Diamond yasuzuguye Leta ya Tanzania arenga ku bihano yari yamufatiye

Imyidagaduro   Yanditswe na: Martin Munezero 22 December 2018 Yasuwe: 2561

Umuhanzi Diamond Platnumz ubu arabarizwa mu gihugu cya Kenya aho yagiye gukorera igitaramo kinyuranyije n’ibihano aheruka gufatirwa na leta ya Tanzania, by’uko nta gitaramo yemerewe gukora haba imbere muri Tanzania cyangwa hanze y’iki gihugu.

Amakuru y’uko Diamond yagiye gukorera igitaramo muri Kenya yemejwe n’umwe mu bari kumutegurira iki gitaramo cyiswe Embu.

Uyu aganira n’ikinyamakuru E-daily yagize ati”Nk’uko ndimo kubibabwira magingo aya, umuhanzi Diamond yamaze kugera muri Kenya. Yahageje ku munsi w’ejo[Ku wa gatatu]. Nk’uko we n’abashinzwe inyungu ze babitangaje, igitaramo cyacu cya Embu kizaba nk’uko byapanzwe. Ku ruhande rwacu, natwe ntitwisubiyeho ku byo twemeranyije.”

Uwahaye itangazamakuru aya makuru yayatangaje nyuma gato y’uko Diamond na Babu Tale batangaje ko iki gitaramo cyo muri Kenya kizaba nk’uko byari biteganyijwe, kandi ko ibyo guhangana na BASATA [urwego rwa Tanzania rushinzwe ibikorwa bya sinema, ubugeni na muzika ruherutse gufatira Diamond ibihano] ari bo bireba.

Uru rwego rugenga muzika ya Tanzania rwafatiye ibihano Diamond na Rayvanny, nyuma yo kunanirwa kubahiriza amabwiriza bari bahawe na rwo.

Ibi bihano kandi byanatumye BASATA yima Diamond n’abantu be ibyangombwa byo kujya gutaramira muri Kenya, gusa abo ku ruhande rwe bashimangira ko iki gitaramo kigomba kuba.

Leta ya Tanzania yaburiye Diamond n’abantu be ko nibaramuka bataramiye muri Kenya bazahita batabwa muri yombi, nyuma bakagezwa mu butabera bashinjwa kugambanira igihugu.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umunyarwandakazi Neza yazanye mu Rwanda na wa Muhanzi ukomeye wo muri...

Umunyarwandakazi Neza kuri ubu uri mu rukundo n’umuhanzi Skales ukomoka muri...
25 May 2019 Yasuwe: 2338 0

Umusore ukundana na Mwiseneza Josiane yamenyekanye[AMAFOTO]

Urukundo rugeze hagati y’umusore wiga muri Ines Ruhengeli na Miss...
24 May 2019 Yasuwe: 9651 0

Junior Multisystem yarahiye ko atazareka gukora indirimbo nubwo yaciwe...

Umuhanga mu gutunganya indirimbo z’abahanzi mu buryo bw’amajwi Junior...
24 May 2019 Yasuwe: 4652 0

RIB yataye muri yombi umusore uherutse gusebya umunyamakuru Phil Peter ko...

Mu minsi ishize umusore yibasiye umunyamakuru Phil Peter amushinja kutagira...
24 May 2019 Yasuwe: 4380 0

Utuntu dutangaje twabaye kuri Knowless agitangira umuziki tumusetsa iyo...

Mu tuntu twajyaga tumubaho, Knowless yavuze ko agitangira umuziki yagiraga...
24 May 2019 Yasuwe: 2212 0

Mutoni Assia yahishuye impamvu yatumye ahagarika ikirego cya Njuga wamwise...

Umukinnyi wa filime Mutoni Assia wari uherutse kujyana umukinnyi wa filime...
24 May 2019 Yasuwe: 3211 2