Junior Multisystem yarahiye ko atazareka gukora indirimbo nubwo yaciwe ukuboko n’impanuka

Imyidagaduro   Yanditswe na: Dusingizimana Remy 24 May 2019 Yasuwe: 5309

Umuhanga mu gutunganya indirimbo z’abahanzi mu buryo bw’amajwi Junior Multisystem yatangaje ko adateze kuva mu muziki nubwo yaciwe ukuboko n’impanuka ikomeye yagize kuwa 30 Werurwe 2019.



Karamuka Jean Luc uzwi nka Junior Multisystem yabwiye ikinyamakuru Isimbi.rw dukesha iyi nkuru ko ijoro ryo ku itariki ya 30 Werurwe 2019atazaryibagirwa kuko ngo yabonye urupfu amaso ku yandi ndetse ngo nibwo yabonye ukuboko kw’Imana.

Yagize ati “Icyabayeho gituma n’iyi saha nicara ngashima Imana , hari abantu bavuga ngo ntabwo barabona Imana, ariko njyewe narayibonye. Ntabwo niyumvisha uburyo imodoka yaba irimo kugukaraga igiye guhita ikandagira umutwe hanyuma igahita ikubita kiriya cyapa cyanditseho Stop ku muhanda.

Abantu baje kunkiza bari bazi ko napfuye, mushiki wanjye yahagurutse yabaye nk’umusazi, masenge na we yahagurutse avuza induru ngo ‘umwishywa wanjye arapfuye.”

Producer Junior avuga ko impanuka ikimara kuba ngo yahise abona ko yapfuye byarangiye ndetse ahita yiyunga n’Imana yicuza ibyaha byose kubw’amahirwe ararokoka.

Yagize ati “Njye nasogongeye ku rupfu, kuko napfuye ndi kureba. Impamvu namenye ko ndi gupfa, ni uko ibyambayeho byose nahise mbibona, ariko Imana yaramfashije impa amasegonda make, muri uwo mwanya wa nyuma nahise nsaba Imana imbabazi, nahise nihana.”

Junior Multisystem wakoze indirimbo zigakundwa ndetse akagira ibyamamare abahanzi batagiraga izina,yavuze ko nubwo yacitse ukuboko ariko akazi gakomeje.

Yagize ati “Nzakomeza nkore umuziki, banciye ukuboko kw’ibumoso kandi burya ugukora akazi kenshi muri studio ni ukw’iburyo. Hari ikintu nkunda kuvuga iyo nsoje indirimbo, iyo nizihiwe mvuga ko ‘umuziki nzawubamo kugeza mpfuye’. Umuziki undimo, ndawukunda kandi nzawukora kugeza mpfuye.”

Junior yashimiye bikomeye abahanzi batandukanye bamweretse urukundo ubwo yari arembye cyane.

Yagize ati “Uburwayi bwanjye bwatumye abahanzi bishyira hamwe, berekanye urukundo rudasanzwe, sinzi uko nabikubwira, mbonereho n’umwanya mbashimire. Abansuye ntabwo ari abo nakoreye indirimbo gusa, bose baraje, banagize uruhare mu kuvurwa kwanjye. Ndabashimira cyane.

Nyuma yo kuva mu bitaro ndagenda noroherwa, ndi mu nzira yo gukira, Nyagasani aracyaturambitseho ibiganza kuko tubayeho ku buntu bw’Imana.”

Nyuma y’iyi mpanuka yatumye acibwa ukuboko,Junior Multisystem yahise asubira mu kazi aho kuri ubu yashyize hanze indirimbo yitwa Happy yakoreye Oda Paccy,nyiri studio Empire records ari gukoreramo ubu.

Inkuru ya Isimbi.rw

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abifuza guhatanira ikamba rya Miss Rwanda 2020 bafunguriwe amarembo

Gahunda yo gutangira gushakisha Nyampinga w’u Rwanda wa 2020 mu hirya no...
20 November 2019 Yasuwe: 1225 0

Snoop Dogg yiyise umugabo ukurura abagore ku isi kurusha abandi

Umuraperi w’icyamamare mu njyana ya HipHOP ku Isi , Snoop Dogg, yiyise...
18 November 2019 Yasuwe: 1522 0

Davido yatawe muri yombi nyuma yo gusogotera umuntu i Dubai

Amakuru yamaze kujya ahagaragara aravuga ko umuhanzi Davido ukomoka mu...
18 November 2019 Yasuwe: 6078 0

Leta ya Tanzania yategetse Diamond na Tanasha gukora ubukwe cyangwa...

Leta ya Tanzania yashyize hanze itangazo ryemeza ko abantu babana mu buryo...
18 November 2019 Yasuwe: 11132 0

Habibah uherutse gusabwa umugabo we adahari yagaragaje inda y’imvutsi atwite...

Ingabire Habibah wamamaye ku mbuga nkoranyambaga ubwo yitabiraga...
17 November 2019 Yasuwe: 5665 0

Bobi Wine yagaragaje uko yakiriye kuba yaje ku rutonde rw’abantu 100 bakoze...

Ku rutonde ngarukamwaka rushyirwa hanze n’Ikinyamakuru cy’abanyamerika Time...
16 November 2019 Yasuwe: 1843 0