Umukobwa witwa Abizera Paola ukoresha izina rya Paola.Caelo kuri Facebook wavuzwe mu rukundo na Gahima Gabriel wahoze ari umugabo w’umuhanzikazi Aline Gahongayire yatangaje byinshi ku rukundo rwagiye ruvugwaho hagati ye na Gahima muri 2016.
Abizera asa n’uwatanze itangazo ry’uko atagikeneye kuvugwa mu rukundo na Gahima kuko afite undi muhungu yageneye umutima we! Urukundo rwa Gahima, n’uyu mukobwa wiga muri ICK (Institut Catholique de Kabgayi) rwavuzwe nyuma y’igihe bari bamaze bashyira (...)

Sponsored Ad

Umukobwa witwa Abizera Paola ukoresha izina rya Paola.Caelo kuri Facebook wavuzwe mu rukundo na Gahima Gabriel wahoze ari umugabo w’umuhanzikazi Aline Gahongayire yatangaje byinshi ku rukundo rwagiye ruvugwaho hagati ye na Gahima muri 2016.

Abizera asa n’uwatanze itangazo ry’uko atagikeneye kuvugwa mu rukundo na Gahima kuko afite undi muhungu yageneye umutima we! Urukundo rwa Gahima, n’uyu mukobwa wiga muri ICK (Institut Catholique de Kabgayi) rwavuzwe nyuma y’igihe bari bamaze bashyira ahagaragara amafoto yerekana iby’uru rukundo rwabo.

Uyu mukobwa avuga ko atigeze akundana na Gahima ahubwo ari inshuti zisanzwe.Yavuze ko arambiwe kubona buri gihe anyuzwa mu binyamakuru ko akeneye ’akuruhuko’ bitewe n’uko ibivugwa nta kuri kurimo.

Gahima na Abayizera byavugwaga y’uko bakundana

Ni mu kiganiro yahaye KT Idols kuri uyu wa gatandatu tariki ya 02 Ukuboza 2017.Uyu mukobwa nta byinshi yatangaje ku mubano we na Gahima byavugwaga y’uko bagirana ahubwo yavuze ko atahakana y’uko bazirinyi kuko ari inshuti zo mu buzima busanzwe.

Muri iki kiganiro yatangiye abazwa niba koko ariwe wanditswe akanavugwa mu itangazamakuru.Yagize ati “Yaaa ninjye banditse ariko ntabwo ariko byari biri.Yari inshuti bisanzwe.Nta rukundo twigeze tugirana byari biri aho.”

Uyu mukobwa wiga muri kaminuza ya ICK iherereye mu ntara y’amajyepfo yavuze ko atishimiye uburyo yagiye avuga mu itangazamakuru.Ati “Ntabwo nabyishimiye kuko nako ari nako binari.ntabwo mbizi abantu baba bafite ibintu bishyizemo .Ntabwo ariko biri kuko njyewe mfte umukunzi .Umutima wanjye mfitemo undi muntu ntabwo byashoboka.”

Yakomeje asaba abanyamakuru kureka ku mwandika no kuvuga kuko we abifata nk’isebanya. Mu magambo ye ati “Ndangirango mbwire abantu bakomeza kunyandika nibakomeza njyewe nzabanjyana mu nkiko kuko bandika ibitari byo njye nkabifata nk’isebanya.”

Gaby, Paola na mushiki wa Gaby Gahima (wambaye umweru) bagiye gusura umuryango wa Gahima

Kugeza ubu,Aline Gahongayire yamaze gutangaza y’uko yiteguye gusubira mu rukundo nyuma y’uko urukiko rufashe umwanzuro wo kumutandukanye n’umugabo we ntacyo bagabanye.

Mu kiganiro Gahongayire yagiranye na Televiziyo y’u Rwanda mu gitondo cyo kuri uyu wa Gatanu. Yagize ati "Ntabwo nabyita kujya ku isoko ariko yego bizaza, niyo ibikora izongera ibikore. Imana ikora byinshi niyo yabikoze n’ibyo mbashije kugeraho. Ibyo umuntu byose yagezeho niyo ibikora ku bw’ibyo ntekereza ko n’urugendo rw’urukundo izongera ikabikora, nayihaye byose."

Gahima Gabriel watandukanye na Aline ntacyo yigeze avuga niba koko yiteguye gusubira mu rukundo nyuma yo kubona gatanya.

Uyu mukobwa yavuzwe mu rukundo na Gahima biratinda


N’ubwo abihakana ariko ku mbuga nkoranyambaga ze, Paola yandikaga ati "Feeling Loved"

Gahima na Paola, yanditse ati "Me,Bae & Imena" Imena izina ry’uyu mwana muto