Ese koko Mc Tino yaba yarongoye umukecuru w’umuzungu umurusha imyaka 40 y’amavuko[AMAFOTO]
Yanditswe: Friday 02, Nov 2018
Ku mbuga nkoranyambaga zitandukanye hasakaye ifoto igaragaza MC Tino wahoze mu itsinda rya TBB agiye gusinya bigaragara ko yari yasezeranye mu mategeko n’umugore w’umuzungu usa n’ushaje umubonye mu maso bivugwa ko amurusha imyaka 40, ariko ibi ntabwo ari ukuri.
Ukuri kwihishe inyuma y’iyi foto ni uko Mc Tino atari yasezeranye n’uyu muzungukazi nkuko babivugaga, ahubwo yari yatashye ubukwe bw’inshuti ye witwa Manzi agomba kumusinyira nk’umugabo wari uhari, ubukwe bwabereye i Rubengera mu karere ka Karongi.
Iyi niyo Foto ya Mc Tino n’umuzungu w’umukecuru yakwirakwijwe hose
MC Tino agaruka kuri iyi foto, Yavuze ko yagiye gusinyira uyu musore ari kumwe n’umunbyeyi w’uyu mugeni ibyo akaba ari byo byafashwe nk’aho yarongoye. Mc Tino yanyomoje amakuru y’uko yakoze ubukwe dore ko bari batangiye kumushinja gukora ubukwe n’umukecuru, bamwifuriza amahirwe menshi ku mbuga nkoranyambaga nka Facebook,Instagram na Whatsapp.
Mc Tino ni umushyushyarugamba akaba umuhanzi ndetse n’umunyamakuru. Yamamaye mu itsinda rya TBB ariko akaba yaramaze kurivamo ubu akaba akomeje urugendo rwa muzika akora wenyine.
Leave a Reply
Your email address will not be published. Required fields are marked *