hanze yambaye ingofero yahawe na Magufuli

Diamond abinyujije ku mbuga nkoranyambaga ze yagaragaje ko yishimiye iyi mpano yahawe n’umukuru w’igihugu maze agira ati "Urakoze cyane Bwana Perezida Dr. John Pombe Magufuli .. iyi ingofero isobanuye byinshi kuri njye n’urubyiruko rwose rufite inzozi zitandukanye mu buzima .... Urakoze ku buyobozi bwawe bwo gukunda igihugu budufasha kugera ku ntego zacu."

Nyuma yo guhabwa iyi ngofero Diamond yagaragaje amashusho ari kuyishyira mu kabati asanzwe ashyiramo ibihembo bitandukanye yagiye ahabwa muri muzika.

Umubano wa Perezida Magufuli na Diamond Platnumz urashimishije kuko kuwa kabiri tariki 31 Ukuboza 2019,ubwo Diamond, yari yakoreye igitaramo gikomeye Kigoma ku ivuko,ageze hagati yifashishije telefoni ya Hmphrey Pole ahamagara Perezida Magufuli.

Yabanje kubaza abari bitabiriye igitaramo niba bakunda Perezida Magufuli bose bahanika amajwi bavuza n’akaruru k’ibyishimo bagaragaza kwishimira Perezida wabo.

Perezida Magufuli avugana na Diamond kuri telefoni, yashimiye abaturage ba Kigoma anabifuriza umwaka mushya muhire wa 2020, ababwira ko abakunda.

Yabwiye Diamond ko amukunda cyane by’umwihariko indirimbo ze amwifuriza imigisha, ishya n’ihirwe kuri we n’abaturage ba Kigoma.

Magufuli yavuze ko yifuzaga kwitabira iki gitaramo ariko ko bitewe n’ishingano atabonetse yohereje intumwa.

Yabwiye abaturage ba Kigoma kandi ko agikomeye ku isezerano ryo kububakira umuhanda w’ibirometero 310 wa kaburimbo.

Yagize ati “Ndagira ngo ubwire abaturage ba Kigoma ko ntabibagiwe umuhanda wabo w’ibirometero 310 uturuka aho Kigoma kugera Nyakanazi, ugiye gushyirwamo kaburimbo vuba aha. Ndagira ngo ngushimire cyane navuga ngo, murakoze”.

Tariki 13 Werurwe 2017 Perezida Magufuli yatunguye Diamond ari mu kiganiro cyitwa 360 kuri Televiziyo Clouds TV amuhamagara kuri telefoni. Iki gihe Diamond yavugaga ku ntangiriro y’umuziki we ndetse n’icyerekezo afite.

Magufuli yashimye Diamond ku bw’intambwe yateye mu muziki amwizeza ko azakomeza gushyigikira uruganda rw’umuziki n’urwa cinema. Yamushimiye kandi kuba arushaho kumenyakanisha Tanzania binyuze mu muziki.

Kuva mu 2015 Perezida Magufuli ari ku butegetsi yagiye agaragaza gushyigikira umuziki wa Tanzania. Mu Ukwakira 2019 yasabye Rajab Abdul Kahali [Harmonize] kwiyamamariza kuyobora kamwe mu turere dutandatu tugize Intara ya Mtwara muri Tanzania.

Yavuze ko yanyuzwe kandi yakunze indirimbo Harmonize yakoze akayimwitirira avugamo iterambere rya Tanzania rirangajwe imbere nawe.

Mu mashusho y’iyi ndirimbo uyu muhanzi yerekanye byinshi mu bikorwa by’iterambere Tanzania imaze kugeraho ku ngoma ya Perezida Magufuli. Yaririmbye kandi ashima Imana yabahaye umuyobozi mwiza, avuga ko bifuza gukomeza gutera imbere umunsi ku munsi.

Diamond Platnumz aheruka kuvugwa ko arimo gutegura gushyingiranwa n’umukobwa w’umunyarwandakazi gusa uyu muhanzi ntacyo yabitangajeho ndetse n’umukobwa bivugwa ko bari kwitegura kubana ntabwo azwi gusa bivugwa ko ari ukomoka mu miryango ikomeye mu Rwanda.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umuramyi Gaby Kamanzi yakoze ku mitima ya benshi nyuma y’indirimbo...

Umuramyi Gaby Kamanzi, ufite izina rikomeye mu muziki wo kuramya no...
4 December 2020 Yasuwe: 243 0

Reba abanyarwandakazi b’uburanga 10 babiciye bigacika ku mbuga nkoranyambaga...

Abanyarwandakazi 10 babiciye bigacika ku mbuga nkoranyambaga nka Instagram,...
4 December 2020 Yasuwe: 2304 0

Reba amafoto utabonye ya Uwicyeza Pamela uri mu rukundo rweruye na The Ben...

Umuhanzi w’icyamamare mu Rwanda,Mugisha Benjamin uzwi cyane nka The...
4 December 2020 Yasuwe: 3343 1

Ihere ijisho abakobwa b’uburanga bavuzwe mu rukundo na The Ben[AMAFOTO]

Imyaka 12 amaze mu muziki, umuhanzi Mugisha Benjamin uzwi nka The Ben...
3 December 2020 Yasuwe: 3448 0

Rihanna mu munyenga w’urukundo na A$AP[AMAFOTO]

Ibinyamakuru bitandukanye byatangaje ko umubano wa Rihanna n’umuraperi A$AP...
3 December 2020 Yasuwe: 1837 0

Reba ibigwi by’umuhanzi Bebe Cool uri mu bakize mu karere k’ibiyaga...

Umuhanzi,Umwanditsi, Umukinnyi wa Filimi ndetse akaba atunganya umuziki,...
2 December 2020 Yasuwe: 1916 0