Ingofero z’Ishyaka rya Bobi Wine zigiye kuzajya zambarwa n’igisirikare cya Uganda

Imyidagaduro   Yanditswe na: Martin Munezero 1 October 2019 Yasuwe: 2324

Mu gihugu cya Uganda abakunze kwambara ingofero z’Umutuku , ni abo mu ishyaka rya “People Power” riyobowe na Depite Bobi Wine, ubu Leta ya Uganda irashaka kumwambura icyo cyirango cyikajya mu ngabo z’igihugu.



Guverinoma ya Uganda yatangaje ko ingofero y’umutuku imeze nk’iyo Bobi Wine n’ abarwanashyaka be bakunze kwambara ibaye umwenda w’ igisirikare cya Uganda bivuze ko kongera ku wambara uri umusivile byagukururira akaga ko kujya muri Gereza.

Uyu muhanzi akaba n’ umudepite mu nteko ishinga amateeko ya Uganda, Robert Kyagulanyi [Bobi Wine] yamaze gutangaza ko muri 2021 aziyamamaza ku mwanya w’ umukuru w’ igihugu ahanganye na Perezida Museveni umaze imyaka 30 ari Perezida wa Uganda.

We n’abarwanashyaka be bakunda kwambara ingofero y’ umutuku [Red Beret] yita ‘ikimenyetso cy’ ubudatsimburwa.

Iyo ngofero n’ ubusanzwe yambarwa na bamwe mu basirikare, ariko noneho byamaze gutangazwa mu igazeti ya Leta ko ibaye umwambaro wa gisirikare, bivuze ko umuntu wakongera kugaragara ayambaye atari umusirikare byatuma akatirwa n’ inkiko igifungo gishobora kugera ku myaka 5.

Umuvugizi w’ Igisirikare cya Uganda Richard Karemire yasohoye itangazo agira ati “Amabwiriza agenga imyambarire y’ ingabo za Uganda UPDF ryatangajwe mu igazeti ya Leta. (Uganda People’s Defence Forces) yatangajwe. Icyo gikorwa cyemejwe n’inzego nkuru z’ igisirikare ari nazo zari zahaye komisiyo ishinzwe imyambarire n’inshingano yo kuyishaka”.

Bobi Wine ntacyo aravuga kuri aya mabwiriza mashya y’ imyambarire y’ ingabo za Uganda gusa umwe mu bakomeye mu ishyaka rye ritaremerwa n’ amategeko People Power yavuze ko batazareka kwambara ziriya ngofero.

Ivan Boowe uhagarariye urubyiruko rwo muri People Power ati “Tuzakomeza kwambara izi ngofero z’ umutuku z’ impinduramatwara. Iterabwoba tuzashyirwaho uko ryaba ringana kose ntiryatubuza guharanira uburenganzira bwacu. Icyo guverinoma yakoze ni uguhangana natwe kandi ntabwo tuzacika intege”.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Snoop Dogg yiyise umugabo ukurura abagore ku isi kurusha abandi

Umuraperi w’icyamamare mu njyana ya HipHOP ku Isi , Snoop Dogg, yiyise...
18 November 2019 Yasuwe: 1390 0

Davido yatawe muri yombi nyuma yo gusogotera umuntu i Dubai

Amakuru yamaze kujya ahagaragara aravuga ko umuhanzi Davido ukomoka mu...
18 November 2019 Yasuwe: 5480 0

Leta ya Tanzania yategetse Diamond na Tanasha gukora ubukwe cyangwa...

Leta ya Tanzania yashyize hanze itangazo ryemeza ko abantu babana mu buryo...
18 November 2019 Yasuwe: 9970 0

Habibah uherutse gusabwa umugabo we adahari yagaragaje inda y’imvutsi atwite...

Ingabire Habibah wamamaye ku mbuga nkoranyambaga ubwo yitabiraga...
17 November 2019 Yasuwe: 5455 0

Bobi Wine yagaragaje uko yakiriye kuba yaje ku rutonde rw’abantu 100 bakoze...

Ku rutonde ngarukamwaka rushyirwa hanze n’Ikinyamakuru cy’abanyamerika Time...
16 November 2019 Yasuwe: 1752 0

Imyambarire Justin Bieber n’umugore we bajyanye gusenga yateje ururondogoro...

Ubwo Justin Bierber n’umufasha we Hailey Baldwin bajyaga gusenga ku wa 13...
16 November 2019 Yasuwe: 6114 0