skol
fortebet

Dj Pius niwe wabimburiye abandi bahanzi Nyarwanda gucururiza indirimbo ku rubuga rwa Diamond Platnumz(AMAFOTO)

Yanditswe: Saturday 20, May 2017

Sponsored Ad

skol

Umuririmbyi Diamond yatangiye gucururiza indirimbo z’abahanzi nyarwanda ku rubuga yashinze kuri murandasi rwitwa Wasafi.com rucuruza indirimbo z’abahanzi bo muri afurika. Diamond [ubusanzwe witwa Naseeb Abdul Juma] ni umuhanzi umaze kubaka izina muri Afurika kubera indirimbo yakoze zigakundwa zirimo ‘Number one’,’Ntampata wapi’,’Utanipenda’,’Nana’,’Mdogo Mdogo’ n’izindi nyinshi. Usibye kuririmba Diamond afite n’ibindi bikorwa bimwinjiriza amafaranga. Afite ikigo yashinze kitwa Wasafi gifasha abahanzi (...)

Sponsored Ad

Umuririmbyi Diamond yatangiye gucururiza indirimbo z’abahanzi nyarwanda ku rubuga yashinze kuri murandasi rwitwa Wasafi.com rucuruza indirimbo z’abahanzi bo muri afurika. Diamond [ubusanzwe witwa Naseeb Abdul Juma] ni umuhanzi umaze kubaka izina muri Afurika kubera indirimbo yakoze zigakundwa zirimo ‘Number one’,’Ntampata wapi’,’Utanipenda’,’Nana’,’Mdogo Mdogo’ n’izindi nyinshi.

Usibye kuririmba Diamond afite n’ibindi bikorwa bimwinjiriza amafaranga. Afite ikigo yashinze kitwa Wasafi gifasha abahanzi mu buryo butandukanye , aherutse no gushyira hanze umubavu yise ‘Chibu Perfume’.

Diamond yatangije urubuga rwa Wasafi.com mu ntangiriro za werurwe muri uyu mwaka, agurishirizaho indirimbo ze bwite , iz’abahanzi babarizwa muri Wasafi ,abo muri Nigeria n’abandi bo mu bihugu bitandukanye bya Afurika. Mu mpera za werurwe nibwo uyu muhanzi yavuze ko ishami rya Wasafi.com rigiye gutangira gukorera mu Rwanda ndetse yamaze gushyira umukono ku masezerano n’abazabimufashamo.

Dj Pius niwe muhanzi nyarwanda wabimburiye abandi gushyira indirimbo ze kuri uru rubuga kuwa kane w’iki cyumweru dusoza. Diamond yahise yandika kuri instagram asaba buri muhanzi nyarwanda wese wifuza ko indirimbo ze zatangira gucuruzwa ku rubuga rwe yazijyana ku ishami ryabo ry’I Kigali rikorera ahari Clouds Tv.

Ubu ushobora kugura indirimbo za Dj Pius kuri Wasafi.com

Diamond yavuze ko yashinze uru rubuga mu rwego rwo gufasha abakunzi b’umuziki gushyigikira abahanzi bakunda bagura indirimbo ku mafaranga make. Inyungu y’amafaranga izajya iva muri izi ndirimbo Diamond azajya ayagabana n’umuhanzi hagendewe ku ijanisha ryayo bumvikanye.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa