Butera Jeanne D’arc [uzwi ku izina ry’ubuhanzi rya Knowless] akaba ari n’umugore wa Producer Ishimwe Clement , aratangaza ko ageze ku munsi wa Gatatu akora imyitozo ikakaye kugirango akomeze kugira ubuzima buriza umuze.Ngo yihaye iminsi 90 aterura ibyuma ahinduranya kugirango akomeze kurwanya zimwe mu ndwara zandura.
Ni ibintu byatunguye benshi binyuze mu mashusho Knowless yashyize ku rukuta rwa Instagram.Bamwe bagiye bamugira inama y’uko yakwitwara muri iyo Siporo, hari abamubwiye ko akwiye (...)

Sponsored Ad

Butera Jeanne D’arc [uzwi ku izina ry’ubuhanzi rya Knowless] akaba ari n’umugore wa Producer Ishimwe Clement , aratangaza ko ageze ku munsi wa Gatatu akora imyitozo ikakaye kugirango akomeze kugira ubuzima buriza umuze.Ngo yihaye iminsi 90 aterura ibyuma ahinduranya kugirango akomeze kurwanya zimwe mu ndwara zandura.

Ni ibintu byatunguye benshi binyuze mu mashusho Knowless yashyize ku rukuta rwa Instagram.Bamwe bagiye bamugira inama y’uko yakwitwara muri iyo Siporo, hari abamubwiye ko akwiye kubitwara gake ntashyiremo ingufu nyinshi akora siporo.

Knowless muri iyi minsi byagaragaraga ko yabyibushye

Hari n’abandi bamubajije impamvu yagiye muri ‘Jimu’ wenyine atari kumwe n’umugabo we Clement Ishimwe.Bamuteye akanyabugabo bamubwira ko siporo ari nziza kuri we.

Uyu muhanzikazi yakajije imyitozo
Uyu muhanzikazi yakoze indirimbo zikomeye nka Uzagaruke, Winning Team, Ujya unkumbura, Baramushaka n’izindi nyinshi.Yatwaye ibihembo bitandukanye kuva yatangira muzika kugeza yegukanye Primus Guma Guma Super Star 5.

Tariki ya 7 kanama 2016 nibwo Knowless yarushinze na Clement bari bamaze imyaka itanu bakundana mu ibanga rikomeye.Ubukwe bwabo bwatashwe n’abatumiwe kuko aho bwabereye umutekano wari wakajijwe kuhinjira ari ukubanza kwerekana urupapuro rw’ubutumire.

Nyuma y’amezi atatu bakoze ubukwe Knowless na Clement bibarutse imfura y’umukobwa bahise bita amazina yabo bombi bongeraho n’irya gatatu ‘Ishimwe Or Butera’

Aherutse gutangaza ko bimwe mu byatumye atabyibuha cyane nyuma yo kubyara harimo kuba yararetse burundu kurya ibiryo birimo amavuta ngo n’ubwo biba bitaryoshye na gato ku muntu wamenyereye ibirimo amavuta yarihanganaga akaba aribyo arya muri icyo gihe.

Yanavuze kandi ko yaretse ibinyobwa birimo isukari no kunywa amazi menshi cyane byose byamufashije kutiyongera ibiro.