Umuramyi mu ndirimbo zo kuramya no guhimbaza Imana, Aline Gahongayire yasuye urugo rwa Ama G The Black n’umugore we, Uwase Liliane bakaba batuye mu Karere ka Kicukiro mu murenge wa Kanombe.
Uwase Liliane na Ama G The Black bamaranye amezi agera kuri arindwi bari kumwe.
Uyu muraperi aherutse kweruka ko agiye kurushinga n’umukunzi we mushya Uwase Liliane bakabana mu buryo bwemewe kandi ko marraine w’umugore we yahisemo ari Aline Gahongayire.
Ibi yabivugiye mu gitaramo Aline yari yateguye cyo (...)

Sponsored Ad

Umuramyi mu ndirimbo zo kuramya no guhimbaza Imana, Aline Gahongayire yasuye urugo rwa Ama G The Black n’umugore we, Uwase Liliane bakaba batuye mu Karere ka Kicukiro mu murenge wa Kanombe.

Uwase Liliane na Ama G The Black bamaranye amezi agera kuri arindwi bari kumwe.

Uyu muraperi aherutse kweruka ko agiye kurushinga n’umukunzi we mushya Uwase Liliane bakabana mu buryo bwemewe kandi ko marraine w’umugore we yahisemo ari Aline Gahongayire.

Ibi yabivugiye mu gitaramo Aline yari yateguye cyo kumurika Album nshya yise ‘New Woman’.Ama G ariko yirinze gutangaza Parrain we n’ubwo bivugwa ko ashobora kuba Riderman wanabaye Parrain mu bukwe bwa Safi Madiba.

Ama G The Black aherutse kubazwa icyatumye ahitamo Aline Gahongayire ngo abe ‘marraine’ w’umugore we aho yasobanuye ko byatewe n’umubano ukomeye bafitanye’.

Yagize ati “Aline Gahongayire twarahuje, nari nsanzwe mukunda mu ndirimbo ze, namubonyemo umuntu ufite ibitekerezo bizima. Namusabye ko yaba marraine w’umugore ngiye kurushingana na we ntiyatindiganya ahita yemera; ni umuntu umba hafi cyane ndetse ashyigikiye umuryango ngiye gushinga”.

Yongeyeho ati “Mukundira cyane ukuntu yiteje imbere binyuze mu muziki kandi akaba ananyubaka muri byinshi. Muri make aranshyigikira cyane kandi nanjye nkumva ko ngomba kugumana na we…”

Aline Gahongayire nawe ubwo yari mu kiganiro na TV10 yahamije ko Ama G asanzwe ari inshuti ye magara kandi ko kuba yaramutoranyije nka Marraine ari ibintu nawe yishimiye.

Kuri ubu,Ama G yashyize ku rukuta rwe rwa instagram ifoto ari kumwe n’umukunzi we ndetse na Aline maze avuga ko yagize ibihe byiza n’umukozi w’Imana (aha yavugaga Aline) bisa n’ibisobanura ko imyiteguro y’ubukwe igeze kure. Yagize ati “Byari byiza numukozi w’Imana gahongayire.”

Ama G yashimye bikomeye kuba Aline yaramusuye n’umugore

Abaturanyi ba Ama G beherutse kubwira UMURYANGO ko uyu muraperi ari umuturanyi mwiza kuri bo kuko hari bimwe mu byo byamwitabahazaho akabafasha kandi ko yicisha bugufi ugereranyije n’ibindi byamamare bazi.

Bivugwa ko Invitation z’ubukwe yazihaye abo mu muryango we gusa na Liliane bagiye kurushinga.Kuwa 02 Ugushyingo 2017 nibwo impapuro z’ubutumire zasakaye ku mbuga nkoranyambaga, bigaragara ko ubukwe bwa Ama G The Black na Uwase Liliane umukunzi we mushya buzaba tariki 24 Ukuboza 2017.

Kuri iyo tariki mu masaha ya mu gitondo saa tatu hateganyijwe umuhango wo gusaba no gukwa ibirori bizabera ku Ruyenzi mu nyubako ya ‘Chris Guest House’.

Nyuma y’aho saa cyenda z’amanywa abatumiwe n’inshuti n’abandimwe bazakirirwa ku Kicukiro ahitwa Tellavista, Kicukiko ya Kigali.