Icyo Junior wamamaye mu gusobanura filime yakundiye umukobwa aherutse kurongora

Imyidagaduro   Yanditswe na: Iyamuremye Janvier 29 July 2017 Yasuwe: 3880

Bugingo Bony[wamamaye nka Junior mu gusobanura filime] avuga ko amaranye imyaka irenga itatu akundana n’umukunzi we Muhoza Angel, ngo mu gihe cyose yamubereye nk’umuntu baziranye kuva cyera.

Bugingo ukunda kwiyita Junior The Premier ari na we washinze ikompanyi ya African Movie Market yasabye anatanga inkwano mu muryango wa Muhoza Angel mu birori byabereye iwabo mu Murenge wa Gitega mu Mujyi wa Kigali kuwa Gatandatu tariki ya 22 Nyakanga 2017.

Mu kiganiro na KT Radio, Junior usanzwe ari murumuna wa Younger ufatwa nk’inkingi ya mwamba, yavuze ko yagiye gutereta uyu mukobwa ari umuntu usanzwe utarashatse izina rye rizengurutswe mu binyamakuru, ngo byorohoje umubano we nawe kugeza n’uyu munsi.

Ngo yaba we, Yanga, Mike na Sankara bakoze akazi kabo badashaka kujya mu biganiro by’imyidagaduro, ngo ni abantu basanzwe mu buzima kuburyo uko abantu babumva atari ko babasanga iyi bahuye.

Junior yakoze ubukwe bwatashywe n’abantu basanzwe bari muri uyu mwuga wo gusobanura filimi.Abatashye ubukwe bavuga ko bwari ubukwe bwuzuyemo ibyishimo by’ikirenga.Ngo Junior ubwo yajyaga kwambika umukunzi we impeta yarabanje aryama hasi.

Junior yavuze ko yagize ibyishimo bikomeye kuri we mu bukwe bwe n’umukunzi we .Ati “Ni intambwe ikomeye uba uteye mu buzima byari umunezero ku mutima wanjye.”

Junior ukunzwe kwiwa ‘Giti’ yavuze ko umukunzi we bamaranye imyaka itatu irengaho ukwezi kumwe.Abajijwe uko yakira umubajije amakuru y’umugore we cyane ko ari ibintu atari amenyereye yavuze ko ari ibintu bitamugoye cyane ngo yahise abyiyumvamo.

Yavuze ko atari ibintu byamugore kumenyerana n’umugore we kuko bari basanzwe baziranye azi buri kimwe cyose kuri we. Abajijwe icyo yakundiye uyu mukobwa cyane ko ari umuntu w’icyamamare kuburyo yagiye anahura n’abakobwa batandukanye ariko akaza guhitamo Angel ngo amubere umugore w’isezerano.

Junior yirinze kugira byinshi avuga ariko asubiza ko yamubereye umukunzi we umusobanukiwe kuburyo atamufashe nk’umuntu uzwi cyane ahubwo ngo yubakiye ku rukundo yamukunze bagihura.

Ati “buriya twe turi mu bantu badakunda kujya cyane mu biganiro by’imyidagaduro uhereye no kuri Yanga na Mike ndetse nanjye ubwanjye…..Imyaka myinshi yamaze muri Showbiz [Yanga] ni gacye cyane yagiye agaragara , tuzi ingaruka zabyo , tuzi amabi n’ameza aba muri Showbiz.Niyo mpamvu ubona kenshi dukunda kujya kure yabyo ntabwo tubyiyumvamo cyane.”

Yungamo ati “Uko abantu benshi baba batwumva siko badusanga iyo duhuye ..Njyewe ndi umugabo utari mu byo bita ngo ni amarere y’abasore n’amashagaga, bivuze ngo rero kumushyira hafi yanye[Umugore wanjye] ntibyari kwanga kuko nari umuntu usanzwe na n’ubu ndacyari umuntu usanzwe.”

Junior yavuze ko umuvandimwe usigaye utarakora ubukwe nawe akwiye gutera ikirenge mucye akareba icyo abandi bamurushije.Ngo ni ibintu byiza nubwo akunze kubeshya abantu ko iyo umuntu akoze ubukwe aba yakiriye umuruho[ Yanga].


Junior avuga ko kwiyegereza uyu mukobwa bitamugoye cyane



Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umunyamakuru Anangwe yasezeranye imbere y’amategeko na Chamy(Amafoto)

Eugene Anangwe wamenyakanye nk’umunyamakuru watangiye ibiganiro byo mu...
24 November 2017 Yasuwe: 1889 0

Ukuri kwa Habiba k’umusore bakundanye bakiri ku ntebe y’ishuri

Ku gicamunsi cyo kuwa kane tariki ya 23 Ugushyingo 2017 nibwo hacicikanye...
24 November 2017 Yasuwe: 1173 0

King James yahishuye ukuri k’umukobwa byavuzwe ko bagiye kurushinga

Umuririmbyi Ruhumuriza James [King James] uri kubarizwa muri Leta zunze...
24 November 2017 Yasuwe: 3015 0

John Legend n’umufasha we baritegura ‘ubuheta’, Jordan Sparks nawe aritegura...

Umuhanzi wubashywe ku Isi John Legend n’umufasha we Chrissy Teigen bari mu...
23 November 2017 Yasuwe: 674 0

Iby’umusore ucuditse na Habiba uhatanye muri Miss Supranational-AMAFOTO

Ingabire Habiba, uhagarariye u Rwanda mu irushanwa ry’ubwiza rya Miss...
23 November 2017 Yasuwe: 2620 0

Knowless n’umugabo we bifurije isabukuru y’amavuko umukobwa wabo

Kuwa gatatu tariki ya 22 Ugushyingo 2017 nibwo umwana w’umukobwa Butera...
23 November 2017 Yasuwe: 2880 0