skol
fortebet

Urban Boys yamaze gutandukana byeruye

Yanditswe: Saturday 04, Nov 2017

Sponsored Ad

Itsinda rya Urban Boys ryari rigizwe na Safi, Nizzo na Humble Jizzo!Uziko biyitaga Swagg Boyz, Super Level!Muri Nzeri 2017 Safi yanze gutumira Nizzo mu bukwe bwe!Buri wese yakundanyeho n’umunyamahanga(Umukobwa) baza gushwana….Inkuru nk’izi uzitege mu bitangazamakuru byandika n’ibivuga umunsi ku wundi.
Mu myaka irenga umunani maze menya iri tsinda nababonyeho ubuhanga budasanzwe no kwitangira akazi.Bagaragaje ubudahangarwa rwabo muri muzika yananiye benshi kugeza ubwo buri wese afashe umwanzuro (...)

Sponsored Ad

Itsinda rya Urban Boys ryari rigizwe na Safi, Nizzo na Humble Jizzo!Uziko biyitaga Swagg Boyz, Super Level!Muri Nzeri 2017 Safi yanze gutumira Nizzo mu bukwe bwe!Buri wese yakundanyeho n’umunyamahanga(Umukobwa) baza gushwana….Inkuru nk’izi uzitege mu bitangazamakuru byandika n’ibivuga umunsi ku wundi.

Mu myaka irenga umunani maze menya iri tsinda nababonyeho ubuhanga budasanzwe no kwitangira akazi.Bagaragaje ubudahangarwa rwabo muri muzika yananiye benshi kugeza ubwo buri wese afashe umwanzuro gutangira akazi ka wenyine.

Inkuru z’urudaca, gushwana, gutukana no gushinjanya ibyo benshi bitaga ibinyoma byaranze Urban Boys kugeza ubwo Safi afashe umwanzuro wo kwikura muri iri tsinda.

Kuri ubu, Safi aravuga y’uko yamaze gufata umwanzuro wo kwipakurura Urban Boys ndetse anatangaza y’uko agiye gutangira ibikorwa bwe guti cye.Avuga ko hashize umwaka urenga muri iri tsinda hatangiye umwiryane atabashije kwihanganira kugeza ubwo yitekerejeho akavamo.

N’ubwo abagize itsinda rya Urban Boys bakomeje guhisha y’uko batandukanye hari amakuru yizewe Ikinyamakuru UMURYANGO twamenye y’uko nyuma y’ubukwe bwa Safi(Yashakanye na Niyonizera Judith) yongoreye Humble Jizzo ko yamaze kuva muri Urban Boys ndetse ko ari icyemezo yari amaze iminsi atekerezaho.

Mu kiganiro na Radio Rwanda cyo kuri uyu wa Gatandatu, Safi wagarutse mu Rwanda amaze kuvuga y’uko “Ubu si ndi muri Urban Boys…”.Uyu muhanzi yavuze ko kimwe mu bintu byatumye afata umwanzuro harimo no kuba iri tsinda nta mujyanama bari bagifite kugeza ubu.Ngo na Richard wa Super Level yababwiye kwirwanaho

Umunyamakuru yamubajije niba yaramaze gufata icyerezo kimwe kuburyo hari n’ibindi bihangano yatangiye gukora.Uyu muririmbyi wamaze kuva mu buserebateri yavuze ko ari gufata akanya ko kuruhuka, ati "Ubu ndigufata umwanya wo kwitekerezaho’.

Abajijwe niba indirimbo ari gukora mu ma studio (Hari iyo ari gukora kwa Pastor P) atari buzihereho ngo akore umuziki we ku giti cye we yahamije ko nk’umunyamuziki hari byinshi ari gukoraho ariko atari yifuza gutangaza.Yavuze ko yavukiye mu rugo rw’abantu basenga kandi ko yanaririmbye muri Korali kuburyo atahagarika muzika.

Asabwe kugira icyo abwira abakunzi ba muzika na Urban Boys ndetse n’abe muri rusange Safi Madiba yagize ati”Icya mbere ndisegura ku bakunzi ba Urban Boys ntabwo nanjye ari icyemezo kinshimishije ariko burya iyo byananiranye biba byananiranye. Ku bafana banjye bo turaguma tuvugana byinshi bazabimenya nyuma.”

Mu kiniga cyinshi, Humble Jizzo nawe yabwiye Radio Rwanda ko yatunguwe n’icyemezo Safi yafashe kuko yari yarigeze kubyumvaho ariko ko yagirango arikinira.Ngo yabanye na Safi igihe kinini amwumvaho gutebya no kuvuga ibyo atasubiramo.

Humble Jizzo witegura kurushinga,yavuze ko ababajwe bikomeye no kuba Safi avuye muri Urban Boys ariko avuga y’uko byinshi azabitangariza mu kiganiro n’itangazamakuru cyo kuwa 10 Ugushyingo 2017.

Ibimenyetso bikomeye byakomeje gushimangira itandukana rya Urban Boys

Hari amakuru yizewe avuga ko ubwo Urban Boys yakoranaga indirimbo na Kitoko bise ‘I Miss You’, ngo Safi yaba yarabwiye Kitoko ko ariyo ndirimbo ya nyuma akoranye na bagenzi be Nizzo na Humble Jizzo.

Mu masaha ya mugitondo cyo kuri uyu wa Gatandatu tariki ya 04 Ugushyingo 2017, Safi yashimangiye ko yitandukanye na Urban Boys.Yahise ahindura amazina yakoreshaga kuri Instagram yagaragaragamo izina Urban boys[yitwaga Safimadiba_Urbanboys] ubu akaba yabikuyeho akiyita Safi Madiba¬_Official.

Ikindi ku mugoroba wo kuri uyu wa gatanu tariki 3 Ugushyingo 2017, Nizzo yabanje gushyira ifoto ku rubuga rwa Instagram ari kumwe na Humble Jizzo basanzwe bakorana bigaragaza ko Safi yavuye muri iri tsinda bya burundu.

Mu masaha macye yo kuri uyu wa Gatandatu, urubuga rwa Youtube, Urban Boys yakoreshaga biragaragara y’uko rwamaze gufatwa na Safi mu ntoki ze.Hashize amezi asaga atandatu itsinda rya Urban Boyz rifunguye shene yayo ya YouTube bashyiragaho ibihangano byabo.

Muri ayo mezi yose, Urban Boys bari bamaze gushyiraho indirimbo enye ndetse n’indi imwe Humble Jizzo yakoranye n’umukunzi we w’umunyamerikakazi.Gusa kuri ubu iyi shene yahoze yitwa Urban Boys Official yamaze guhinduka Safi Madiba Official.

Ibi bishobora kuza gukurura kutumvikana hagati ye na bagenzi be dore ko Humble yatangaje y’uko n’ubwo Safi yasezeye hari ibyo abagomba nabo hari ibyo bamugomba mbere y’uko asezera burundu.

Kucyumweru tariki 29 Ukwakira 2017 ni bwo Shasha Yrybz urimo gutunganya amashusho y’indirimbo Safi na Meddy barimo gukora, yashyize hanze ifoto ari kumwe na Safi na Meddy yandikaho ubutumwa kuri Instagram yerura ko Safi agiye gukora muzika wenyine.

Yagize ati: "Uyu munsi nari kumwe n’abahanzi bakomeye mu Rwanda Safi na Meddy, komereza aho Safi muri uru rugendo utangiye rwo kuririmba ku giti cyawe, ikirere niryo herezo".

Kuwa Kane tariki 26 Ukwakira 2017, mu masaha y’umugoroba, nibwo Safi yahagurutse mu Rwanda ari kumwe na Meddy berekeza mu gihugu cya Uganda, aho batunganyirije indirimbo bise ’Ukuri’.

UMURYANGO wamenye y’uko Safi yamaze kubona itsinda rigomba kuzamufasha mu gihe cyose agiye gukora muzika ku giti cye.Ikindi n’uko uyu musore bigaragara y’uko yari yaramaze kwitegura kuko kugeza ubu afite indirimbo yakoreye muri Uganda.

Mu ijoro ryo kuri uyu wa Gatanu, Safi yari muri Studio kwa Pastor ndetse n’ubu twandika iyi nkuru kuri uyu wa Gatandatu tariki ya 04 Ugushyingo 2017, Safi yagiye gukora indirimbo kwa Junior Multisystem wagiye ukora indirimbo nyinshi za Urban Boys.
REBA AMAFOTO:


Iyi Channel yari iy’itsinda rya Urban Boys ikitwa Urban Boys Official

Safi Madiba Official, yayegukanye




Safi yamaze gusiba izina Urban Boys kuri konti ye ya Instagram

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa