Knowless yavuze ku itsinzi ya Dream Boys bagezeho biyushye icyuya nyuma y’imyaka itandatu

Imyidagaduro   Yanditswe na: Iyamuremye Janvier 26 June 2017 Yasuwe: 2892

Itsinda rya Dream Boys ribarizwamo Paltini na Tmc nibo begukanye irushanwa rya Primus Guma Guma Super Star ryabaga ku nshuro ya karindwi mu birori byasojwe mu ijoro ryo kuwa Gatandatu tariki ya 24 Kamena 2016.

Ni nyuma y’igitaramo cya nyuma cyabereye i Kigali aho cyashize DREAM BOYS bahize bagenzi babo 9 bahataniraga irushanwa rya Primus Guma Guma Super Star ya 7.

Iminsi iba myinshi igahimwa n’umwe gusa, nyuma yo gutaramira i Huye, i Gicumbi, i Ngoma na Rubavu aba bahanzi bose uko ari 10 banganyaga amahirwe yo kuba bakwegukana iri rushanwa ariko umugoroba wo kuwa Gatandatu w’iki cyumweru dusoje wasize Dream boys ari bo bahize abo bahatanaga bose.

Mu kiganiro na Isango Star, Knowless Butera washakanye na Ishimwe Clement yavuze ko ari ibyishimo bikomeye kuba itsinda rya Dream Boys ribashije kwegukana Guma Guma yabaga ku nshuro ya karindwi.

Knowless yashimye Imana ku kuba Dream Boys yegukanye Guma Guma

Knowless usanzwe ufatwa nka mushiki w’aba bahungu yavuze ko ari ishimwe rikomeye ku Mana, aho yagize ati :”Biranshimishije cyane, Ndishimiye cyane kubera ko narimbafatiye iry’iburyo kandi ndashima y’uko ibahesheje ishema kuko bari babikwiye….Kbs ndanezerewe cyane.”

Yabajijwe niba hari ikindi kintu bisobanuye ku inzu itunganyamuzika ya Kina Music asanzwe abarizwamo. Ati :”Bisobanuye y’uko turi ikipe itsinda, kandi bisobanuye y’uko uwiteka ari kumwe natwe.”

TMC wari wasanzwe n’ibyishimo yafashe ijambo ashimira abantu bose babahaye hafi by’umwihariko Clement na Knowless yanasabye ko baza imbere ku rubyiniro, ndetse anashimira abafana babo bitwa Indatwa. Platini nawe yashimiye Olivier nyiri kompanyi yitwa Volcano itwara abantu.

TMC na Platini bagize iri tsinda bagaragaje imbaraga no kwishimirwa n’abafana kuva irushanwa ryatangira, no mu gitaramo gisoza bigaragaje banikira abo bari bahanganye aho nabo ubwabo bashimangiraga ko babikwiriye.

PGGSS yabaye ku nshuro ya karindwi kuko yatangiye kubera mu Rwanda mu mwaka wa 2011, icyo gihe yegukanwe n’umuhanzi Tom Close wari ukunzwe cyane muri icyo gihe.

Dream Boys nibo begukanye PGGSS7

Mu mwaka wakurikiyeho King James niwe wayegukanye, Riderman yabimburiye abakora injyana ya Rap mu 2013, Jay Polly amukorera mu ngata ashimangira ko uburyo injyana ya Hip Hop ikunzwe. Butera Knowless ni we wabaye uwa mbere mu bagore bakora umuziki wegukana miliyoni 24 zigenerwa umuhanzi wahize abandi. Urban Boys niryo tsinda ryayegukanye bwa mbere umwaka ushize.

Active, Bull Dogg, Christopher, Dany Nanone, Davis D, Dream boys, Oda Paccy, Mico The Best, Queen Cha na Social Mula nibo bahanzi bari bagize amahirwe yo kwitabira iri rushanwa ritegurwa na EAP ku bufatanye na Bralirwa, aho bazengurutse mu ntara enye zigize igihugu n’umujyi wa Kigali mu bitaramo batangiye muri Gicurasi.

UKO ABAHANZI BAKURIKIRANYE:
10.Davis D
9.Dany Nanone
8.Active
7.Social Mula
6.Oda Paccy
5.Queen Cha
4.Mico The Best
3.Bull Dogg(yahawe sheki ya miliyoni enye z’amafaranga y’u Rwanda)
2.Christopher(yegukanye sheki ya 4,500,000frw)
1.Dream boys(begukanye miliyoni 24 z’amafaranga y’u Rwanda)

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble niyigena sinai the

    Sha nange byaranshimisshije cyn imana ishimwelll

    June 2017

Inzindi nkuru

Zari yatukanye ku karubanda nk’abashumba kubera abamubaza amakuru ya...

Umuherwe Zari Hassan nyuma yo gutangaza ko yatandukanye n’umugabo we,...
23 February 2018 Yasuwe: 2150 0

Umukunzi wa Rwatubyaye yahungabanyije Instagram kubera amafoto yenda...

Umurerwa Chelna ubusanzwe uzwi kukabyiniro ka chelina_ol kuri instagram...
23 February 2018 Yasuwe: 3361 1

Dore amafoto atandukanye yiriwe aca ibintu ku mbugankoranyambaga

Nk’ uko mumaze kumyenyera ko UMURYANGO tubagezaho amakuru atandukanye arimo...
23 February 2018 Yasuwe: 2483 0

Magaly Pearl kubera uburanga akomeje gutwara imitima ya bamwe [AMAFOTO...

Umuhanzi w’ Umunyarwandakazi witwa Ingabire Magaly ukoresha amazina ya...
23 February 2018 Yasuwe: 2267 0

Miss Sonia Rolland ageze i Kigali [AMAFOTO]

Umunyarwandakazi ufite ubwenegihugu bw’ Ubufaransa akaba yaranabaye Miss w’...
23 February 2018 Yasuwe: 2127 0

Umugore yishimiye bidasanzwe umugabo we nyuma yo kurongora umugore wa...

Mu gihugu cya Kenya haravugwa inkuru y’ umugabo witwa Azam FC CEO Van...
23 February 2018 Yasuwe: 2038 0