Hagiye gusohoka igice cya kabiri cya filimi yakunzwe mu buryo budasanzwe ’Black Panther’[AMAFOTO]

Imyidagaduro   Yanditswe na: Martin Munezero 27 August 2019 Yasuwe: 858

Nyuma yaho filime ya Black Panther yasohotse muri Gashyantare 2018 igakundwa mu buryo bukomeye ku Isi yose, kuri ubu hagiye gusohoka igice cyayo cya Kabiri umwaka utaha.



Ibi byatangajwe n’Uwayoboye iyi filime Ryan Coogler, yatangaje ko bazashyira hanze igice cyayo cya kabiri tariki 06 Kamena 2022. ibi yabitangaje mu gikorwa cyari cyateguwe na Disney Fan Club cyabereye mu Mujyi wa Anaheim muri Leta Calfonia.

Filime ya Black Panther igisohoka yinjije miliyoni $700 muri Amerika na miliyari $1,3 ku Isi yose iba filime ya kabiri ya Marvel yinjije amafaranga menshi nyuma ya “Avengers: Endgame”.

Umuyobozi wa Marvel Studio, Kevin Feige, ari nayo itunganya iyi filime yavuze ko imyiteguro bayigeze kure n’ubwo birinze kugira byinshi babivugaho.

Iyi filime yanditse amateka yo kuba igizwe n’umubare munini w’abirabura barimo Letitia Wright, Lupita Nyong’o, Forrest Whitaker, Michael B. Jordan, Danai Gurira ikaba yaregukanye ibihembo bitatu bya Oscars.

Black Panther iri mu bwoko bwa “Superhero” ikinwa yerekana Wakanda, igihugu cyo muri Afurika kiri ahantu hihishe ariko giteye imbere mu ikoranabuhanga.

Umwami w’icyo gihugu yaje gupfa maze umwana we witwa T’Challa wabaga mu mahanga, agaruka iwabo ariko aje gusimbura se ku butegetsi. Mbere y’uko ajya ku butegetsi ariko igihugu cye cyatewe n’umwanzi wari ugambiriye guteza intambara y’Isi yose ahereye muri icyo gihugu cya Wakanda. Byabaye ngombwa ko T’Challa atabara maze yambara umwambaro umuha imbaraga zidasanzwe unamuha isura nk’Igisamagwe cyangwa “Black Panther”.

Kugira ngo ahashye uwo mwanzi bidasubirwaho, T’Challa yisunze ingabo z’igihugu cye ndetse n’umukozi w’inzego z’ubutasi za Leta Zunze Ubumwe za Amerika (CIA).

Uretse Black Panther igiye kugira igice cya kabiri hari izindi filime Marvel Studio izashyira hanze nka “Thor: Love and Thunder” izajya hanze tariki 05 Ugushyingo 2021, “Black Widow” izerekanwa tariki 01 Gicurasi 2020, “The Eternals” izerekanwa tariki 06 Ugushyingo 2022 n’izindi.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umunyana Shanitah ntiyahiriwe na Miss Supranational 2019 yegukanwe n’umunya...

Umukobwa ukomoka muri Thailand witwa Anntonia Porsild yegukanye ikamba rya...
7 December 2019 Yasuwe: 1429 0

GAHONGAYIRE niwe Ukeneye umugabo kundusha! Mama Nabilah yisobanuye kubyo...

Kuri uyu wa gatatu taliiki 4 Ukuboza nibwo ku rubuga rwa YouTube rwa ISIMBI...
6 December 2019 Yasuwe: 9135 0

Miss Akiwacu Colombe yatatse bikomeye mugenzi we Miss Umunyana...

Nyampinga w’u Rwanda 2014 Akiwacu Colombe ufite ubunararibonye mu irushanwa...
6 December 2019 Yasuwe: 1745 0

Ngo Katy Perry yabuze amafaranga nyuma yo kwimura ubukwe bwe

Abanyamerika bibeshye ku mpamvu Umuhanzikazi Katy Perry yimuye umunsi yari...
6 December 2019 Yasuwe: 960 0

Miss Nimwiza Meghan yamuritse umushinga we wo kurwanya imirire mibi mu gice...

Miss Rwanda wa 2019, Nimwiza Meghan witabiriye irushanwa ry’ubwiza rya Miss...
5 December 2019 Yasuwe: 888 0

Davido yerekanye umuringa uriho igihanga cy’umwana yaguze akayabo...

Umuhanzi David Adedeji Adeleke wamenyekanye nka Davido yaguze umuringa...
4 December 2019 Yasuwe: 3312 0