Harmonize yasabwe na Perezida Magufuri kwiyamamariza kuyobora muri Tanzania

Imyidagaduro   Yanditswe na: Martin Munezero 16 October 2019 Yasuwe: 2926

John Joseph Magufuli uyobora Tanzania guhera mu 2015 ndetse akaba akunzwe cyane n’abanya-Tanzania, yagiriye inama Harmonize ko yakwiyamamariza kuyobora akarere atuyemo mu matora ateganyijwe kuba mu 2020.



Rajab Abdul Kahali wamamaye nka Harmonize wanatangiriye umuziki muri Wasafi ya Diamond ariko ubu bakaba baramaze gutandukana, yasusurukije abanya-Tanzania bari bagiye kumva impanuro za Perezida Magufuri mu gace Likangala kuwa 15 Ukwakira 2019.

Harmonize yaririmbye indirimbo ze zitandukanye nka’Magufuri ‘ yaririmbye agaruka ku iterambere Magufuri amaze kugeza ku banya-Tanzania, aririmba iy’itwa’Never Give Up’ ivugwamo urugendo rwe rwa muzika kuva agitangira n’izindi.

Ubwo Perezida Magufuri yagezaga ku baturage ijambo rye, yavuze ko yifuza kubona Harmonize yiyamamariza kuyobora kamwe mu turere dutandatu tugize Intara ya Mtwara muri Tanzania.

Perezida Magufuri yagize ati “Ndashaka gushimira byimazeyo Harmonize, uyu muhungu avuka mu kahe gace? Ni inde muyobozi wa Tandaimba. Ndifuza ko Harmonize yaziyamamariza kuyobora Akarere ka Tandaimba.”

Harmonize na we yahise ajya kuri Instagram avuga ko yashimishijwe bikomeye na perezida Magufuri aranamushimira kuko ngo ari mu bantu bamushyigikira, yanashimiye abayobozi batandukanye nka Minisitiri wa siporo n’abandi bamuhisemo ngo aririmbe muri uwo muhango.

Uyu muhanzi mu minsi ishize yatandukanye na Diamond bakoranaga muri WCB ndetse bakaba bari n’inshuti cyane maze afungura ku mugaragaro ‘Label’ ifasha abahanzi yise Konde Music Worldwide.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Snoop Dogg yiyise umugabo ukurura abagore ku isi kurusha abandi

Umuraperi w’icyamamare mu njyana ya HipHOP ku Isi , Snoop Dogg, yiyise...
18 November 2019 Yasuwe: 1348 0

Davido yatawe muri yombi nyuma yo gusogotera umuntu i Dubai

Amakuru yamaze kujya ahagaragara aravuga ko umuhanzi Davido ukomoka mu...
18 November 2019 Yasuwe: 5258 0

Leta ya Tanzania yategetse Diamond na Tanasha gukora ubukwe cyangwa...

Leta ya Tanzania yashyize hanze itangazo ryemeza ko abantu babana mu buryo...
18 November 2019 Yasuwe: 9357 0

Habibah uherutse gusabwa umugabo we adahari yagaragaje inda y’imvutsi atwite...

Ingabire Habibah wamamaye ku mbuga nkoranyambaga ubwo yitabiraga...
17 November 2019 Yasuwe: 5345 0

Bobi Wine yagaragaje uko yakiriye kuba yaje ku rutonde rw’abantu 100 bakoze...

Ku rutonde ngarukamwaka rushyirwa hanze n’Ikinyamakuru cy’abanyamerika Time...
16 November 2019 Yasuwe: 1737 0

Imyambarire Justin Bieber n’umugore we bajyanye gusenga yateje ururondogoro...

Ubwo Justin Bierber n’umufasha we Hailey Baldwin bajyaga gusenga ku wa 13...
16 November 2019 Yasuwe: 6081 0