Ingabire Jeanne d’Arc wiyeguriye muzika nka Butera Knowless uri mu bahanzikazi bubashywe muri muzika nyarwanda, avuga ko adateganya kubyara undi mwana mu gihe cya vuba, ngo arangamiye gukomeza kwagura muzika mu gihe Or akiri muto.
Ku murogoraba wo kuri uyu wa Gatatu, tariki 18 Ukwakira 2017, Knowless yari mu kiganiro cya Radio Rwanda ‘Amuhumbezi’ yabajijwe ku iterambera amaze kugera kuva atangiye muzika, abazwa n’imishinga ahugiyemo muri iyi minsi, anasubiza ibijyanye n’uko ashobora gukurikiza (...)

Sponsored Ad

Ingabire Jeanne d’Arc wiyeguriye muzika nka Butera Knowless uri mu bahanzikazi bubashywe muri muzika nyarwanda, avuga ko adateganya kubyara undi mwana mu gihe cya vuba, ngo arangamiye gukomeza kwagura muzika mu gihe Or akiri muto.

Ku murogoraba wo kuri uyu wa Gatatu, tariki 18 Ukwakira 2017, Knowless yari mu kiganiro cya Radio Rwanda ‘Amuhumbezi’ yabajijwe ku iterambera amaze kugera kuva atangiye muzika, abazwa n’imishinga ahugiyemo muri iyi minsi, anasubiza ibijyanye n’uko ashobora gukurikiza umwana we imbera aha.

Abajijwe niba we n’umugabo we bafite gahunda yo gukurikiza umukobwa wabo, Butera yasubije ko haba ari kare bihutiye kubyara undi mwana kuko Or akiri muto.Yanabajijwe icyo atekereza anateganyiriza umwana we ku binjyanye n’impano,Knowless asubiza ko byaba bigoye kuvumbura impano ye kuko akiri muto.

Yagize ati "Or aracyari muto, ibyo biri hagati yacu kandi Imana niyo itanga urubyaro, niyo itanga abana. Niduha undi tuzamwakira ariko rero mu magambo make Or aracyari muto, ntabwo akeneye undi aka kanya."

Yongeyeho ati "Ntabwo aruzuza umwaka, biragoye rero kubona impano afite iyo ari yo, akantu kose aba akaririra, akantu kose aba agateze amatwi, ariko wenda mu minsi iza nzaba namenye icyo umuntu agomba kumwerekezamo. Umuziki arawumva akanishima kimwe n’uko iyo hagiyemo amakuru nabwo atega amatwi, ubwo rero umuntu aba akiri mu rujijo, ntabwo biragaragara."

Knowless avuga ko we na Clement Ishimwe badateganya gukurikiza umwana vuba.
Uyu muhanzikazi yavuze ko anyuzwe n’umusasuro amaze kugeraho muri muzika.Yavuze ko kopi yakoze za Album aherutse gushyira hanze yazigurishije zose kandi ko yageze no ku ntera yo gucurangwa kuri televiziyo mpuzamahanga zitandukanye.

Mu mwanya w’abafana, hari uwamubajije ibyiyumviro bye kuri Safi, aseka cyane yavuze ko atari gusohoka muri Studio ‘ikibazo nk’icyo ntakibajijwe’ yahaye ikaze Safi mu buzima bushya atangiye.

Yavuze ko yakiriye neza ubukwe bw’inshuti ye yakera kandi ko ari intambwe ikomeye umuntu ahuriramo na byinshi, yaba ibyiza ndetse n’ibibi, icy’ingenzi ngo ni ukumenya uko abyakira n’uko abyitwaramo.

Knowless uherutse gushyira hanze amashusho y’i indirimbo yise Winning team , ubu ari gutunganya indirimbo zitandukanye n’amashusho y’iyo aherutse gushyira hanze yise ’Uzagaruke’ azajya hanze mu minsi ya vuba. Iyi ikaba ibumbatiye ubutumwa bwiganjemo ubw’urukundo.