#Kwibuka25:Kizito Mihigo yashyize hanze indi ndirimbo yo Kwibuka n’amashusho yayo[VIDEO]

Imyidagaduro   Yanditswe na: Martin Munezero 2 April 2019 Yasuwe: 2012

Umuhanzi Kizito Mihigo yashyize ahagaragara indirimbo nshya yise “Kubabarira ntibivuga kwibagirwa” nk’umwihariko we ujyanye n’ibikorwa byo kwibuka ku nshuro ya 25 Jenoside yakorewe Abatutsi.

Ni indirimbo yumvikanamo amagambo y’urugendo rwo kwiyubaka n’ubutwari bw’abacitse ku icumi rya Jenoside yakorewe Abatutsi mu 1994.

Iyi ndirimbo ije nyuma y’iminsi mike y’iyitwa ‘Abarinzi b’amateka” nayo itanga ubutumwa bwo kwibuka no kurwanya ipfobya n’ihakana bya Jenoside yakorewe Abatutsi.

Uyu muhanzi umenyereweho kugira indirimbo zuje ubutumwa zinyura benshi , Mbere y’uko afungwa mu 2014, byari bimenyerewe ko mu ntangiriro za Mata ashyira ku mugaragaro indirimbo ikubiyemo ubutumwa bwo kwibuka Jenoside.

“Kubabarira ntibivuga kwibagirwa” ni indirimbo ya gatandatu mu mezi atandatu Kizito Mihigo amaze afunguwe.

Turebye kuri amwe mu magambo agize iyi ndirimbo , Mu nyikirizo y’iyi ndirimbo, Kizito Mihigo aririmba ati “Abacitse ku icumu ntituzima n’ubwo agahinda kacu kadashira, tukabyazamo ishyaka n’ingoga, tukanogerwa no gufatanya n’abandi kwiyubakira u Rwanda”

Mu nyikirizo yayo ya kabiri agira ati “Twebwe abarokotse, n’ubwo twababajwe, ntiduhora mu maganya y’urudaca. Ntitwitwa imbabare ubuziraherezo, ahubwo dufite umurava, tukanogerwa no gufatanya n’abandi kwiyubakira u Rwanda”

Iyi ndirimbo y’iminota itanu n’amasegonda atanu, amajwi yayo yatunganyijwe na Producer Nicolas naho amashusho yayo atunganywa na producer Mussa uyobora RDay Entertainement itunganya amashusho.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Bushali na mugenzi we bamenyekaniye mu ndirimbo ’Ni Tuebue’ n’inkumi ebyiri...

Umuhanzi Hagenimana Jean Paul wamenyekanye cyane nka Bushali mu muziki we...
18 October 2019 Yasuwe: 1717 0

Mama wa Diamond yatumye we na Tanasha bafata icyemezo cyo kwerekana isura...

Umuhanzi w’Ikimenyabose muri Tanzania no muri Afurika y’Uburasirazuba Diamond...
18 October 2019 Yasuwe: 2963 0

Bushali na mugenzi we bakorana injyana ya Kinyatrap batawe muri yombi na...

Umuhanzi Hagenimana Jean Paul wamenyekanye cyane nka Bushali mu muziki we...
18 October 2019 Yasuwe: 2100 0

Itariki itazibagirana ku bakunzi ba nyakwigendera Lucky Dube

Lucky Philip Dube ni we mucuranzi wagurishije muzika ye kurusha abandi muri...
18 October 2019 Yasuwe: 1005 0

Mama wa Diamond yabatengushye ashyira hanze amafoto y’umwana aherutse...

Byari bizwi ko Diamond Platnumz yerekana isura y’umwana we hashize iminsi 40...
18 October 2019 Yasuwe: 4236 0

Umunyarwandakazi Kate Bashabe yavuze ku rukundo biri kuvugwa ko ruri kuvuza...

Umunyamideri w’umunyarwandakazi Kate Bashabe yavuze ko iby’urukundo...
18 October 2019 Yasuwe: 2661 0