Junior Multisystem yaciwe ukuboko nyuma y’impanuka ikomeye aherutse gukora

Imyidagaduro   Yanditswe na: Dusingizimana Remy 3 April 2019 Yasuwe: 5492

Umwe mu bahanga mu gutunganya indirimbo mu buryo bw’amajwi mu Rwanda,Karamuka Jean Luc uzwi nka Junior Multisystem,yamaze gucibwa ukuboko nyuma yo kugongwa n’imodoka yo mu bwoko bwa Rav 4 yamugonze ari kugenda n’amaguru ari kumwe na nyirasenge ndetse na mubyara we w’umukobwa,aba ari we ukomereka cyane.

Mu ijoro ryo kuwa Gatandaru tariki 30 Werurwe 2019, Junior Multisystem ukora indirimbo mu buryo bw’amajwi, yakoze impanuka ikomeye ubwo imodoka ya gisirikare yagongaga izindi bituma iyi yo mu bwoko bwa RAV 4ariyo imugonze.

Junior arwariye mu bitaro bya CHUK byo mu Mujyi wa Kigali,ndetse amakuru mashya agera ku Umuryango aremeza ko yamaze gucibwa akaboko nyuma y’aho abaganga bamukurikirana basanze karangiritse cyane kagomba gukurwaho kugira ngo katazamutera kanseri.

Abahanzi benshi batewe agahinda no gucibwa ukuboko kwa Junior Multisystem,bagaragaje agahinda kabo by’umwihariko Uncle Austin.

Uncle Austin abinyujije kuri WhatsApp ye yagize ati "Ubuzima ni bubi kandi burangwa n’ububogame rimwe na rimwe. Junior, umwe mu baproducers nkunda, yakoze indirimbo yanjye iheruka (Ubanza Ngukunda Rmx). Ubu gutakaza ukuboko biteye amarira, ukuboko kwaduhaye byinshi, birababaje, ndibaza uko amerewe ubu."

Producer Junior yaciwe ukoboko k’ibumoso. Impanuka yamusigiye ibikomere ku kuguru, ukuboko no mu mutwe.

Junior Multisystem yari icyamamare mu gukora indirimbo mu buryo bw’amajwi dore ko indirimbo nyinshi yakojejeho ukuboko kwe zamenyekanye.


Junior Multisystem waciwe ukuboko

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble

    yooo birababaje disi, gusa ihangane disi

    1 month ago
  • chat_bubble Elise

    Birababaje ,uba uyigendamo ikakwica wakigendera n’amaguru bikaba uko.Ni uguhora twiteguye pe

    1 month ago
  • chat_bubble

    Sorry Nshuti, Nyagasani akorohereze pe!! Ubuzima ni gatebe gatoki nta kundi!! Ihangane pe!

    Niyo mpamvu ijambo ry’ Uhoraho rivuga ngo : " Tujye duhora twiteguye kuko nta numwe uzi umunsi n’isaha "

    1 month ago

Inzindi nkuru

Diamond yamaze kugaragaza ko yaciye ukubiri n’abana be yabyaranye na...

Umuhanzi Diamond Platnumz wahoze ari umugabo wa Zari Hassan yamaze...
22 May 2019 Yasuwe: 3598 0

Deborah umukobwa wa Apôtre Masasu agiye kurongorwa na Dr Musafiri...

Imfura ya Apôtre Joshua Masasu, Deborah Uwamahoro Masasu agiye kurushingana...
22 May 2019 Yasuwe: 6702 0

Kidum yagiriye inama Marina yo kureka amatiku n’abahanzikazi bagenzi be...

Kidum Kibido Kibuganizo umwe mu bahanzi bakomeye hano mu karere ka Afurika...
22 May 2019 Yasuwe: 2697 0

Producer Junior waciwe akaboko nyuma y’impanuka yakoze yagaragaye ari mu...

Umuhanzikazi Oda Paccy uzwi cyane mu njyana ya Hip-Hop na Producer Junior...
22 May 2019 Yasuwe: 6789 0

Umuraperi Riderman yavuze impamvu itangaje yatumye afana ikipe ya Rayon...

Umuraperi Riderman uri mu batangije injyana ya Hip Hop mu Rwanda,yatangaje...
21 May 2019 Yasuwe: 5200 0

Neymar Jr yabuze mu birori bikomeye by’ikipe ya Paris Saint-Germain yagiye...

Hasakaye amafoto abandi bashyira mu majwi umukinnyi Neymar nyuma yo kubura...
21 May 2019 Yasuwe: 5570 0