Umuraperikazi nyarwada Oda Paccy ifoto yakoresheje y’ikibuno cy’umukobwa wambaye ubusa yatumye anamburwa Ubutore byavumbuwe ko nyiri iyo foto ari umuhanzikazi w’umunyamerika nawe w’umuraperikazi.

Sponsored Ad

Kuri uyu wa Kabiri tariki 23 Ukwakira nibwo Paccy yashyize hanze ifoto yamamaza indirimbo ye nshya yise Ibyatsi. Abantu benshi baramunenze, bavuga ko uburyo ikoze ihabanye n’ibigize umuco nyarwanda.

Kuri iyo foto yabanje kwandika ‘IBYA’ ubundi ‘tsi’ ayishyira munsi nyamara bizwi ko IBYATSI ari ijambo rimwe, ibintu byateye benshi kwibaza impamvu. Uretse uburyo amagambo yanditse, hariho n’ifoto y’umukobwa utarabashije kumenyekana imugaragaza ikibuno .

Ifoto Oda Paccy yakoresheje yamamaza indirimbo niy’umuraperikazi Cardi B

Ku bucukumbuzi ikinyamakuru UMURYANGO wakoze twaje kuvumbura nyiri iyo foto ko ari umuhanzikazi wo muri Amerika nawe usanzwe ari Umuraperikazi uzwi ku izina rya Card B.

Ibishushanyo cyangwa se Tattoo iri ku ifoto Oda Paccy yakoresheje ni ibiri ku kibuno no ku matako ya Cardi B,umuhanzikazi urangwaho kugira ibishushanyo byinshi ku mubiri we aho binavugwa ko no ku gitsina cye haba hari igishushanyo.

Cardi B ubusanzwe ni umuraperikazi ukomoka muri Amerika y’Epfo ariko wibera muri Leta Zunze Ubumwe z’Amerika ari naho akorera umuziki we,Uyu muraperikazi akaba akunze guhangana bikomeye na mugenzi we Nick Minaj aho bahora mu makimbirane adashira babinyujije mu bihangano byabo.

Uyu muraperikazi akaba aherutse kwibaruka umwana bise ’Kulture’ yabyaranye n’umukunzi we babana ubarizwa mu itsinda ry’abasore batatu ’Migos’ uzwi ku izina rya ’OffSet’.Cardi B ubusanzwe akaba akunze kuvugisha abatuye isi bitewe n’amafoto agaragaza ubwambure bwe agenda ashyira hanze bamwe bahamya ko aba ashaka gucuruza nk’uko Oda Paccy nawe bivugwa ko aribyo yashakaga ubwo yakoreshaga iriya foto yatumye anamburwa UBUTORE.

Kuri uyu wa Gatatu tariki 24 Ukwakira, Umuyobozi w’Itorero ry’Igihugu, Bamporiki Edouard, yambuye izina ry’ubutore umuraperikazi Oda Paccy kubera imyitwarire ye inyuranyije n’umuco w’ubutore.

Mu itangazo yashyize ahagaragara rigira riti “Nshingiye ku bubasha mpabwa n’Umutoza w’Ikirenga wandagije Itorero; ndamenyesha Abanyarwanda ko uwari waratojwe agahabwa izina ry” ‘Indatabigwi icyiciro cya kabiri’ Uzamberumwana Odda Paccy; yambuwe izina ry’ Ubutore, kubera ko imyitwarire ye inyuranye n’umuco w’ubutore yari yaratojwe ndetse ihabanye n’imihigo yagiranye nabo bahuje izina ry’ubutore.”