Meddy agiye gutaramira mu kabyiniro ko muri Kenya nyuma yo gukurwa igitaraganya ku rubyiniro mu gitaramo cyo kwita izina

Imyidagaduro   Yanditswe na: Martin Munezero 11 September 2019 Yasuwe: 1439

Umuhanzi w’icyamamare hano mu Rwanda , Ngabo Medard wamamaye ku rubyiniro nka Meddy, ategerejwe mu mujyi wa Nairobi muri Kenya mu gitaramo kiswe “Rwanda Beauty Night”.



Iki gitaramo bigaragara ko kizabera mu kabyiniro kazwi nka B Club. Iki gitaramo kizwi nka Rwanda Beauty Night si Meddy gusa ugitumiwemo cyane ko aka kabyiniro kajya gatumira abandi bahanzi kuko hari Abanyarwanda baherukayo nka The Ben, Charly na Nina.

Meddy wibera muri Leta Zunze Ubumwe za Amerika yageze mu Rwanda mu minsi ishize yitabiriye ibirori byo Kwita Izina yari yatumiwemo.

Muri iki gitaramo cyo “Kwita Izina Concert”, Meddy yahuye n’akaga akurwa ku rubyiniro adasoje indirimbo yari yateguye,ibintu nawe yasabiye imbabazi abafana be.

Abinyujije ku mbuga nkoranyambaga akoresha yagize ati “Ndashaka kwisegura ku kuririmba igihe gito kwanjye kubera ibintu birenze ubushobozi bwanjye byabayeho. Ntabwo mu by’ukuri byari ubushake bwanjye.”

“Numvaga amajwi yanyu mu rwambariro mumpamagara. Mu by’ukuri nashakaga kuririmba buri ndirimbo nari nabateguriye. Murakoze kunyumva no ku rukundo rwanyu rw’ibihe byose. Kigali Arena nzagaruka. Kigali izahora ari iwacu haryoshye.”

Muri icyo gitaramo yaririmbye indirimbo ze eshatu, zirimo ‘Sibyo’, ‘Everything’ ye na Uncle Austin na ‘Ntawamusimbura’ n’agace gato k’iyo yise ‘Slowly’ arangije avangamo izindi ziganjemo iziri mu njyana ya Reggae nka ‘No Woman no cry’ , ‘Red Wine’ za Bob Marley n’izindi nke hashize iminota itageze kuri 20 ahita avanwa ku rubyiniro mu gihe yari yagenewe kuririmba igihe kigera ku isaha.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Sheebah Karungi yizihije isabukuru ye y’amavuko mu buryo budasanzwe[AMAFOTO]

Umugandekazi Sheebah Karungi, arikwizihiza isabukuru y’Imyaka 30 amaze...
11 November 2019 Yasuwe: 4219 0

Diamond Platnumz yerekanye Imodoka 3 zihenze yaguze harimo iye,iya Mama we...

Ku wa gatanu ubwo umuhanzi Diamond Platnumz yajyaga kureba ahari kubera...
11 November 2019 Yasuwe: 4782 0

Lady Gaga yise abanyamakuru ibigoryi kubera ibyo bamutangajeho

Umuhanzikazi w’umunyamerika Stefani Joanne Angelina Germanotta wamamaye nka...
11 November 2019 Yasuwe: 1294 0

Tom Close yashyize hanze ifoto afata nk’iyibihe byose-IFOTO

Ku wa 7 ugushyingo 2019 ubwo Umuhanzi Tom Close yitabiraga hamwe n’abaganga...
10 November 2019 Yasuwe: 5931 0

Meddy yashimishijwe n’abanya-Tanzania mu gitaramo cya Wasafi...

Umuhanzi Ngabo Médard Jobert [Meddy], umuririmbyi umaze kubaka ibigwi mu mu...
10 November 2019 Yasuwe: 2130 0

Kidum kubera ibirori yakorewe n’abafana be byatumye atekereza kucyemezo...

Umuhanzi Jean Pierre Nimbona [Kidum],ukunzwe cyane mu karere ka Afurika...
10 November 2019 Yasuwe: 2710 3