Icyatumye Riderman azinukwa Neg-G n’uko yatutse umugore we

Imyidagaduro   Yanditswe na: Iyamuremye Janvier 9 October 2017 Yasuwe: 5532

Gatsinzi Emely wamamaye nka Riderman yatangaje ko adakeneye kongera kumva mu matwi ye inkuru zimwerekeyeho zijyanye na Neg-G, anasaba itangazamakuru gushyira kure icyo kibazo mubyo yabazwa uko Neg-G The General.

Yatangaje ko Neg-G yamwinjiriye mu buzima bw’urugo rwe mu ndirimbo aherutse gukora ari nayo mpamvu yafashwe umwanzuro wo kutongera kugira ibiganiro bagirana.

Uyu mwanzuro ufashwe nyuma yaho Neg-G afatanije na Asinah [wabenzwe na Riderman] mu ndirimbo baherutse gukorana bise “Kagoma” bagasebya Riderman kuburyo bukomeye.

Aganira na Isango Star, uyu muraperi yahamije ko yazinutswe Neg-G biturutse ku kuba yaramwinjiriye mu buzima ndetse akagera aho aririmba Nadia[usanzwe ari umugore wa Riderman] mu ndirimbo.

Neg-G The General yakoranye igihe kinini na Riderman
Yakomeje avuga ko ‘nta kintu na kimwe Neg-G yavuga ngo musubize, burya ngo hari umuntu uvuga ikintu wakurikiza n’imitekerereze ye ukumva hari icyo wamusubiza hakaba n’undi uvuga ukumva ntushobore kugira icyo wamuvugaho.’

Ahamya ko Neg ari umuvandimwe we bakuranye kuva cyera ndetse bafite n’ibyo bahuriyeho, yavuze ko hari igihe amuririmba mu ndirimbo akavuga n’ibidakwiye ngo ntazongera kugira icyo amuvugaho.

Yahakaniye umunyamakuru wa Isango Star ko nta kintu azongera gusubiza kuri Neg-G, yasabye imbabazi abantu bose ko batazongera kumubuza ikibazo cyerekeye kuri Neg-G.

Yagize ati”Nk’uko nabikubiwye n’ibyinshi byagiye biba ariko umwaka ushize yakoze indirimbo asa nk’uwataka umuryango wanjye ahaa avugamo umugore wanjye nabi.Umuntu rero burya ufata umwanya akavuga akanataka umuryango wawe nta kintu na kimwe muba mukwiye no kuvugana nta nicyo muba mukwiriye kuganiraho mu byukuri...Nahise mbona kuva cyera narabibonaga na nyuma y’uko ngerageje indirimbo twagiye dukorana urumva umwaka ushize noneho nibwo yasohoye indirimbo yataka umuryango wanjye.”

Abajijwe kuby’umubano wabo bivugwa ko baba bagiye gusubirana , Riderman yavuze ko bavuganye ariko ko bitashoboka kongera guhuriza hamwe imbaraga

Uyu muraperi yagaragaje ko Neg-G yarengereye akavuga amagambo arenze ku mugore we ‘yararengereye avuga amagambo mabi ku mugore wanjye, njyewe ku bwanjye umvuzeho amagambo mabi nta kibazo kuko ndi umuraperi narabimenyereye nk’uko nanjye narabikoze’

Yavuze ko ariwe aririmbye nta kibazo byamutera kuko nawe ibihe nk’ibyo byo kuvuga ku bandi bahanzi yabinyuzemo.Ngo kuba rero Neg-G yaravuze ku muryango we n’umugore we byahise bimwereka ko Neg-G atari mu nshuti ze ahubwo ko akwiye kumuhungira kure.

Riderman abana byemewe n’amategeko na Miss Agasaro Nadia wabaye Nyampinga wa Kaminuza ya Mount Kenya umwaka wa 2015 dore ko bansezeranye imbere y’Imana ku itariki ya 16 Kanama 2015, banafitanye umwana w’umuhungu witwa Eltad.

Mu ndirimbo Neg G The General wahoze ari inkoramutima ya Riderman ubwo baririmbanaga muri UTP Soldiers yakoranye na Asinah bibasira Riderman, aterura yiyita igisiga cyitwa Kagoma akavuga uburyo iyo amanutse mu Biryogo imishwi n’inyoni ntoya bimubona bigahunga. Yivuga nk’umwami ‘uri hejuru y’abiyita ko bakomeye bose’ .

Muri Game is over, Neg G naho yaririmbye ati “None se Kaju[izina Riderman yitaga Asinah] koko uransize?[…] hari ubwo ndyama rimwe maze nkakurota, hari ubwo nshikwa akazina kawe nkakavuga…, umwana wasanze iwanjye yaraje kumesa…”

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Miss Isimbi wavuzweho kwiyambika ubusa no gukorakorwa n’abasore yavuze...

Miss isimbi Amanda wabaye igisonga cya nyampinga w’ishuri ry’imari n’amabanki...
12 December 2017 Yasuwe: 316 0

Irengero ry’umukobwa King James yifuzaga guhura nawe

Umuririmbyi Ruhumuriza James wamamaye nka King James atanga ubuhamya...
12 December 2017 Yasuwe: 262 0

Isooko y’amarira n’urugwiro The Ben ahorana imbere y’abafana

Umuririmbyi Mugisha Benjamin wamamaye nka The Ben ubarizwa muri Leta zunze...
12 December 2017 Yasuwe: 264 0

Ishimwe wavuzwe mu rukundo na King James yasabwe aranakobwa

Umukobwa witwa Elcy Ishimwe wavuzweho mu rukundo n’umuhanzi Ruhumuriza...
11 December 2017 Yasuwe: 3278 0

Meek Rowland yamuritse indirimbo nshya ‘Ntagufite’

Umuririmbyi Mutoni Meek wamamaye nka Meek Rowland uherereye muri Leta zunze...
11 December 2017 Yasuwe: 387 0

Ibaruwa Miss Colombe yandikiye umubyeyi we

Nyampinga w’u Rwanda mu 2014 Akiwacu Colombe utuye mu Bufaransa yanditse...
10 December 2017 Yasuwe: 2640 0