Katy Perry arashinjwa kwambika ubusa umusore ku ngufu yerekana igitsina cye mu birori

Imyidagaduro   Yanditswe na: Dusingizimana Remy 13 August 2019 Yasuwe: 2757

Umuhanzi Katy Perry wakoze indirimbo nyinshi zigakundwa arashinjwa n’umusore witwa Josh Kloss w’imyaka 38,ko nyuma yo gukorana video y’indirimbo ye yitwa Teenage dream muri 2010,yamuhohoteye amwambika ubusa imbere y’abantu mu kirori, abereka igitsina cye.



Josh Kloss yavuze ko ubwo yarimo asangira inzoga na Katy Perry n’inshuti ze zari nyinshi,uyu muhanzikazi yamuhobeye,arangije amukuramo ipantaro ku ngufu yerekana ku karubanda igitsina cye.

Yagize ati “Tumaze guhura,twarahoberanye akomeza kumfata.Ubwo nari mpindukiye nshaka kwerekana inshuti yanjye,yakuruye ipantaro ya Adidas nari nambaye n’umwenda w’imbere wanjye,yereka inshuti ze zose igitsina cyanjye.Muriyumvisha ikimwaro gikomeye nahuye nacyo?.

Josh yavuze ko iki gikorwa kigayitse Katy Perry yakimukoreye kuwa 14 Nyakanga 2012 ubwo bari mu kirori cy’inshuti ye muri California,nyuma y’amezi 7 uyu muhanzikazi atandukanye n’uwari umugabo we Russell Brand.

Josh yavuze ko yatangaje aya makuru kubera ko abagabo bakomeje gushinjwa ko bakoresha imbaraga zabo mu guhohotera abagore nyamara ngo n’abagore bafite imbaraga basigaye barataye umuco.

Umwe mu bahoze ari abakozi ba Katy Perry wari muri iki kirori Josh avuga ko aricyo yahohotewemo witwa Johnny Wujek w’imyaka 40 yamagnye ibi birego avuga ko ari ibinyoma byambaye ubusa.

Yagize ati “Sindemera ko ukomeza kubeshyera inshuti yanjye gutyo.Ibyo n’ibinyoma.Ntabwo Katy Perry yakora ikintu kigayitse gutyo.Tuzi ukuntu wari waramusariye kuva mwakorana video.”

Josh yahise amusubiza ati “Hari abantu benshi cyane,ubanze ubabaze mbere yo kuntuka.Ntabwo bazakubeshya.”

Josh watangarije aya makuru kuri Instagram nyuma y’imyaka 7 ibi bibaye yavuze ko yagerageje kuganira na Perry kuri iki kibazo ariko ngo afunga umutwe.

Josh abajijwe impamvu yahisemo kubitangaza muri 2019 ari uko ibi yakorewe byanze kumuvamo ndetse abwira abamuhataga ibibazo ko nabo bibabayeho bamwumva.

Katy Perry niwe mugore wa mbere w’icyamamare ushijwe guhohotera umugabo ku byerekeye ibitsina nyuma yo kwaduka kw’inkubiri yitwa Me Too aho abagore batanga ubuhamya mu mafilimi no ku ma TV bavuga uko bahohotewe ndetse basambanywa ku ngufu n’abagabo biganjemo ibyamamare bitandukanye ndetse n’abakoresha babo.



Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umukobwa wacuruzaga imiti yatunguranye yegukana ikamba rya Miss...

Umukobwa ucuruza imiti ukomoka mu gihugu cya Tailand w’imyaka 25 yambitswe...
13 November 2019 Yasuwe: 1045 0

Ufatwa nka Mama wa Rema yahishuye impamvu uyu mugore yataye Eddy Kenzo...

Hashize igihe gito Rehema Namakula uzwi nka Rema asize uwari umugabo we...
12 November 2019 Yasuwe: 5002 0

Weasel umugabo wa Teta Sandra yakubitiwe mu kabari nk’iz’akabwana ajyanwa kwa...

Weasel yakubtiwe mu kabari kazwi cyane mu gace ka Bunga aho yari yagiye ari...
12 November 2019 Yasuwe: 3396 0

Reba abanyamidelikazi bafite uruhu rudasanzwe rutangaza abantu[AMAFOTO]

Birazwi ko buri muntu wese aba afite uruhande rwiza cyangwa ibimuranga ku...
12 November 2019 Yasuwe: 3604 0

Ali Kiba yabwiye amagambo mva mutima umugore we batandukanye nta gihe...

Umuhanzi w’icyamamare mu gihugu cya Tanzania,Ali Kiba yandikiye ubutumwa...
12 November 2019 Yasuwe: 3661 0

Sheebah Karungi yizihije isabukuru ye y’amavuko mu buryo budasanzwe[AMAFOTO]

Umugandekazi Sheebah Karungi, arikwizihiza isabukuru y’Imyaka 30 amaze...
11 November 2019 Yasuwe: 5020 0