Kim Kardashian yinginze Perezida Trump ngo agirire impuhwe umukecuru umaze imyaka 21 muri gereza

Imyidagaduro   Yanditswe na: Nsanzimana Ernest 4 May 2018 Yasuwe: 2822

Umunyamideri w’ icyamamare muri Leta zunze ubumwe za Amerika Kim Kardashian yasabye Perezida w’ iki gihugu Donald Trump kubabarira umukecuru Alice Marie Johnson umaze igihe afungiye ibyaha bifitanye isano n’ ibiyobyabwenge.

Uyu mugore Kim Kardashian yabonye amashusho y’ uyu mukecuru ku rubuga rwa Twitter amaze kurebwa na miliyoni 60 maze avugana n’ umujyanama wa Perezida Jared Kushner ngo yite ku kibazo cy’ uyu mukecuru.

Mukecuru Johnson arafunze kuva mu myaka 21 ishize ubwo yahamwaga n’ icyaha gucuruza ibiyobyabwene no kunyereza amafaranga y’ igihugu. Icyo gihe hari mu mwaka wa 1997.

Alice Marie Johnson ni umupfakazi w’ abana bane, yabyaye umwana w’ imfura atarageza ku myaka 16 y’ amavuko. Yatandukanye n’ umugabo mu 1989. Nyuma yo gutandukana n’ umugabo yabuze akazi n’ ibyo kurya abura buri kimwe cyose n’ inzu ye irafatirwa. Nyuma y’ umwana umwe umwana we aricwa ubwo yari atwaye akamoto ‘scooter’.


Alice Marie Johnson

Nk’ uko byatangajwe n’ Ikinyamakuru Change.org, hatangijwe ubukangurambaga bwiswe "Grant Clemency" bukorerwa Alice Marie Johnson wakatiwe igifungo cya burundu. Ubu bukangurambaga bwatangijwe n’ abana b’ uyu mukecuru bukaba bumaze gusinywaho n’ abagera kuri 209 000. Uyu mukecuru ngo ni intangarugero muri gereza ndetse ni n’ umujyanama w’ abandi bagororwa.

Uyu mukecuru azapfira muri gereza kereka aramutse ahawe imbabazi na Perezida Donald Trump cyangwa uzamusimbura.

Kim Kardashian yanakoreye ubuvugizi umugore Cyntoia Brown w’ imyaka 29 yakatiwe igifungo cya burundu nyuma yo kwica umugabo w’ umukiriya washakaga kumusambanya ubwo yari afite imyaka 16.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abakobwa bahataniye ikamba rya Miss Rwanda barijijwe n’ibyo baboneye mu...

Kuri uyu wa gatandatu, abakobwa 20 bari mu mwiherero utegura umunsi wa...
19 January 2019 Yasuwe: 2744 0

Meddy n’umukunzi we baracyari ku mugabane w’Afurika aho bagiye kuruhukira ku...

Umuhanzi Ngabo Medard uzwi cyane nka Meddy n’umukunzi we Mehfira Mimi...
19 January 2019 Yasuwe: 3393 0

Umuhanzikazi nyarwanda w’icyamamare yatunguranye agaragara asomana mu buryo...

Ingabire Deborah uzwi cyane mu muziki nka Marina umwe mu bahanzikazi...
19 January 2019 Yasuwe: 2584 1

Umuraperikazi Cardi B yatangaje ikintu atifuza ko umwana we w’umukobwa...

Umuraperikazi Cardi B yatangaje ko yababazwa cyane no kuba umukobwa we...
19 January 2019 Yasuwe: 1351 0

Urukiko rwo muri Uganda rwanze ko Alubumu ya nyakwigendera Mowzay Radio...

Urukiko rwo muri Uganda rwanze ko Alubumu y’indirimbo nyakwigendera Mowzey...
18 January 2019 Yasuwe: 1508 2

Tanasha yavuze uburyo yamenyanye na Diamond n’ibindi yamukundiye[AMAFOTO]

Umunyakenyakazi Tanasha Donna witegura kurushinga n’umuhanzi wo muri...
18 January 2019 Yasuwe: 2775 0