addresiya
startimes

Justin Bieber yibasiwe bikomeye n’abakunzi b’umuziki nyuma yo kuvuga ibigwi umuhanzi mugenzi we Chris Brown

Imyidagaduro   Yanditswe na: Martin Munezero 6 May 2019 Yasuwe: 2000

Justin Beiber ufite izina rikomeye muri Leta zunze ubumwe za Amerika, yibasiwe bikomeye n’abakunzi b’umuziki nyuma yo kuvuga ibigwi umuhanzi mugenzi we Chris Brown avuga ko Arusha ubuhanga ibyamamare byagacishijeho.



Uyu muhanzi yavuze ibi asa naho ashaka kugaragaza uyu musore nk’umuhanga ukomeye akiri muzima kuko abandi babavugaho ubuhanga aruko bamaze kwitaba Imana.

Yavuze ko Chris Brown akiri muzima aruta kure ibyamamare byagacishijeho mu mateka y’umuziki, Michael Jackson na Tupac Shakur.

Uyu mugabo w’imyaka 25 mu mpera z’icyumweru gishize yashyize ifoto kuri Instagram ifoto iriho imibare ivuga ngo MJ+2Pac= CB.

Ashimangira ibiri kuri iyo foto yemeza ko ibikorwa Chris Brown amaze gukora akiri muzima biruta kure ibya 2 Pac na Jackson.

Ati ” Abantu bashaka gutegereza ko umuntu apfa ngo bavuge ibigwi by’ibyo yakoze. Njye reka mbivuge, Chris Brown namara gupfa ashaje, muzakumbura ibyo mwabonaga igihe cyose yari ahari. Munyizere muzaba mubibona.”

Bieber ukomoka muri Canada, yavuze ko kuba Brown yarakubise Rihanna bitaburizamo ibyiza byinshi yakoze kuko nta muntu udakosa.

Ati “Abantu birengagiza impano y’uyu mugabo kubera ikosa yakoze… mwongere musuzume!”

Chris Brown yishimiye aya magambo meza ya Bieber ati “Ndagukunda man! Wakoze kunyemera. Inyenyeri yawe iracana cyane kandi umutima wawe ntawe muwunganya. Uri umwami ariko ikiruta byose waremewe kuba intangarugero no kurema amahirwe atagira ingano muvandimwe.”

Abandi bahanzi barimo Sean Kingston, umunyarwenya Marlon Wayans ndetse na Marshmello wibasiwe mu cyumweru gishize azira gukorana na Brown bunze mu rya Bieber.

Gusa hari abafana batishimiye kuba Bieber yatangaje ku mugaragaro ko kuba Chris Brown yarakubise Rihanna ari ikosa ridakanganye.

Umwe ati “Reka gutera icyuhagiro urugomo, ibyo wanditse biratuma abantu bumva ko kugira urugomo ari ugukora ikosa ryoroheje kandi atari ryo.”

Undi mufana yagize ati “Ngo ni ikosa? Wigeze ukubitwa ingume? Ndasenga Imana ngo umuntu ukunda ntazigere ahura n’amakimbirane yo mu ngo.”

Chris Brown,akimara gukubita Rihanna muri Gashyantare 2009, yakatiwe imirimo nsimburagifungo kandi abuzwa kongera kugera hafi y’uwo mukobwa. Aherutse kuregwa gufata ku ngufu umugore i Paris mu Bufaransa, ariko arabihakana.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umwana wa George Floyd yavuze uburyo urupfu rwa Papa we rwahinduye...

Umuhanzi w’injyana ya hip-hop, Kanye West, yemeye kwishyura amafaranga...
6 June 2020 Yasuwe: 3647 0

Mushiki wa Diamond yavuze ku gusubira kwa Musaza we na Zari

Esma Platnumz akaba na mushiki w’umuhanzi w’igikomerezwa mu muziki wa...
5 June 2020 Yasuwe: 3530 0

Ringtone umuhanzi w’indirimbo zo kuramya no guhimbaza Imana yasobanuye...

Umuririmbyi w’indirimbo zo kuramya utavugwaho rumwe wo muri Kenya, Ringtone...
5 June 2020 Yasuwe: 1994 0

Hamisa Mobetto yasingije Ali Kiba maze atesha agaciro Diamond...

Umukobwa usanzwe agaragara kenshi mu mashusho y’indirimbo z’umuhanzi Diamond...
5 June 2020 Yasuwe: 2294 0

Hamisa Mobetto yavuze uburyo kuvugana na Diamond ari uguta umwanya

Umunyamideli Hamisa Mobeto wabyaranye n’umuhanzi Diamond Platnumz umwana...
4 June 2020 Yasuwe: 2231 0

Davido yavunitse ukuguru bituma umukunzi we asuka amarira

Nyuma y’aho umuhanzi David Adedeji Adeleke wamamaye nka Davido agaragaje ko...
4 June 2020 Yasuwe: 2878 0