Gahima wigeze kuba umugabo wa Aline Gahongayire yakoze ubundi bukwe[AMAFOTO]

Imyidagaduro   Yanditswe na: Martin Munezero 29 December 2019 Yasuwe: 7648

Gahima Gabriel wahoze ari umugabo w’umuhanzikazi w’indirimbo zo kuramya no guhimbaza Imana, Aline Gahongayire, nyuma bakaza gutandukana byemewe n’amategeko, yakoze ubukwe n’umukunzi we ukomoka muri Amerika.



Ubukwe bwa Gahima bwabaye kuri uyu wa Gatandatu tariki 28 Ukuboza 2019 aho aba bombi babanje gusezerana imbere y’amategeko mu Murenge wa Jali mu Karere ka Gasabo.

Gahima yakoze ubukwe n’umugore ufite ubwenegihugu bwo muri Amerika ariko bahuriye mu Rwanda.

Umuhanzi Rugamba Yverry ukunzwe cyane mu ndirimbo zifite amagambo meza y’urukundo wanakoresha mu bukwe yataramiye abageni n’abari batashye ubukwe bwabo. Gahima akoze ubukwe n’umugore wa kabiri nyuma y’umuhanzikazi Aline Gahongayire batandukanye.

Uyu mugabo utangiye umwaka wa 2020 ari mu kwezi kwa buki, yakoze ubukwe bwa mbere na Aline Gahongayire tariki 13 Mutarama 2013 ariko urugo rwabo ruzamo kidobya batangira kugirana amakimbirane no kurebana ay’ingwe byatumye bahabwa gatanya n’inkiko nyuma y’imyaka ibiri bari bamaze babana nk’umugore n’umugabo.

Mu myaka ibiri bamaze babana nta mwana bari bafitanye kuko uwo bibarutse yahise apfa akivuka.

Ku wa 28 Ugushyingo 2017 ni bwo Aline Gahongayire na Gahima babonye ubutane bwemewe n’amategeko babuhawe n’urukiko rw’ibanze rwa Kacyiru. Aba bombi mu 2013 bakoze ubukwe bw’agatangaza bemeranywa kubana akaramata ariko birangira bananiranywe.

Umwanzuro w’urukiko wagaragaje ko batandukanye bisesuye biciye mu mategeko ndetse ko ntacyo bagomba kugabana kuko nta mwana cyangwa umutungo bari bafite.

Mu gusoma umwanzuro w’iburanisha ry’uru rubanza, umucamanza yavuze ko Gahongayire na Gahima bari bamaze amezi cumi n’abiri batabana nk’umugore n’umugabo bityo ko bagomba guhabwa gatanya buri wese akajya kuba mu buzima bwe.

Inkuru y’isenyuka ry’uru rugo yavuzwe bwa mbere itangajwe na Gahima Gabriel ubwo yari muri Tanzania muri Mutarama 2015. Icyo gihe umugabo ni we watangaje ko ibyabo byarangiye Gahongayire aryumaho avuga ko ‘yabivuze bimucitse’.



Muri Nzeri 2016 Aline Gahongayire yavugiye kuri Radio Ijwi ry’Amerika ko yananiranywe n’umugabo bafata icyemezo cyo kubaho ukubiri.

Icyo gihe yagize ati “Impamvu natandukanye na we, ni uko byanze burundu, byaranze ntabwo twumvikanye, ntabwo turi abanzi ariko ntabwo twumvikanye.” Yongeyeho ko agikeneye undi mugabo usibye ko bitihutirwa cyane.

Kugeza ubu Aline Gahongayire we ntarashaka umugabo, ariko yakunze kuvuga ko atazasaza ari wenyine ko ahubwo igihe nikigera nawe azongera agashaka umugabo akabaho mu munezero.


Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble KALISA ERNEST

    Ndabona uyu mugabo Gahima ahuzagurika cyane ashobora kuba afite ikibazo kizatuma asoza yiyahuye.

    3 months ago
  • chat_bubble narumiwe

    Uyu mu type n’akaga??? Akunda ibikobwa binini... na Gahingayire niko angana...bose bateye nabi...inseko ihishe byinshi gusa niyo bagenderaho....
    ubwo se icyo yapfuye na Gahongayire... uyu mushya we bizagenda gute? Reka tubitege amaso

    3 months ago
  • chat_bubble sezibera

    Mbega ibintu bibera muli iyi si!!! Anyway,Ibintu bidushimisha kurusha ibindi Imana yaduhaye,ni Ubukwe no Kubyara.Byombi ni IMPANO y’Imana.Gusa tugomba kwibuka ko Imana ishaka ko Umugore n’Umugabo "baba umubiri umwe" nkuko Intangiriro 2,umurongo wa 24 havuga.Ikibabaje nuko ababyubahiriza ari bake.Benshi bacana inyuma,bararwana,baricana,ndetse bagatandukana.Amadini amwe abeshyera Imana ngo ibemera gutunga abagore benshi.Ntabwo aribyo kubera ko bitera ibibazo mu ngo kandi Yesu yadusabye gushaka umugore umwe. Nkuko Yesu yabisobanuye muli Matayo 19:6,Imana yihoreye Abayahudi batunga Abagore benshi kuko bali barananiye Imana.Abantu bose bakora ibyo Imana itubuza,yashyizeho umunsi wa nyuma kugirango izabakure mu isi abakora ibyo itubuza bose.Izasigaza mu isi gusa abantu bayumvira nkuko Imigani 2 imirongo ya 21 na 22 havuga.

    3 months ago

Inzindi nkuru

Kayitare Wayitare Dembe yatanze umusanzu we yerekana uburyo bwiza bwizewe...

Umuhanzi nyarwanda Kayitare Wayitare Dembe yibukije abanyarwanda...
9 April 2020 Yasuwe: 2087 0

Mama wa Deejay Miller yavuze amagambo ya nyuma baganiriye ijoro ryose mbere...

Umubyeyi wa Karuranga Virgile [Dj Miller], mu muhango wo gusezera ku...
9 April 2020 Yasuwe: 4419 0

Diamond yagaragaje umunyamuryango mushya w’umukobwa muri Wasafi[AMAFOTO]

Mu ijoro ryo kuri uyu wa Gatatu, Perezida wa WCB, Naseeb Abdul Juma uzwi ku...
9 April 2020 Yasuwe: 2908 0

Umujyanama wa Diamond yakize Coronavirus,Diamond nawe akurwa mu...

Umwe mu bajyana b’umuhanzi Diamond Platnumz, Sallam Sk yatangaje ko yamaze...
8 April 2020 Yasuwe: 1270 0

Rihanna yavuze ku ihohoterwa yakorewe we na Mama we

Umuririmbyikazi w’icyamamare ku Isi Robyn Rihanna Fenty, yatangaje ko mu...
8 April 2020 Yasuwe: 4452 0

Covid-19:Miss Rwanda yagobotse abadafite ibyo kurya

Nishimwe Naomie wabaye Miss Rwanda 2029 yateye inkuga y’ibiribwa imiryango...
8 April 2020 Yasuwe: 1594 0