Kid Gaju yongeye ashimangira mu buryo bweruye ubuhemu yakorewe n’umuhanzi mugenzi we Safi Madiba

Imyidagaduro   Yanditswe na: Martin Munezero 28 June 2019 Yasuwe: 1939

Umuhanzi Kid Gaju avuga ko nta mbabazi ashobora gusaba Safi Madiba nk’uko yabyifuje kuko nta kosa yamukoreye, yongeye gushimangira ko uyu muhanzi ari umuhemu kuko yamwambuye akitwaza ko ashaka kumwubakiraho izina.

Mu minsi ishize ni bwo humvikanye intamabara y’amagambo hagati y’abahanzi babiri bari basanzwe ari inshuti, Kid Gaju na Safi Madiba.

Kid Gaju yavuze ko yafashije ibintu byinshi Safi ubwo yari akiva muri Urban Boys, amuhuza n’abantu ndetse amuguriza n’amafaranga ariko undi aramuhemukira, Safi yaje kuvuga ko ibintu byose Gaju yavuze byari ibinyoma ahubwo ko ari ibikoresho aba yafashe bimukoresha no gushaka kumwubakiraho izina.

Gaju aganira na Isimbi yavuze ko ibyo yavuze byose ari ukuri ahubwo ko Safi aba yiyambika isura adafite.

Yagize ati”ahubwo Safi afite ikibazo gikomeye, ibikoresho se bihe? Njye mvuga ibintu uko mbibona ubwo niba yumva hari ibikoresho mba nafashe azaze na we abimbwire.”

Yakomeje avuga ko ibyo yavuze byose ari byo ko adashobora kubeshyera Safi kuko n’abantu bose bamuzi.

Yagize ati”Ntabwo nshobora kubeshyera Safi, uriya mugabo abantu bose baramuzi nanjye baranzi kandi n’ubeshya muri twe baramuzi, ndizera ko andusha, nanjye nshobora kubeshya ariko nzi ko andusha ikinyoma, ariko ibyo navuze byo si ibinyoma.”

Yakomeje agira ati”narayamurekeye kuko nta n’ubwo afite menshi, numvishe avuga ngo ntabwo nyamurusha, nyine niba ntayamurusha kuki yemera ko bigera hano hose, ni we ugomba kubidusobanurira, kuki yemerera ko abantu batari ku rwego rumwe bamuvugaho, ni we ugomba gukemura ibibazo bye.”

Yakomeje avuga ko Safi nta ndirimbo afite ngo izo yaririmbye nyine z’iri ku rwego rwe, zigaragaza urwego ariho.

Ngo ibyo aririmba ni ibyo abamo nka ‘Kontwari’, kandi kuba yararirimbye ‘Mambata’ ngo ni bwo buzima bwe, ngo ni indirimbo nziza ku rwego rwe.

Kid Gaju Kandi yibukije Safi ko adashobora kumwubakiraho izina kuko atarimurusha, ndetse ngo ibyo kumusaba imbabazi abyibagirwe kuko nta kosa yamukoreye, ahubwo ngo nafate umwanya ajye muri studio.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Bushali na mugenzi we bamenyekaniye mu ndirimbo ’Ni Tuebue’ n’inkumi ebyiri...

Umuhanzi Hagenimana Jean Paul wamenyekanye cyane nka Bushali mu muziki we...
18 October 2019 Yasuwe: 1717 0

Mama wa Diamond yatumye we na Tanasha bafata icyemezo cyo kwerekana isura...

Umuhanzi w’Ikimenyabose muri Tanzania no muri Afurika y’Uburasirazuba Diamond...
18 October 2019 Yasuwe: 2963 0

Bushali na mugenzi we bakorana injyana ya Kinyatrap batawe muri yombi na...

Umuhanzi Hagenimana Jean Paul wamenyekanye cyane nka Bushali mu muziki we...
18 October 2019 Yasuwe: 2100 0

Itariki itazibagirana ku bakunzi ba nyakwigendera Lucky Dube

Lucky Philip Dube ni we mucuranzi wagurishije muzika ye kurusha abandi muri...
18 October 2019 Yasuwe: 1005 0

Mama wa Diamond yabatengushye ashyira hanze amafoto y’umwana aherutse...

Byari bizwi ko Diamond Platnumz yerekana isura y’umwana we hashize iminsi 40...
18 October 2019 Yasuwe: 4236 0

Umunyarwandakazi Kate Bashabe yavuze ku rukundo biri kuvugwa ko ruri kuvuza...

Umunyamideri w’umunyarwandakazi Kate Bashabe yavuze ko iby’urukundo...
18 October 2019 Yasuwe: 2661 0