Ibintu bitatu bishobora gutuma Knowless azinukwa umugabo

Imyidagaduro   Yanditswe na: Iyamuremye Janvier 13 October 2017 Yasuwe: 10977

Umuririmbyi Ingabire Jeanne d’Arc wiyeguriye muzika nka Knowless wubashywe mu kibuga gihatanirwamo na benshi aricyo Muzika, aherutse gutangaza ibintu bitatu bishobora gutuma azinukwa umusore cyangwa se umugabo.

Mama ‘Or’ aherutse gushyira hanze indirimbo yise ‘Winning Team’ yaje gukorerwa mu ngata n’indirimbo nshya yise ‘Uzagaruke’ atangaza ko arimo aritegura gushyira hanze amashusho yayo mu minsi ya vuba aho atangaza ko yatangiye gukorwa na Producer Meddy Saleh.

Uyu muhanzikazi washakanye na Ishimwe Clement nyiri Kina Music, yibanda ku njyana za RnB na Soul Music kenshi akanyuzamo umudiho w’Afurika, ari mu bahanzi bafite izina muri aka Karere ka Afurika y’Iburasirazuba anaherutse gutumirwa na Television ikomeye ya CNN.

Ibi byose bikomeza gushimangira intera n’intambwe yateye kuva mu myaka irenga icumi amaze akora uyu muziki benshi bemeza kuwukora uri mukobwa ukarambana impano ye ari ibintu bigoye.

Knowless yasezeranye kubana akaramata na Ishimwe Clement banafitanye umwana w’umukobwa
Uretse kwitabira amarushanwa akomeye,uyu muhanzikazi ari mu bandikishije igikundiro cye ubwo yegukanaga irushanwa rya Primus Guma Guma Super Star akabikora ariwe mukobwa wa mbere ubashije kwegukana Miliyoni 24 z’Amafaranga y’uRwanda kugeza n’ubu.

Kuri ubu yashyizwe ku rutonde rw’abahatanira ibihembo bikomeye bitangirwa mu gihugu cya Nigeria byitwa Nea bizatangwa kuwa 25 Ugushyingo 2017.

Knowless umaze kuba umunyabigwi mu muziki aherutse kubwira Magic Fm ko hari ibintu bitandukanye bishobora gutuma azinukwa burundu umusore cyangwa umugabo abibonanye cyangwa se abibonyeho.

Mu magambo ye ati ”Icya mbere n’uko ari umuntu mbona 99% ameze nk’uko nteye wa muntu mutajya guharira, ntago nkunda umuntu wambaye amaherena w’umuhungu ntago nkunda Pocket down rwose ibyo byose ndabyanga kubibona ku musore cyangwa umugabo.”

Abajijwe niba hari igikorwa cyangwa akantu yabwiye umugabo we,Clement yahindura mu buzima bwe,yasubije ko ntagihari bitewe n’uko ari umuntu bamaranye igihe mu rukundo ndetse ko bagiye bakora bakanahurira mu bikorwa bitandukanye bityo bakundanye baziranye bihagije.

Hejuru y’ibyo,yavuze ko mu mabyiruka ye yize ku kigo kimwe na Clement Ishimwe bivuze ko imyaka myinshi yatambutse bari baziranye kuburyo bufatika.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble

    amahirwe mass murugo rwanyu nshuti

    October 2017

Inzindi nkuru

Hagaragajwe umukobwa w’ikizungerezi aryamanye na Diamond binavugwa ko ariwe...

Hari hashize iminsi umuhanzi Diamond Platnumz atangaje ko ari wenyine...
16 October 2018 Yasuwe: 3107 1

Kanye West na Kim Kardashian bavuze uburyo Uganda ari ijuru ryo ku...

Ibyamamare ku isi Kanye West n’umugore we Kim Kardashian bari mu gihugu cya...
16 October 2018 Yasuwe: 1372 0

Kanye West yatangarije Museveni umubare w’abana yifuza kubyarana na Kim...

Kim Kardashian yababajwe n’amakuru Kanye West yahaye perezida wa Uganda,...
16 October 2018 Yasuwe: 1024 1

Meddy yatangaje umugore w’icyamamare akunda kurusha abandi ku...

Meddy yavuze ko akunda umukinnyi wa Filime Jessica Alba.
16 October 2018 Yasuwe: 2725 0

Ifoto igaragaza Charly na Nina biyambitse amasutiye yatangaje...

Charly na Nina bashyize hanze ifoto biyambitse amasutiye.
16 October 2018 Yasuwe: 2210 0

Urban Boys yanenzwe n’abafana bayo nyuma yo gutinya amashusho y’umuhanzi...

Kuri iki cyumweru Urban Boys yanenzwe n’abafana bayo nyuma yo gusohoka mu...
16 October 2018 Yasuwe: 1254 1