Ruhumuriza James benshi bazi nka King James muri muzika, yatangaje ko kutavuga umukunzi we mu itangazamakuru ari uko niyo yaba amufite cyangwa atamufite mu matwi y’abafana be bifuza ko ababwira ibyo bashaka.
Uyu muhanzi ukunzwe muri iyi minsi mu ndirimbo ‘Nturare utabivuze’, ‘Naramukundaga’, ‘Ayo arya ni ayanjye ft Bull Dogg’,yavuze ko ibyerekeranye n’urugo azabitekerezaho umwaka utaha wa 2017. King James avuga ko impamvu nyakuri ituma abahanzi batavuga abakunzi babo bituruka ku kuba byose (...)

Sponsored Ad

Ruhumuriza James benshi bazi nka King James muri muzika, yatangaje ko kutavuga umukunzi we mu itangazamakuru ari uko niyo yaba amufite cyangwa atamufite mu matwi y’abafana be bifuza ko ababwira ibyo bashaka.

Uyu muhanzi ukunzwe muri iyi minsi mu ndirimbo ‘Nturare utabivuze’, ‘Naramukundaga’, ‘Ayo arya ni ayanjye ft Bull Dogg’,yavuze ko ibyerekeranye n’urugo azabitekerezaho umwaka utaha wa 2017.

Benshi bibaza impamvu imitoma aririmba mu ndirimbo atayikoresha atereta inkumi

King James avuga ko impamvu nyakuri ituma abahanzi batavuga abakunzi babo bituruka ku kuba byose bikora inkuru iyo umuhanzi runaka agize icyo avuga ku kuba mu rukundo n’umukunzi runaka ndetse ugasanga n’uwo mukobwa ntashaka kwibona mu itangazamakuru.

Avuga ko igisubizo cyose umuhanzi yatanga ku rukundo kibyara inkuru yo kwandika. King James wegukanye igihembo cya PGGSSII, yabwiye Radio 10 ko abafana b’umuhanzi baba bifuza ko yabasubiza bijyanye n’ibyo bifuza.

Yungamo ko iyo umuhanzi avuze ko nta mukunzi cyangwa akemeza ko afite umukunzi byose bituma havuka inkuru zimwandikaho ari nayo mpamvu bamwe mu bahanzi bafata umwanzuro wo kudatangaza abakunzi babo.

Yagize ati "Iyo uvuze ko ufite umukunzi bigira amakuru bitanga muri Sosiyete.Iyo uvuze oya nabyo bigira amakuru aza nyuma yabyo.Usanga ari ikintu gihora kizana izindi gahunda. Niyo mpamvu njye nari navuze ko ntazongera kubivugaho."

Umunyamakuru yamubajije nimba nawe ashaka kuzaba nka Knowless na Clement bakundanya imyaka itanu bihisha ijisho ry’itangazamakuru kugeza ubwo batunguriye abantu bavuga ubukwe bwabo nyamara byaravugwaga ariko impande zombi zikabyamaganira kure.

King James uherutse gushyira hanze indirimbo yise’ Ibare’ y’itorero urucyerereza, yabanje kuvuga ko ubukwe atabutekerezaho ahubwo ahugiye mu gutegura Album ye nshya. Ati "Kuri icyo kintu nabwo ndikugitekerezaho cyane ahubwo mpugiye mu gutunganya Album nshya igomba kujya hanze muri iyi minsi mikuru."

Umunyamakuru yamwibukijeko imyaka iri kumusiga kandi ko abo batangiranye urugendo rwa muzika bavuye mu busore. Yagize ati " Ariko imyaka nyine iragenda nk’uko wari ubivuze, ndacyabitekerezaho kuburyo umwaka utaha nagira icyo mvuga gifata."