Kitoko yerekeje mu Bwongereza nyuma y’ukwezi n’iminsi 18

Imyidagaduro   Yanditswe na: Iyamuremye Janvier 30 August 2017 Yasuwe: 1178

Musabwa Bibarwa Patrick wamamye nka Kitoko muri muzika nyarwanda yamaze kuva mu Rwanda aho yari yaje mu bikorwa byo kwamamaza umukandida wa FPR Inkotanyi wanegukanye intsinzi mu matora y’umukuru w’Igihugu, Paul Kagame.

Umuryango.rw, wahawe amakuru y’uko uyu muririmbyi yavuye mu Rwanda mu gitondo cyo kuri uyu wa gatatu tariki ya 30 kanama 2017 ahagana saa mbili z’igitondo ariko ngo yageze ku kibuga cy’indege cya Kanombe ahagana saa kumi n’ebyiri z’igitondo; aho yerekeje mu Bwongereza gukomeza amasomo mu binjyanye na Politiki.

Kitoko avuye mu Rwanda ashyize hanze amajwi n’amashusho y’indirimbo ‘Thank you Kagame’ yakoreye ku gasongera ka Convention Center iri mu mujyi wa Kigali.

Kitoko akigera mu Rwanda/Photos:Igihe

Yagiye mu Bwongereza kuwa 29 Werurwe 2013 ku mpamvu z’amasomo ya Kaminuza. Yaje mu Rwanda tariki 12 Nyakanga 2017 ahagera I saa ine z’ijoro asanganirwa n’imbaga y’abakunzi ndetse n’inshuti ze n’abo mu muryango we.

Kitoko Bibarwa wakunzwe mu ndirimbo zifite umudiho wa Afrobeat, yakirijwe ibibazo bitandukanye n’itangazamakuru; yabajijwe ku rukundo rw’ibanga agirana n’umukobwa wa Perezida Kagame, Ange Kagame. Kitoko yarabigaramye ‘ngo uretse no guhura nta nubwo baziranye.”

Uyu muhanzi kandi yongeye kubazwa ku bukwe byavugwaga ko yari amaze iminsi ategura mu ibanga n’umunyamakuru Kizima, Kitoko yavuze ko ataribyo ahubwo ko nawe akiri gushakisha.

Yanabajijwe ibijyanye n’uko mugenzi Senderi akunze kumwishongoraho avuga ko ariwe ubitse igikombe cya Salax Awards, Kitoko yasubije ko Senderi ahora abivuga nk’aho yacyegukanye mu buryo butanyuze mu mategeko.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umunyamakuru Anangwe yasezeranye imbere y’amategeko na Chamy(Amafoto)

Eugene Anangwe wamenyakanye nk’umunyamakuru watangiye ibiganiro byo mu...
24 November 2017 Yasuwe: 1889 0

Ukuri kwa Habiba k’umusore bakundanye bakiri ku ntebe y’ishuri

Ku gicamunsi cyo kuwa kane tariki ya 23 Ugushyingo 2017 nibwo hacicikanye...
24 November 2017 Yasuwe: 1173 0

King James yahishuye ukuri k’umukobwa byavuzwe ko bagiye kurushinga

Umuririmbyi Ruhumuriza James [King James] uri kubarizwa muri Leta zunze...
24 November 2017 Yasuwe: 3015 0

John Legend n’umufasha we baritegura ‘ubuheta’, Jordan Sparks nawe aritegura...

Umuhanzi wubashywe ku Isi John Legend n’umufasha we Chrissy Teigen bari mu...
23 November 2017 Yasuwe: 674 0

Iby’umusore ucuditse na Habiba uhatanye muri Miss Supranational-AMAFOTO

Ingabire Habiba, uhagarariye u Rwanda mu irushanwa ry’ubwiza rya Miss...
23 November 2017 Yasuwe: 2620 0

Knowless n’umugabo we bifurije isabukuru y’amavuko umukobwa wabo

Kuwa gatatu tariki ya 22 Ugushyingo 2017 nibwo umwana w’umukobwa Butera...
23 November 2017 Yasuwe: 2880 0