Knowless na Clement bizihije isabukuru y’umwaka bamaze babana imfura ya Tom Close ibafasha gukata umutsima (AMAFOTO)

Imyidagaduro   Yanditwe na: Martin Munezero 8 August 2017 Yasuwe: 5896 0

Kuri uyu wa Mbere tariki ya 7 Kanama 2017 nibwo umuhanzikazi Butera Knowless n’umugabo we Ishimwe Clement bizihije isabukuru y’umwaka bashinze urugo umutsima w’ ibirori bawukase bafatanyije n’ imfura y’ umuhanzi Tom Close.

Knowless na Clement barushinze tariki ya 7 Kanama 2016, bivuze ko kuri ubu hashize umwaka babana ndetse banamaze kwibaruka imfura yabo.


Clement na Knowless bakatanye umutsima n’imfura ya Tom Close.

Mu birori byo kwizihiza iyi sabukuru, aba bombi bakatanye umutsima bishimira umwaka ushize banana nk’ umugabo n’ umugore.

Muri ibi birori kandi batumiyemo abantu bake b’inkoramutima zabo, mu mafoto bashyize hanze hagaragaramo umuryango wa Tom Close gusa.

Ibi birori byari byatumiwemo umuryango wa Tom Close na Tricia.

Knowless na Clement mu butumwa banyujije ku mbuga nkoranyambaga bagaragaje ibyishimo bafite kuri uyu munsi wabo babwirana amagambo akomeye y’urukundo. Clement yatangiye agira ati ”Birasa nk’aho byabaye ejo, isabukuru nziza kuri twe, warakoze kuri buri kimwe. Ndagukunda.” nyuma Knowless nawe yunzemo agira ati “Birasekeje ukuntu igihe kiguruka iyo uri mu rukundo, isabukuru nziza y’ubukwe mukunzi.”

Usibye umurynago wa Tom Close ntabandi bagaragajwe bari batumiwe muri ibi birori.

Urukundo rw’aba bombi rwagiye ruvugwaho byinshi ahanini bitewe nuko bakundanye mw’ibanga rikomeye, kuburyo niyo wageragezaga kubabaza iby’uko baba bakundana mwahitaga muba abanzi, kugeza ubwo Clement yambitse Knowless impeta amusaba ko yazamubera umugore.

Butera Knowless na Clement basezeranyijwe n’umupasiteri wigenga, ntibanasezeranira mu rusengero, ibintu bitari bimenyerewe cyane mu Rwanda.

Bongeye kugarukwaho cyane ubwo itorero bari basanzwe basengeramo ry’Abadiventiste b’umunsi wa karindwi ryangaga kubasezeranya maze bagahitamo gushaka umupasiteri wigenga akaba ariwe ubasezeranya, mu muhango wabereye mu busita buri hafi y’umuhanda ugana mu mujyi wa Nyamata, ibintu bitaribimenyerewe cyane mu Rwanda.

Clement usibye kuba ari umugabo wa Knowless ni n’umujyanama we mu bya muzika, akaba ari nawe utunganya zimwe mu ndirimbo z’amajwi z’uyu mugore we.aba

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Eddy Kenzo ngo azwi cyane kurusha Perezida Museveni na Idi Amin...

Edrisa Musuuza wamamaye nka Eddy Kenzo akaba umuhanzi wubatse izina mu...
19 September 2017 Yasuwe: 553 0

Meddy ntiyiteguye gusaba imbabazi umuryango wa nyakwigendera Canjo...

Ngabo Medard Jirbert wamamaye nka Meddy yagarutse mu Rwanda nyuma y’imyaka...
19 September 2017 Yasuwe: 1648 0

Byemejwe ko Ingabire Habibah ahagararira u Rwanda muri Miss Supranational...

Ingabire Habiba w’imyaka 20 y’amavuko waranzwe no gutukana nyuma yo...
19 September 2017 Yasuwe: 657 0

Knowless yavuze ku gushaka abashoramari kugirango bakoreshe isura...

Knowless Butera washakanye na Ishimwe Clement, yahakanye yivuye inyuma...
18 September 2017 Yasuwe: 6954 0

Amafoto agaragaza Diamond ari mu buriri bumwe n’undi mugore

Amafoto agaragaza umuhanzi Diamond aryamanye n’umunyamideli Hamisa Mobetto...
18 September 2017 Yasuwe: 2297 0

Uwase Belinda wahatanye muri Miss Rwanda 2017 agiye gukora ubukwe

Umukobwa witwa, Umutoni Uwase Belinda, wabaye muri 15 bahataniraga ikamba...
18 September 2017 Yasuwe: 3319 0