addresiya
startimes

Kate Bashabe yavuze uburyo aba Slay Queen ari imburamukoro asobanura n’icyiciro we abarizwamo[AMAFOTO]

Imyidagaduro   Yanditswe na: Martin Munezero 6 June 2019 Yasuwe: 5577

Kate Bashabe, umwe mu bakobwa bafite igikundiro mu Rwanda yashimangiye ko atabarizwa mu cyiciro cy’abakobwa bitwa aba Slay Queen, aboneraho no kugira inama urubyiruko muri rusange cyane ko arirwo rubarizwa muri iki cyiciro.



Izina ‘Slay Queen’ ni rimwe mu bazina atagaragara neza mu mboni z’abakoresha imbuga nkoranyambaga kuko ababarizwa muri iki cyiciro bafatwa mu yindi sura. Umukobwa w’umu Slay Queen uzasanga arangwa no guhora asa nkuhanganye n’abandi mu kugaragara neza ku mbuga nkoranyambaga, ndetse ntibaterwa ikimwaro no kwirirwa berekana ubuzima bwabo bwite burimo nko gushyira hanze amafoto ya bimwe mu bice by’ibanga by’umubiri wabo, aho batuye, ibyo bariye, ibirori bagiyemo n’ibindi byinshi.

Hari bamwe mu bakoresha imbuga nkoranyambaga cyane cyane Instagram bashyira Kate Bashabe mu cyiciro cy’aba Slay Queen gusa ku ruhande rwe yashimangiye ko atari umuntu udafite icyo akora kuko uretse iby’imbuga nkoranyambaga, Kate n’umucuruzi ukomeye cyane afite n’ibindi bimwinjiriza.

Kate Bashabe yavuze ko abakobwa b’aba Slay Queen usanga nta kazi bagira uretse ahubwo kwirirwa ku mbuga nkoranyambaga no mu mayoga babigaragariza ababakurikira ku nkuta zabo. Iki cyiciro rero yashimangiye ko atakibarizwamo kuko we ntago ari imburamukoro ahubwo n’umucuruzi kandi ikirenzeho ngo afite ibintu byinshi akora bimwinjiriza atajya ashyira ku mbuga nkoranyambaga. Muri ibyo harimo nk’Ubwubatsi, Ubukorikori, Ubuhinzi n’ibindi.

Uyu mwari wanashinze inzu y’imideli ya ‘Kabash Fashion House’ azwiho guhora hakurya y’amazi magari, gusa yavuze ko akenshi aba yagiyeyo muri gahunda z’akazi aho aba arimo gushaka amasoko y’ibicuruzwa bye ndetse no kwagura ibikorwa bye mu bafatanyabikorwa batandukanye.

Reka tubibutse ko Kate Bashabe aherutse no gushyira hanze indirimbo yitwa You and I yahuriyemo na The Ben, Mani Martin, Andy Bumuntu, Buravan na Christopher. Kate ahamya ko kuba yarakoze iyi ndirimbo bitamushyira ku rutonde rw’abahanzikazi bashya umuziki nyarwanda wungutse, ahubwo ngo nuko yifuzaga gutanga ubutumwa cyane cyane mu rubyiruko.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Kamina

    Wamukobwa we ibyo ushobora kuba warabigezeho uhereye kubindi bikakugezayo. Abatari babigeraho cyangwa bakigerageza singombwa kubatuka. Iyuvuka usa na mushikiwanjye wo mu cyaro cya Nyabisheke Utunzwe n’isuka sinzi amahirwe yawe uko yari kuba angana. Abandi ntabwo ari imburamukoro niba bibatunze nabo nicyo cyangombwa.Buri muntu wese agashima rurema.

    June 2019
  • chat_bubble mc.matata jado

    nkurikije ibisobanure mwaduhaye nkabihuza namafoto yuwo mwari mbonye nawe yari aga slay ahubwo wenda yakuyemo umusaruro abivamo kandi nyine ukize inkuba niwe uyiganira nihitiraga

    June 2019

Inzindi nkuru

Umuhanzi w’Umuraperi yavuze uburyo yahuriye mu kabyiniro n’umukobwa wa...

Umuraperi wo muri Ghana witwa Reggie Rockstone yavuze ukuntu yahuriye...
2 June 2020 Yasuwe: 671 0

Ifoto y’umukobwa wo muri Nigeria witiranwa n’umwana wa Beyonce na Jay-Z...

Hari ifoto y’umukobwa uhuriye ku izina rya Ivy n’umukobwa wa Beyonce witwa...
2 June 2020 Yasuwe: 469 0

Zari Hassan yeretse uburakari umufana wamusabye gusubirana na...

Hari umufana utavuzwe izina n’ibitangazamakuru byo muri Tanzanie byaramutse...
1 June 2020 Yasuwe: 2140 1

Wizkid yavuze amagambo asingiza Imana kubera urupfu rwa George Floyd...

Umuhanzi Wizkid wo muri Nigeria yavuze ku rupfu rw’umwirabura George Floyd...
1 June 2020 Yasuwe: 3450 0

Davido yateranye amagambo n’abafana be bahita bamwita Burna Boy

Abahanzi babiri bo muri Nigeria Davido ndetse na mugenzi we Burna Boy...
1 June 2020 Yasuwe: 760 0

Reba ibyamamare 6 bizwi cyane byanze ’Kurushinga’[AMAFOTO]

Gushyingirwa ntabwo ari garanti y’ibyishimo. Bamwe mu bashakanye ubuzima...
31 May 2020 Yasuwe: 8920 1