Ibyo Federasiyo ivuga ni ubujiji ngo bahagarike agasobanuye’Rocky Kirabiranya’

Imyidagaduro   Yanditswe na: Martin Munezero 17 August 2018 Yasuwe: 2729

Mu minsi ishize nibwo Federation ya Sinema mu Rwanda yashyize hanze itangazo ryagenewe abanyamakuru n’izindi nzego zitandukanye, ryamagana filime zisobanuye mu Kinyarwanda bizwi nk’Agasobanuye. Abakora umwuga wo gusobanura izi filime bo bemeza ko ibyo iyi federation ivuga ari ubujiji ko ahubwo yagakwiye kwuzuza inshingano zayo aho kubivangira mu kazi.

Muri iri tangazo federation isaba ko filime z’udusobanuye zacibwa burundu mu Rwanda kuko ngo binyuranyije n’ amategeko arengera abahanzi mu Rwanda ndetse n’ amaserezerano mpuzamahanga yerekanye uburenganzira bw’ abahanzi u Rwanda.

Iyi federation kandi ivuga ko icuruzwa ry’udusobanuye ryangije bikomeye isoko rya film Nyarwanda mugihe abahanzi bo ubwabo bahagurukiye guteza imbere film mu rwego rwa Made in Rwanda.

Uwizeye Marc uzwi cyane nka ‘Rocky Kirabiranya’ akaba ari umwe mubasobanura izi filime ndetse akaba na visi Perezida w’ishyirahamwe ry’Abasobanuzi b’izi filime, avuga ko ibyo iyi federation ivuga ari ubujiji kuko hari n’itegeko rya UNESCO ribemerera kugeza izi filime ku Banyarwanda zisobanuye mu Kinyarwanda.

Yagize ati “Ibyo Federasiyo ivuga ni ubujiji ngo bahagarike agasobanuye nibwo film zabo zizagurwa ni nko kuvuga ngo bahagarike umuceri kugirango ibirayi bigurwe cyangwa nka Ferwafa ikavuga ngo bahagarike imikino yo mu Bwongereza kugirango turebe shampiyona y’ u Rwanda!!.

Ikindi Federasiyo ya Sinema mu Rwanda iri ‘local’ ishinzwe film Nyarwanda sinzi impamvu bativuganira bakiha akazi ko kuvuganira Hollywood,Bollywood abo biyo barabizi ko Sinema zabo tuzishyira mu kinyarwanda kuko icyo dukora ni ‘Dubbing’ nkikorwa mu bindi bihugu nubwo itaratera imbere ngo igera ku rwego nk’ urwo mu bihugu byateye imbere cyane nko mu Bufaransa n’ahandi”.

Rocky yahumurije abakunzi b’agasobanuye avuga ko bazakomeza kugakora kuko byemewe no mu bindi bihugu nk’uko bikorwa no mu Rwanda.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble henrie emmy

    Ewana najye mpamyako
    Guhagarika film zisobanuye ari kubangama kumpande zose

    August 2018
  • chat_bubble coco

    salut,babure gukina ibintu bifatika ngo tubakunde,baje kuvangira abantu twikundira film zisobanuye,ni shyari iryo,no gutandukira ugafata umupaka utari uwawe,kuvuga ko bakina film nyarwanda ntibivuga ko baguze ururimi nyarwanda.

    August 2018
  • chat_bubble Bagosorabertin

    Ariko njyewe abantu baransetsa Federation se niyo ihitiramo abanyarwanda ibyo bareba? Uruzi iyaba abanyarwanda ubwabo aribo bavugako zibabangamiye ibyo ni ubudode bwabakorera iyo Federation!

    August 2018
  • chat_bubble Bagosorabertin

    Ariko njyewe abantu baransetsa Federation se niyo ihitiramo abanyarwanda ibyo bareba? Uruzi iyaba abanyarwanda ubwabo aribo bavugako zibabangamiye ibyo ni ubudode bwabakorera iyo Federation!

    August 2018

Inzindi nkuru

Murumuna wa Kim Kardashian yavugishije imbaga nyamwinshi y’abantu...

Kylie Jenner yashyize hanze amafoto agaragaza imiterere ye mu mwambaro...
18 July 2019 Yasuwe: 3493 0

Reba amafoto y’ibyamamare nyarwanda 34 barimo abahanzi,abanyamakuru,abaDj...

Muri iki cyumweru ku mbuga nkoramabaga hafi ya zose zikoreshwa n’abantu...
18 July 2019 Yasuwe: 3984 0

Umusaza Tito Rutaremara akaba na Senateri yagize icyo avuga ku bakobwa...

Umusaza w’ inararibonye mu Rwanda Tito Rutaremara akaba n’ Umusenateri mu...
18 July 2019 Yasuwe: 2659 0

R. Kelly yanze gutanga amande y’akayabo k’amafaranga y’u Rwanda yaciwe ahitamo...

Umuririmbyi akaba n’umwanditsi w’indirimbo wo muri Leta Zunze Ubumwe za...
18 July 2019 Yasuwe: 1528 0

Imibyinire y’umuhanzikazi wo muri Uganda ’Nwagi’ yabyinnye atsirita ikibuno...

Umuhanzikazi Winnie Nakanwagi uzwi nka Winnie Nwagi ubarizwa muri Label ya...
17 July 2019 Yasuwe: 5554 0

Umunyamidelikazi Naomi yahungabanyije imbuga nkoranyambaga nyuma yo...

Umunyamidelikazi w’umwongereza Naomi Campbell yavugishije benshi ku mbuga...
17 July 2019 Yasuwe: 7347 1