Diamond yahaye imodoka zihenze Mbosso na Lava Lava basanzwe bafashwa na Wasafi Record ihagarariwe na Diamond .

Sponsored Ad

Ibi Diamond akaba yabisangije abafana be abicishije kuri Instagram ye ubwo yashiragaho amashusho (video) y’aba basore bicaye muri izi modoka nshyashya baguriwe.Umuhanzi Mbosso ukorera muri WCB yahawe iyi modoka mbere y’uko yerekeza mu kiganiro azakorera kuri Wasafi TV , mu rwego rwo kwereka abafana be indirimbo nshya amaze gushyira hanze.

Izi modoka zahawe aba bahanzi babiri ni izo mu bwoko bwa Toyota Harrier, iyahawe Mbosso ifite ibara ry’umukara naho iyahawe Lavalava ifite ibara ry’umweru.

Ubusanzwe WCB Wasafi Label ikoreramo abahanzi batandukanye barimo; Hormonize watangiye gukorera muri iyi nzu kuva mu 2015, Rich Mavoko kuva mu 2016,Queen Darleen yatangiye kuyikoreramo kuva 2016, Rayvanny kuva 2016, Lava lava kuva mu 2017 na Mbosso nawe winjiye muyi iyi Label kuva 2017.

Iyi WCB Wasafi ikoresha abakozi 35 ubariyemo abakora indirimbo (producers), abafotozi (photographers), Abahanzi (Artists), Abashinzwe inyunguza n’ibikorwa by’abahanzi (Managers),Ababyinnyi (Dancers) n’abandi.