Marina yiseguye ku bafana be nyuma yo gusebya bagenzi be ngo ni Shyari na Nyina

Imyidagaduro   Yanditswe na: Muhire Jason 14 December 2018 Yasuwe: 1770

Marina yasabye imbabazi abafana be n’abanyarwanda muri rusange bafashe nabi kuba yarise Charly na Nina ko ari ‘Shyari na Nyina’.

Kuri uyu wa Gatatu taliki ya 13 Ukuboza 2018 ,nibwo Umuhanzikazi Marina Deborah yafashe umwanya yisegura ku bafana be ndetse n’abanyarwanda bose muri rusange nyuma y’inkuru yacicikanye hirya no hino ivuga uburyo yatutse itsinda rya Charly na Nina ngo ni Shyari na Nyina.

Yagize ati “Mwiriwe neza? Niseguye kuri burumwe wese haba murwego rwabafana cg abanyarwanda muri rusange cyane cyane @charlotterulinda @muhozanena waba yarafashe nabi kuba narise @charlotterulinda @muhozanena ngo#shyari na nyina# ntarundi rwango mbafitiye nkuko ngenda mbisoma muri comments kumbuga nkoranya mbaga kd ndabubaha nkabakuru bange mumuziki.”

Ibi abitangaje nyuma yuko The Mane yari yakoze ibitaramo bizenguruka u Rwanda mu kiswe ‘Simbuka Tour’ aho mu Karere ka Rusizi mu ndirimbo ye yitwa ‘Marina’ yumvikanye aririmba ngo ‘Shyari na Nyina’ mu kimbo cyo kuririmba Charly na Nina.

Abumvise aririmba kuriya bahise bavuga ko ashobora kuba afitanye ikibazo n’iri tsinda rya muzika cyangwa se ari ukubashotora bisanzwe. Marina we yatangaje ko yaririmbye kuriya abitewe n’abafana be babikoraga cyane.

Ati “Nabikoze kuko ari ko abantu bakunze kubivuga kandi n’abafana banjye niko barimo baririmba nanjye mbikora uko, gusa Charly na Nina ntacyo dupfa kandi nta n’ umutima mubi nabivuganye kuko nta nubwo nziranye nabo.”

Kuri uyu wa Gatatu yafashe umwanya asaba imbabazi Charly na Nina avuga ntarundi rwango abafitiye nkuko agenda abisoma mu bitekerezo bitandukanye bishyirwa ku mbuga nkoranyambaga.

Yasoje avuga ko abasabye imbabazi kandi abubaha nk’bakuru be mu muziki.

Author : Muhire Jason

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umuhanzi Humble Jizzo yeretse umwana we w’imfura n’umugore we ishuri yigagamo...

Mu nkengero z’Ikiyaga cya Kivu ahitaruye Umujyi wa Rubavu niho habereye...
15 July 2019 Yasuwe: 2336 0

Diamond Platnumz yatangaje ko agiye kuza i Kigali[AMAFOTO]

Umuhanzi Diamond Platnumz ufite izina rikomeye muri Tanzania no muri...
15 July 2019 Yasuwe: 1645 1

Umuraperi M-Izzo agiye gukora ubukwe na Clarisse

Mbituyimana Eric wamenyekanyen nka M-Izzo muri muzika nyarwanda ari mu...
15 July 2019 Yasuwe: 2269 0

Nyuma y’igihe kitari gito Diamond yarabuze abana yabyaranye na Zari,yongeye...

Umuhanzi Diamond Platnumz yongeye kubonana n’abana be babiri, Tiffah na...
14 July 2019 Yasuwe: 5874 0

Indirimbo ya Davido yakoranye na Chris Brown igiye kujya hanze

Mu gihe bitamenyerewe ko abahanzi bakomeye nka Chris Brown bakorana...
14 July 2019 Yasuwe: 623 0

Miss Mutoniwase yagiye gutura muri Amerika[AMAFOTO]

Miss Mutoniwase Marlenne wabaye Miss Heritage Rwanda 2014 akaba n’igisonga...
14 July 2019 Yasuwe: 6329 0