startimes
startimes

Dr. Kizza Besigye yatangaje ko ba ‘local defense’ ari babi cyane kurusha Coronavirus

Imyidagaduro   Yanditswe na: Martin Munezero 1 July 2020 Yasuwe: 1136

Dr. Kizza Besigye, umunyapolitiki utavuga rumwe n’ubutegetsi bwa Uganda, avuga ko urwego rw’umutekano rwa ‘Local Defense’ rukorera iki gihugu ari rubi cyane kurusha icyorezo cya Covid-19 cyugarije Isi.


Sponsored Ad


Dr. Besigye atangaje aya magambo nyuma y’imyitwarire idahwitse imaze igihe iranga uru rwego, cyane cyane mu gihe cyo gukaza ingamba zo kurwanya Covid-19.

Uyu munyapolitiki yababajwe cyane n’inkoni ba ‘local defence’ batanu baherutse gukubita umusaza w’imyaka 65 witwa Francis Ogwang Munu wari utuye mu Karere ka Oyam, bikamuviramo urupfu.

Uru rugomo rwabaye ku wa Gatandatu w’icyumweru gishize, ubwo aba ba ‘local defense’ birukanaga abaturage bari baremye isoko rya Amati muri aka Karere, kugira ngo babarinde ikwirakwira rya Covid-19.

Dr. Besigye yavuze ko icyorezo cya Covid-19 kitarica umuntu n’umwe muri Uganda, ariko ba ‘local defense’ bo bakaba bamaze kwica abantu benshi, bashyira mu bikorwa amabwiriza ya Perezida wa Repubulika. Ati:

Ba LDU ba Uganda ni babi cyane kurusha Covid-19, bakoresha imbaraga z’umurengera mu kugenzura iyubahirizwa ry’amabwiriza.

Umuryango Mpuzamahanga uharanira uburenganzira bwa muntu, HRW (Human Right Watch) wanenze imyitwarire y’inzego zirimo LDU, igisirikare (UPDF) ndetse n’igipolisi, uyishinja gukoresha imbaraga z’umurengera mu kugenzura iyubahirizwa ry’aya mabwiriza.

Inyandiko uyu muryango washyize ahagaragara tariki ya 2 Mata 2020 igaragaza uburyo izi nzego zagiye zihohotera abaturage barimo abo mu Karere ka Mityana bakubiswe bazira kudafunga utubari, Alex Oryem na Kassim Ssebudde barashwe bari kuri moto tariki ya 25 Werurwe, ndetse n’irindi tsinda ry’abaturage ryarashweho n’abapolisi batandatu.

HRW yibukije iby’abagore batatu bacuruza imbuto bakubitiwe na ba ’Local Defense’ mu mihanda y’i Kampala. Iki gikorwa Umugaba Mukuru w’ingabo za Uganda, Gen. David Muhoozi yagisabiye imbabazi, ndetse atangaza ko aba bashinzwe umutekano babikoze babiryozwa.

Perezida Museveni na we yagiye ategeka ko bamwe mu bakoze ibyaha nk’ibi bakurikiranwa n’inkiko. Uyu Mukuru w’Igihugu kandi yategetse urwego rwa ‘Military police’ gucunga imikorere y’izi nzego, mu gihe zikomeza ishyirwa mu bikorwa ry’amabwiriza yo kurwanya Covid-19.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Hamisa Mobetto yahaye ubutumwa Diamond nyuma yo kumwizera akambara imyenda...

Umunyamidei Hamisa Mobetto yohereje ubutumwa bwo gushimira papa w’umwana we...
5 August 2020 Yasuwe: 7527 0

Beyonce yashyize hanze amafoto adasanzwe azagaragara muri Filimi ifite...

Umuhanzikazi Beyoncé, umwe mubagore bakunzwe cyane ku isi, yashyize hanze...
4 August 2020 Yasuwe: 1699 0

Abafana ba Mwiseneza Josiane yabateye kuvuga bitewe n’umupira...

Miss Mwiseneza Josiane mu minsi ishize ubwo yashyiraga hanze ifoto yambaye...
4 August 2020 Yasuwe: 8558 0

Ifoto y’umunyarwandakazi Kate Bashabe yatumye abasore bamutomagura...

Kate Bashabe ni umwe mu banyarwandakazi kuri ubu bakurikirwa n’abantu benshi...
3 August 2020 Yasuwe: 9988 1

Hakizimana yegukanye irushanwa rya Miss Ngozi ahembwa ibihumbi 248 Frw mu...

Mu ijoro ryo kuri iki Cyumweru tariki 03 Kanama 2020 mu Burundi nibwo...
3 August 2020 Yasuwe: 2106 0

Wizkid yahawe akayabo ka Mliyari z’amanyarwanda kubera indirimbo yakoranye...

Umuririmbyi Ayodeji Ibrahim Balogun wamamaye nka Wizkid, ari mubyishimo...
3 August 2020 Yasuwe: 2137 0