Dj Hero yakubiswe bikomeye azira gucuranga indirimbo zo muri Afurika y’Epfo

Imyidagaduro   Yanditswe na: Martin Munezero 7 September 2019 Yasuwe: 2845

Umusore uvangavanga umuziki uzwi ku izina rya Dj Hero yakubiswe n’abaturage bari bagiye kubyina mu kabyiniro, nyuma yo gucuranga indirimbo zo muri Afurika y’Epfo.

Byagaragajwe na bamwe mu ba DJ bagenzi be, batangaje ko mugenzi wabo yahuye n’uruva gusenya, ubwo abantu bari bizihiwe n’umuziki akabavangiramo indirimbo z’abahanzi bo muri Afurika y’Epfo.

Impamvu yatumye akubitwa, ni uko muri Afurika y’Epfo hari kubera ibikorwa byo kwibasira abanyamahanga aho abagera 10 bamaze kubisigamo ubuzima abandi bagakomeretswa ku buryo bukabije.

Sibyo gusa kandi kuko abacuruzi b’abanyamahanga bari muri Afurika y’Epfo bari kwamburwa ibyabo, ibindi bikangirizwa.

Kubera uru rugomo rwo kwibasira abanyamahanga muri Afurika y’Epfo,Ishirahamwe ry’umupira w’amaguru rya Zambia (FAZ) naryo riherutse guhagarika umukino wa gicuti wagombaga guhuza Afurika y’Epfo na Zambia ejo ku wa Gatandatu mu murwa mukuru wa Zambia i Lusaka.

Uyu mwanzuro wafashwe kubera ibyo bitero byibasira abanyamahanga byakozwe n’Abanya-Afurika y’Epfo.

Umukuru wa FAZ Adrian Kashala yemeje uwo mwanzuro, akomeza avuga ko uwo mukino wimuriwe ku y’indi taliki itaratangazwa,izashyirwaho nyuma y’aho babonaniye n’ishirahamwe ry’umupira w’amaguru muri Afurika y’Epfo, SAFA.

Leta ya Zambia kandi yanaburiye abashoferi b’amakamyo ko bohagarika ingendo zabo muri Afurika y’Epfo kugeza igihe umutekano ugarukiye muri icyo gihugu.

Mu byamamare bya muzika bitandukanye cyane cyane ibyo muri Nigeria nabo bagaragaje ko Afurika y’Epfo ikomeje kugaragara nk’indi si mu maso yabo kubera ubugome buri kugaragarayo.

Umuhanzi ukunzwe n’abatari bake muri Afurika uzwi ku izina rya Burna Boy, yanditse ku rukuta rwa Twitter avuga ko atazasubira muri Afurika y’Epfo mu gihe cyose abaturage b’iki gihugu batararekera guhohotera abanyamahanga.

Yagize ati “Sindasubira muri Afurika y’Epfo kuva mu 2017 kandi sinzasubirayo mu gihe cyose Guverinoma ya Afurika y’Epfo itakemura ikibazo. Siniyumvisha n’uburyo bazakemuramo iki kibazo.”

Tiwa Savage nawe yatangaje ko yamaze gusubika igitaramo yagombaga gukorera mu gihugu cy’Afurika y’Epfo ku mpamvu y’ihohoterwa rikomeje gukorerwa abanyamahanga bari muri iki gihugu.

Yavuze ko atakomeza kureberera ubwicanyi bubera muri Afurika y’Epfo. Ati “Ibi birarambiranye. Ku bw’izo mpamvu ntabwo nzaririmba mu iserukiramuco rizabera mu Mujyi wa Johannesburg. Amasengesho yanjye agere ku bahohotewe ndetse n’imiryango yagizweho ingaruka n’ibi.”

Ibihugu bitandukanye by’Afurika byagaragaje ko byababajwe cyane n’ibi bitero bikomeje kwibasira abanyamahanga bikoresha #StopXenophobi

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rutamu Elie Joe yahishuye byinshi ku mishinga agiye gukorera mu...

Rutamu Elie Joe wamenyekanye cyane ku maradiyo atandukanye mu Rwanda mu...
17 September 2019 Yasuwe: 1172 0

Mutoni uzwi muri Filimi ya Seburikoko yakoze ubukwe bunogeye...

Umwe mu bakobwa b’ibyamamare mu ruhando rwa Cinema nyarwanda, Umuganwa Sarah...
17 September 2019 Yasuwe: 2302 1

Intambara ya Eddy Kenzo n’uwamutwariye umugore irarimbanyije

Eddy Kenzo nyuma yo gusiga imbaraga zizamusubiza inyuma, cyera kabaye mu...
17 September 2019 Yasuwe: 2823 0

Umugandekazi Jackie Chandiru wakoranye indirimbo na Urban Boys yabitswe ko...

Ku mbuga nkoranyambaga zitandukanye muri Uganda, zikomeje gucicikanaho...
16 September 2019 Yasuwe: 4338 0

Kanye West yiyemeje guhuza murumuna w’umugore we n’umugabo w’icyamamare...

Umuraperi Kanye West arashaka gufasha murumukazi we witwa Khloe Kardashian...
16 September 2019 Yasuwe: 4073 1

Reba umusore watoranyijwe guhagararira u Rwanda mu irushanwa ryo guhatanira...

Umusore usanzwe amenyereweho kumurika imideli uzwi ku izina rya Twagira...
16 September 2019 Yasuwe: 4413 0