dnd

Fireman wavuye Iwawa yahishuye icyo agiye gukora kugira ngo atazongera kugwa mu mutego wo kunywa ibiyobyabwenge

Imyidagaduro   Yanditswe na: Dusingizimana Remy 26 September 2019 Yasuwe: 846

Umuraperi Uwimana Francis uzwi nka Fireman yamaze kuva Iwawa aho yaje afite ingamba zikomeye zirimo kutazigera na rimwe yongera kugira ubucuti n’abanywa ibiyobyabwenge ndetse no kuba inshuti y’amafaranga.



Uyu muraperi yabitangarije abanyamakuru ubwo yari amaze kwakirwa na mugenzi we Bulldogg bahoze baririmbana mu itsinda rya Tuff Gangz ryakoze ibikomeye mu njyana ya Hip Hop ryarangiza rikazima kubera umwiryane watewe no gukoresha ibiyobyabwenge.

Fireman yagize ati “Baravuga ngo nyereke inshuti zawe nkubwire uwo uriwe.Urumva inshuti ziba mu bintu bibi nk’ibiyobyabwenge ngomba kuzigendera kure,ngashaka inshuti nziza kandi zirahari.Hari inshuti zanjye nziza zari zarambuze nanjye narazibuze,narazikwepaga.Ndagarutse rero ngo nzihe niyime ba bandi twahuriraga mu bikoresho,muri swing,ba bandi nitaga inshuti batari zo.

Mfite gahunda zo gutangira ubukangurambaga mu kurwanya ibiyobyabwenge,ahanini nicyo indirimbo zanjye zigiye kwibandaho kubera ko nakoresheje imbaraga nyinshi cyane mbishyigikira,mbiririmba nsenya,uyu munsi ndashaka gukoresha imbaraga nyinshi ngerageza kubaka ngakoresha inshuro zikubye kabiri cyangwa 3 mbirwanya.Imana izabimfashemo.”

Fireman yavuze ko yicuza umwanya yataye mu biyobyabwenge kuko ngo abahanzi batabikoresheje basigaye bitwara mu modoka zabo ariko we amaze umwaka Iwawa.

Fireman si umuraperi woroshye mu muziki nyarwanda kuko yakoze indirimbo nyinshi zakunzwe zirimo Mama Rwanda,Bana bato,Africa,Urwikekwe n’izindi.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Zari yasuzuguye bikomeye Diamond uheruka kugurira umugore we ’Tanasha’...

Umuherwekazi Zari wabyaranye na Diamond Platnumz umwana yaguriye abana be...
13 December 2019 Yasuwe: 8469 1

Umunyarwandakazi Uwitonze Sonia wabaye Miss France yakomoje ku...

Umunyarwandakazi Sonia Rolland Uwitonze wabaye Miss France mu mwaka wa...
13 December 2019 Yasuwe: 2368 0

Umuhanzikazi w’umugande ’Keko’ yafatiwe ku ngufu muri Canada bigizwemo uruhare...

Keko Umunya-Canada ufite inkomoko yo mu gihugu cya Uganda yahishuye uburyo...
13 December 2019 Yasuwe: 5514 0

Abiraburakazi 4 bakoze amateka muri USA uyu mwaka[AMAFOTO]

Uyu mwaka wa 2019 wabaye uw’amahirwe gusa cyane ku bakobwa bafite uruhu...
12 December 2019 Yasuwe: 3349 0

Umuhanzi yatunguranye ahishura uburyo ubumanzi bwe yabubikiye Wema...

Umuhanzi witwa Stivo Simple yakomeje kwerekana urukundo afitiye umukobwa...
12 December 2019 Yasuwe: 2977 0

Wema Sepetu yatomaguye Hamisa Mobetto bombi bakundanyeho na...

Hamisa Mobetto umukobwa w’umunyamideli ukomoka muri Tanzania yujuje imyaka...
12 December 2019 Yasuwe: 2526 0